لوسمحتم عايز مقارنه بين سيارة رينو 5 موديل 76وسيارة سيات 133

**mido_mizzo** · 25-04-2007 04:03 AM

السلام عليكم ورحمة الله وبركاته
ايهما افضل من ناحية قطع الغيار والاداء وكنت عايز اعرف هل قطع غيار رينو 5 موديل 76 منتشرة ورخيصه ولا لأ وكمان كنت عايز اعرف سعرها فى حدود كام لانى شفت عربيه رينو 5 موديل 76 ب7200 فقط فهل سعرها ده منطقى ولا ايه
ارجو الرد من اخواننا الخبراء
وجزاكم الله كل خير

**bassam nagy** · 08-05-2007 07:44 PM

انا واحد صحبى معاة رينو 5 اتنين باب موديل 1980 عربية بصراحة احسن من السيات بكتيير وموتورها حلو على السيارة وقوى 1300 سىسى وهى عربية بتستحمل السفر ومابتسخنش وقطع غيارها موجودة فى عين شمس اى حاجة فى العربية وفى الوكالة ومنتشرة واسعارها معقولة انا شايف انها احسن من السيات بكتتير وبصراحة اول مرة اشوف سيارة موتورها طولى ودفع امامى والميزة دى مخلية العربية قوية بالرغم من ان معظم العربيات الجر الامامى الموتور بيبقى وضعة عرضى :|

**bassam nagy** · 08-05-2007 07:44 PM

تم الحذف للتكرار

**bassam nagy** · 08-05-2007 07:45 PM

تم الحذف للتكرار

**mido_mizzo** · 10-05-2007 03:04 AM

شكرا جزيلا يااستاذ باسم على المعلومات القيمة دى بس انا سمعت ان قطع غيار الرينو 5 مش منتشرة وغالية ان وجدت فهل الكلام ده صحيح ولا لأ
وكمان هل الرينو 5 موديل 76 قطع غيارها منتشرة ورخيصة ولا لأ
ومتشكر جدا ياباشا

**عزوز** · 12-08-2007 05:28 PM

الرينو 5 قطع غيارها مرتفعة نسبيا مقارتة بالسيات بس هناك فرق كبير في الاداء بينها وبين السيات دي فئة ودي فئة تانية خالص بس انا عن نفسي لو مكانك هاختار الرينو طبعا بس السعر اللي انت بتقول عليه ده قليل دا فحاول تتأكد من نظافة العربية وافحصها كويس