برجاء المساعدة في شراء لادا 2115

**darehawk** · 24-09-2010 02:53 AM

لو سمحتوا يا رجالة اللي يعرف اي معلومة عن العربية دي بجد يقولي عشان ناوي وباذن الله اشتريها هي موديل 2010 عايز اعرف هي عربية كويسة ومتينة واقتصادية وتستحمل الطرق العجيبة اللي بنمشي فيها وايه مميزاتها وعيوبها شكرا مقدما ليكو جميعا

**darehawk** · 24-09-2010 04:13 PM

ايه يا جماعة محدش يعرف حاجة عن العربية ولا ايه بالظبط برجاء الرد انا على وشك شرائها

**midomizo** · 24-09-2010 04:26 PM

انا الصراحة اول مرة اسمع عنها بس نصيحة متستعجلش وانتظر رد الزملاء

بس لو هى سيارة مش منتشرة متجبهاش عشان متتعبش لما تشترى قطع غيارها

**darehawk** · 24-09-2010 05:22 PM

مش عارف والله يا باشا العربية شكلها لذيذ وسألت على قطع الغيار طلعت موجودة بس انا عايز اعرف هل هي عملية ولا ايه نظامها وحد مجبرها قبل كده ومتشكر لهتمامك هي برضه تحمل اسم لادا سمارا بس موديل 2010

**engaass** · 24-09-2010 05:44 PM

لاسف شكلها حلو بس بها نفس عيوب ال لادا العادية (خشونة الماتور والسخونة)وايضا قلة انتشار قطع الغيار بالنسبة لل لادا العادية بس موجودة فى التوكيل وبعض محلات ال لادا فى التوفيقية وفيصل وشارع دمشق واعتقد ان سعر اعادة بيعها هيقل جدا بسبب عدم انتشارها

**darehawk** · 24-09-2010 05:56 PM

سؤال صغير هي تكنولوجية الموتور بتعاها مختلفة عن 2107 ولا نفس الموتور وبنسبة لقطع الغيار انا سألت وموجودة في التوكيل في اسكندرية وفي شارع صلاح الدين وده شارع مشهور اوي في اسكندرية هو لحضرتك تجربة مع العربية لان فعلا العيوب بتاعتها مش جوهرية ومتشكر جدن لحضرتك