انا اسف للتاخير فى دخولى على الموضوع يا محمد عشان انت عارف ظروف تعب الوالدة عندى والقلق اللى كنت عليه لما جيت وحكتلك عليه

بص يا محمد بقا
انت انسان ابن بلد وجدع جداااا , ومش بتتاخر على حد ابدا فى اى خدمة او واجب
ودايما انت صاحب واجب ولما بتعمله بتقوم بيه من القلب
فازاى نتاخر عن مشاركتك فى اى فرحة او مناسبة ليك
وخصوصا لو يوم زى ده
الوالدة غالية عندى جدا جدا , وربنا يعلم , ولو كنت فى اخر الدنيا حجيلك بردوا وحاجى للحاجة
كفاية طيبتها واستقبالها لينا انا واسرتى فى كل مرة بنيجى فيها اسكندرية
وكفاية الطيبة اللى فى عنيها وهى بتتكلم
اى حد بيقعد معاها بيحس انها والدته
ويارب السنة الجاية اكون معاك تانى ونحتفل بالحاجة وتكون كمان فرحانين بيك ويكون معاك اسرتك الكريمة واولادك عشان نفرح الحاجة اكتر بيك,
وربنا يخليلك الوالدة الغالية عندنا جدا
وانت فعلا اخ ليه انت كمان , ما انت عارف احنا الاتنين مالناش اخوات
وربنا يديم المحبة والاخوة بينا يا شنو
ومش حنسى فضل المنتدى فى انه عرفنى على ناس زيك
والله فى ناس تانية محترمة كتير فى المنتدى الواحد نفسه يعمل معاهم اى واجب بجد ,لانهم رجالة بجد
بس ان اشاء الله الايام جاية كتير وربنا يجمعنا على خير