استفسار لمن سبق له امتلاك العربيتين الفيورا وال 128 ( كلا السيارتين )

**ahmed1981** · 21-03-2008 11:40 AM

المشاركة الأصلية كتبت بواسطة AboRoqaiaa

باشمهندس أحمد
حضرتك بتقول تغييره سلك الدبرياج لما بيقطع سهل
المشكلة إنه لما بيقطع بيكون فعلاً وقف حال
.
شايف ان مشكلته انه مش زي مشكلة كتير من اعطال العربية اللي هو انك ممكن تيجي على نفسك وعلى العربية وتمشي بيها وتوصل لأقرب ميكانيكي لأن ساعتها بتقف مكانك والعربية مش بتتحرك من مكانها

هو الحقيقة ممكن تمشي بدون السلك لغاية الميكانيكي
لكن هتيجي على نفسك وعلى السيارة
هتدور العربية وإنت على الأول وتطلع بيها من المارش على الأول
وممكن تجيب غيارات بس محتاجة خبرة

المشاركة الأصلية كتبت بواسطة AboRoqaiaa

هل فعلاً مفيش حل جذري للمشكلة دي؟

هناك حلول مبتكرة (إختراعات)
1 - سلك نوع آخر بتاع سيارة أخرى أكثر قوة يتم توليفه ليركب (شفته في تاكسي 128)
2 - إستبدال السلك بميكانيزم من مجموعة من الوصلات الحديدية (مثل نظام الدراعات التي تشغل المساحات) وهذا تأليف مصري من أحد المكيكانيكية وعرض في جريدة الأهرام من عشر سنوات (لا أعلم هل هناك من يطبقه أم لا)

بالنسبة لي فأنا أقلمت نفسي على هذا الأمر
ولو إتقطع مني السلك أمشي بالسيارة لغاية لما أشتري سلك من أقرب محل وأركبه بنفسي (الطلوع بالمارش للأول)

**thegoodhacker** · 21-03-2008 12:26 PM

جزاكم الله خيرا علي الردود الوافية

**thegoodhacker** · 29-03-2008 07:56 PM

معلش عندي سؤال تاني
ازاي اقدر اعرف ان كابل الدبرياج ده قرب انه يقطع ؟ يعني فيه بوادر ولا لا ؟ و كل اد ايه ممكن اغير كابل الدبرياج كصيانة دورية بدل ما يقطع معايا مرة واحدة ؟

**cpt_shawky** · 29-03-2008 08:22 PM

المشاركة الأصلية كتبت بواسطة sab3aawy

انا امتلكت الفيورا مرة واحدة وال 128 3 مرات واعتقد ان هذا يؤهلنى للإجابة طبقا لل prequalification إللى انت حاططها

تصحيحاً طبقا للـ Prerequisite :)

بالنسبة للفيورا والـ 128...يا جماعة أنتوا لسه محرمتوش بنقول القانون طالع وهيعدموا السيارات الأكتر من 25 سنة فكروا فأى حاجة جديدة بقا حتا لو ألتو.

**أبومعاذ** · 29-03-2008 08:53 PM

المشاركة الأصلية كتبت بواسطة thegoodhacker

معلش عندي سؤال تاني
ازاي اقدر اعرف ان كابل الدبرياج ده قرب انه يقطع ؟ يعني فيه بوادر ولا لا ؟ و كل اد ايه ممكن اغير كابل الدبرياج كصيانة دورية بدل ما يقطع معايا مرة واحدة ؟

بتحس بحكة في الدبرياج بمعنى انه مش بيبقى بالنعومة المعتادة

**ahmed1981** · 29-03-2008 10:27 PM

المشاركة الأصلية كتبت بواسطة cpt_shawky

يا جماعة أنتوا لسه محرمتوش بنقول القانون طالع وهيعدموا السيارات الأكتر من 25 سنة فكروا فأى حاجة جديدة بقا حتا لو ألتو.

فين القانون اللي طلع ده ؟؟؟؟؟؟؟؟؟؟؟؟؟؟؟؟؟
ممكن حضرتك توضح
كله كلام جرايد وإعلام وكذب في كذب

**thegoodhacker** · 29-03-2008 11:46 PM

الف شكر لكل من ساهم بالرد يا شباب
اما بالنسبة لقانون تحديد العمر الافتراضي 25 سنة للسيارت فانا لا اعتقد انه سيتم لانهم لم يذكروا ذلك في قانون المرور الجديد !!