الموضوع: رينو سكالا للاسف عربيه اوروبى بطعم الكورى

الموضوع بأختصار واحب الاخوه الاعضاء نتناقش فيه
امبارح روحت معرض عربيات اللى فى المهندسين حصيصا علشان اشوف رينو سكالا
لانى سمعت عن العربيه دى كتير جدا هنا فى المنتدى وخصوصا انى على مشارف شراء سيارتى الاولى فى حياتى
وان المبلغ المتاح كبير اقدر اجيب حاجه كويسه ويا سلام بقى لو عربيه اوروبى
المهم روحت المعرض ما اخبيش عليكم ان الاخ اللى فى المعرض اللى فى المبيعات معلوماته عن العربيه زيرو
المهم قولتلو العربيه بكام قاللى ان الاوتوماتيك بــ 90 الف وممكن تقل كمان بس لو حضرتك حابب العربيه قوى ممكن تاخد الهاى لاين
قولتلو بكام قالى بــ 100 الف وممكن تنزل كمان شويه اتنين تلاته وهى زياده عن الاوتو بانها مالتى فانكشن وجنوط وفرش جلد
قولتلو ممكن اشوفها بقى قاللى اتفضل
العربيه كانت الاوتوماتيك بصراحه هى شكلها كئيب شويه من جوه بس فرشها كويس قماش بس نضيف
الفتيس الاوتو شكله بلاستيك كده مش فخم زى العربيات الاوروبى التى عهدناها
فتحت الشنطه بجد وهميه حووووووووت ممكن ينام فيها ومعاه سمكتين قرش
الصاج بقى وده اللى قفلنى من العربيه بيرن زى مايكون صاج من طبقه واحده او سمك 2 سم مثلا
هى العربيه على سعرها كويسه جدا بس انا مش عارف ازاى تنزل على اسم رينو خصوصا انها واخده ماتور نيسان وده رغم انه موديل قديم فى المواتير بس ميزه فيها وخصوصا ان الناس بيقولو عليها صنى الجديده بس بجد العربيه صاجها ضعيف جدا ومن جوه مش رينو اللى اعرفها
انا ممكن اكون طولت عليكم وزودتها شويه بس احب اعرف اراء الاعضاء وخصوصا اللى شافوها على الطبيعه او هى معاهم