محتاجة نصيحة وحوش الرينو

**hobby10** · 23-09-2010 11:01 PM

السلام عليكم

الموضوع ببساطة انى معايا لوجان 2009 وفيها شوية حاجات حتحتاج سمكرة ودوكو بس الموضوع بسيط يعنى الحمد لله مفيش حادث او حاجة بس الطبيعى بتاع العربيات فى مصر حكات جراج او خبطات على البارد وبرده من الجراج او الركنة فى الشارع مش اكتر من كده الحمد لله ....

سؤالى هو هل الافضل من ناحية الصنعة والدهان ااقصد البويه تظبيط العربية فى التوكيل ولا بره التوكيل

... مع العلم انى بروح توكيل العامرية فى الاسكندرية ومأمنة على العربية ...

انا هدفى من سؤال الوحوش هو النصيجة طبعا وياااااااااريت بجد لو حد عنده تجربة فعلية مع التوكيل او بره ياريت يفيدنا بتجربته لانى ميالة اكثر للتصليح فى التوكيل بس مش عارفة شغلهم نظيف ولا لأ ؟؟؟

يارب تساعدونى فى انى اخد القرار السليم ان شاء الله

**gebreel** · 23-09-2010 11:08 PM

ازيك يا استاذة هبه
التصليح في التوكيل كسمكرة اكيد افضل هقول لحضرتك ليه

اولا هيستخدمو بوية نضيفة

ثانيا التأمين مبيفاصلش مع التوكيلات زي ما بيفاصل مع الورش و لما بيفاصل مع الورش بيخسف بيهم الارض بتكون النتيجة اما ان حضرتك تدفعي من جيبك علشان تاخدي حاجة نضيفة او انهم بتصلأوا الشغل على قد فلوسهم

انا اتعاملت مع منصور في الرش تحديدا اوتوماستر الدنيا كانت حلوة في الرفارف لكن الاكصدامات لونها فرق بس رينو ورشة السمكرة بتاعتهم اللي في المقطم فعلا حاجة تفرح

توكلي على الله و سمكري و رشي في التوكيل

**ramy_gamal** · 24-09-2010 12:55 AM

اعتقد بردة التوكيل احسن كتتير من برة مش عارف بحس ان الوقفه مع السمكرى او بتاع البويه بتكون اتقل كتير من الميكانيكى وبعدين التوكيل هيجيب احسن نوع بويه وكمان مش ممكن يكون فى فرق فى اللون ( اللى بيحصل برة انهم بيجيبو انواع بويه مش كويسه وعشان يظبطو اللون بياخد الرقم من على قايم العربيه ويزود الوان عشان يجيب نفس الدرجه ) فى التوكيل مفيش كدة

**hobby10** · 24-09-2010 01:16 AM

المشاركة الأصلية كتبت بواسطة r_gamal1

اعتقد بردة التوكيل احسن كتتير من برة مش عارف بحس ان الوقفه مع السمكرى او بتاع البويه بتكون اتقل كتير من الميكانيكى وبعدين التوكيل هيجيب احسن نوع بويه وكمان مش ممكن يكون فى فرق فى اللون ( اللى بيحصل برة انهم بيجيبو انواع بويه مش كويسه وعشان يظبطو اللون بياخد الرقم من على قايم العربيه ويزود الوان عشان يجيب نفس الدرجه ) فى التوكيل مفيش كدة

كلام جميل جدا ومقنع وعندك حق انا شايفه ان وقفة السمكرى دى حتبقى صعبة قوى اذا عرفت تقف اصلا .... شكرا لحضرتك على مرورك الكريم :)

**gebreel** · 24-09-2010 11:53 AM

انتو هتقوقولي على وقفة السمكري و البهيجي

يا نهار ابيض ده انا اخدت عربية جوز اختي علشان اشدها كانت لانسر و النقل و الميكروباص مسلم عليه من كل ناحية 10 ايام من القرف المستمر و خصوصا مع الباشا بتاع البويا اللي محسسني انو فنان و في الاخر بعد خناق و خليتو يعيد بعض الحاجات سلملي العربية بعد ما طلع روحي

توكلي على الله

**hobby10** · 24-09-2010 02:03 PM

ايه ياجماعة مفيش حد فى اسكندرية جرب التوكيل فعلا فى سمكرة ودوكو ... فى انتظار باقى المشاركات

**ahmad--ezzat** · 24-09-2010 02:05 PM

[QUOTE=hobby10;3873066087]كلام جميل جدا ومقنع وعندك حق انا شايفه ان وقفة السمكرى دى حتبقى صعبة قوى اذا عرفت تقف اصلا .... شكرا لحضرتك على مرورك الكريم :)[/QUOTEا
ايوه صح كده دة الناس دى تدب ف عينيهم رصاصه اصلا وطماعين .....اتعملى مع مراكز افضل

**hobby10** · 24-09-2010 02:16 PM

[QUOTE=ahmed_nubira;3873067226]

المشاركة الأصلية كتبت بواسطة hobby10

كلام جميل جدا ومقنع وعندك حق انا شايفه ان وقفة السمكرى دى حتبقى صعبة قوى اذا عرفت تقف اصلا .... شكرا لحضرتك على مرورك الكريم :)[/QUOTEا
ايوه صح كده دة الناس دى تدب ف عينيهم رصاصه اصلا وطماعين .....اتعملى مع مراكز افضل

الف شكر لحضرتك على مرورك

-

-

الموضوع: محتاجة نصيحة وحوش الرينو

LinkBack

أدوات الموضوع

عرض

محتاجة نصيحة وحوش الرينو - انشر الموضوع فى :

-

-

-

-

-

-

-

المواضيع المتشابهه

يا كل وحوش الرينو..رمضان كريم

وحوش الرينو اجمع

اهلا وحوش الرينو

محتاجة نصيحة

محتاجة نصيحة

الكلمات الدلالية لهذا الموضوع

المفضلات

المفضلات

ضوابط المشاركة