الموضوع: تيل الفرامل بيتغير تقريباً كل كام

المشاركة الأصلية كتبت بواسطة shoka

التيل جوه التوكيل سعره 235 بدون الضريبة
انا لسه مغير فى صيانة 20000

طيب يعنى حضرتك اجمالى تكلفة التيل بالتركيب والضريبة كام ؟؟

وهل حضرتك دفعت تمنه بالاضافة لتمن الصيانة نفسها كمان ؟؟

يعنى صيانة العشرين دى اجمالى تكلفتها كام بالظبط ؟؟

فى اللانوس معايا بغير ما بين 15.000 و 20.000 كيلو

المشاركة الأصلية كتبت بواسطة gebreel

بصي يا فندم بالنسبة لموضوع التيل و الصيانة ايوه حضرتك هتدفعي ثمن الصيانة و ثمن التيل لأن التيل ده من المستهلكات فبالتالي مبيتحطش من ضمن ثمن الصيانة لأنو مش معتمد على عدد كيلوات معينة غير مثلا البوجيهات و الفلاتر ليها عدد كيلوات معين فبينضافوا على ثمن الصيانة

بالنسبة لكلمة الضمان و معناها فالضمان بيضمن العربية ضد عيوب الصناعة و بيضمن ان حضرتك لو احتجتي اي قطعة غيار في اي وقت التوكيل ملزم يجيبهولك
بالنسبة للفلوس قبل و بعد الضمان مش هتفرق يعني ثمن صيانة ال20000 هيفضل ثابت بعد الضمان ما يخلص و قبله

تمام كده فهمت ... بس يعنى كده التيل مش لازم يتغير فى صيانة العشرين لا ده بيعتمد على امتى حيبوظ نتيجة الاستخدام يعنى كل واحد ونصيبه ؟

وبرضه فى طرمبة البنزين وفلتر البنزين سمعت بيتغيروا برضه على ال 20 او 30 تقريبا

انا عموما ااقصد ن كده تكلفة الصيانة او تغيير القطع دى فى التوكيل بقت مكلفة جدا يعنى لو غيرت التيل مثلا فى التوكيل ال 400 جنيه بتوع الصيانة حيبقوا 800 علشان التيل وهكذا وده كتير ... كده الناس حتضطر تتعامل مع ورش بره حتى خلال فترة الضمان

المشاركة الأصلية كتبت بواسطة col. Eng. Khaled

لو التيل هو نفس بتاع الميجان فده سعره تقريبا برا التوكيل 150 أو 180 جنيه أسباني ماركة "رمسا"

عمري ما غيرته في التوكيل سواء أمامي أو خلفي

في عربيتي التيل الأمامي مختلف عن ما قبل 2007 ، سعر "رمسا" في الحرفيين 250 جنيه + 20 جنيه مصنعية = 270 جنيه بدل 500 أو 600 في التوكيل

على فكرة تغيير التيل برا التوكيل ما يخرجش العربية من الضمان .

بالظبط ده اللى بقوله السعر بره حيبقى ارخص بكتير ... المهم بس الواحد يعرف يشترى ايه ومن فين ويروح لمين يركبوه ... ياريت الناس اللى عملوا كيلو كبير يقولوا عملوا ايه فى تغيير التيل وخلافه ... للافادة