الموضوع: ريجاتا 89 للبيع

مواصفات السيارة كالتالي:
-ماركة السيارة :فيات ريجاتا
-الموديل/السنة : 1989
-عدد الكيلومترات : -----
-حالة الصاج او الخوارج :رشة نضافة
-حالة الدواخل :رشة
-حالة الصالون : ممتاز
-الحالة العامة او التقييم العام للسيارة :جيد جدا
-حالة الكاوتش: ( جيد جدا )
-حالة البطارية : جديدة (في الضمان)
-مكان المعاينة : المنوفية شبين الكوم
-السعر المبد ئي كام : يا ريت تساعدوني في التسعير
- اشتراط التسجيل او بتوكيل مش هتفرق
-حالة الموتور ممتازة لسة في التليين .

المميزات :
الموتور استيراد ركبته في شهر 6 اللي فات وطلع في مشكلة صوت تكتكة استلزمت عمرة جديدة .
ريداتير نحاس جديد من عند البستاني ب500ج.
كوتش حالته جيدة جدا
الصالون اكتر من ممتاز هو والطبلوه مش هتلاقي صالون ريجاتا انضف من بتاعي الطبلوه سليم والعدادات كلها شغالة
سمكرة ودوكو من مارس اللي فات .
سي دي ماركة jvc وشاشة سوني ياباني اصلي .
زجاج امامي كهربا الاصلي بتاعها وسريع في الفتح والقفل .
ريموت و سنتر لوك spy .
علبة دركسيون جديدة في شهر 6 اللي فات
العيوب :
رشة دواخل لكن ما اعرفش ايه اسبب والله انا اشتريتها على انها فبريكة دواخل وبعد كدا اكتشفت انها رشة .
هتحتاج اتنين مساعدين ورا ، ودول ب 200 جنيه استيراد او 400 جديد نوعهم مونروا .
هتحتاج اكصدام خلفي .
ما عدا ذلك مش هتحتاج حاجة ان شاء الله .
السعر انا مش عارف والله .
هي تسوى كام ؟

المشاركة الأصلية كتبت بواسطة amro1965

انا هقولك تسعيرى وده رأى ممكن تأخذ بيه او ترفضه من مالك ريجاتا
صديقى قالك رأى بسعر 23000
بالنسبه لى انا سوف اطرح من مبلغ صديقى الاتى وده طبعا حسب كلامك يعنى اللى هيشترى ممكن يكتشف اشياء حضرتك مقلتش عليها فكده الاعضاء بيفقدوا مصداقيتك
انا هنسى انها رشه دواخلك ويكفى تعمير ماتورك وتوضيح بان صالون سيارتك ممتاز وتابلوها ايضا
مساعدين خلفى هنقول جديد 400 جنيه بالاضافه الى اكصدام خلفى 300 جنيه
بالنسبه للرخصه نهاية الترخيص لغايه امتى وخلى بالك حضرتك من المنوفيه يعنى اللى هيشترى من القاهرة او اسكندريه فده تكاليف زياده تضاف لتسعير السيارة
فرضا لو فاضل عليها 6 شهور وتنتهى تبقى سيارتك تساوى 21500 الف جنيه
فرضا لو فاضل عليها سنه او اكثر سعرها يساوى 22000 جنيه
على فكرة انا لست تاجرا ولا مشترى ايضا لكن انا مالك سيارة ريجاتا مثلك
بالاضافة لا احب ان ياتى اليك مشترى لسيارتك سواء من اعضاء المنتدى او من نفس بلدتك ويصل معك لسعر وبعدين تندم انك مبعتهاش
وربنا يحسن لك بيعها ويبعد عنك شر الناس التى تبخس اسعار السيارات

انا اشكرك على الاهتمام والرد على موضوعي
وانا عارف انك مش تاجر وبشوفك مشاركاتك المميزة كتير في رابطة مالكي الريجاتا
اما بالنسبة للتسعير انا وضحت كووووووووووووووول العيوب اللي في العربية بلا استثناء واللي هييجي يعاين مش هيلاقي غلطة زيادة وده كلام انا مسؤول عنه وهتحاسب عليه .
ولو حد جه يعاين ولقى حاجة انا ما قولتهاش ياخد العربية من غير فلوس . ودي عربيتي وانا أدرى بعيوبها .
العكس ممكن يحصل انك تيجي وما تعرفش انها رشة دواخل ممكن تيجي وما تعرفش انها محتاجة اتنين مساعدين ورا ( وعلى فكرة هما شغالين كويس بس ضاربين زيت يعني ب 5جنيه زيادة لبتاع المغسلة هيخفي أثر الزيت اللي طالع من المساعد وتبقى زي الفل ) .
وبالنسبة للطريقة اللي حضرتك اتبعتها في التسعير هي دي الطريقة الصح
لكن لما تيجي تخصم تمن المساعدين والاكصدام الخلفي وتكاليف الرخصة دول بتخصمهم من سعر العربية الممتازة اللي ما فيهاش عيوب ودي بتوصل ل 26000 و27000 الف .
انا عارف واحد عنده ريجاتا مكيفة فابريكة برة وجوة جاله فيها 28000 وما بعش .
وبرضو انا سعيد بمشاركتك وانا معاكو لحاد ما نوصل لسعر عادل لايظلمني ولا يظلم المشتري
وشكرا .