الموضوع: حاجة تخنق :(

رجالة صباحكم فل :)

انا ضرب في دماغي بعد ما شففت ردود الرجالة اني اتكلم حبه كدة !

دلوقتي احنا بتوع السيراتوا الوحدين المظلومين في البلد ! طول ما انا ماشي في اسكندريا بلاقي لانسر شارك متعدل لانسر بومة ولا مكوة ديه الي شبه الفار و مسقد و جنوط و ليدات و مغير كراسي و شاشات و عدة صوت و كمان باسات و جيتا مجنطة و بدي كيت و الدنيا عسل و شوية و شفت ميجان عامل تابلوه جلد لونين و بدي كيت و عامل 2 شكمان و فل و لا اخونا بتوع الفيرنا الي قلبوها لامبورجيني و بيبان طيارة و بيرمحوا على الكورنيش ولا الطيارات ! غير كدة اشوف سيراتوا الاي مركب زينون فوجات و عالي و ماشي بيه ولا كأنه ملك زمان ! و الي ركب سبيرلر لادا تكسي دبل فيس و حس انه بقا عنده دون فورس تخلي العربية تطير ! و الي دهن جنط الفبريكة ريشة سودا و ريشة زي ما هيا علشان يحس انوا عمل حاجة ! ولا المعلم الي مركب شاشاة عرض على المرايا و خارم نص الاكصدام الوراني بين الحساسين و مركب كاميرا سودة زي ............. في نص الاكصدام و فرحان و بيبصلك ايه عربيتك فاضية ليه !

دلوقتي نيجي لمووضع الحجات الي احنا عاوزينها ! يعني مفيش اي حد مستورد من بتوعقطع الغيار الي مالين عزبة سعد ولا حتا الاسطه تيت الي بيسافر الصين يجيبلنا حبة اكسسوارات علشان نعيش بقا ؟ ولا احنا مغضوب عليهم ؟

دلوقتي بالنسبة لفريم الجي بي اس الجديد الي في الموضوع ليه الناس قلقان منه ؟ مهوا اكيد الجهاز التحفة الثري دي و بيامها كرت صوت يعني بيطلع مزيكا مش طبل بلدي زي الاجهزة الصيني الزبالة ديه و لو هوا بالكوري اكيد المستورد الي هيسافر هما هيعملولوا شحنة مخصوص لو 100 و 500 جهاز بالفريم بالكامير و ممكن يحطولوا عربي لو عاوز ! الصين و غيرها غير مصر يعني هوا يروح يتفق على الي هوا عاوزة و المصنع يصنعوله مخصصصصصصصصصصوص ! مش لازم يشتري من موقع ولا محل ! و يبقى تكلفته ارخص و حسب المتفق عليها ! نفس الكلام للبدي كيت هيديهم التصميمات و المقاسات و الصور و اوبا تلاقي المصنع صنعله 500 بدي كيت الراجل يجيبهم و يجي و نفس الكلام على الاسبويلر و لو عاوزين زينون مثلاً بمواصفات خاصة اوي اي حاجة ! و العتب الي بينور اي لون باي كلمة باي فونت و نفس النظام لليدات الابواب لو عاوز 100 ليد جواهم !

انا نفسي يكون حد عنده الرغبة و الاصرار انه يجيبلنا الحجات ديه

اصلها وصلت لمرحة تعقد الواحد ! يعني انا مبقتش اطيق ابص للعربية من كتر ما شفت الدنيا عاملة فيها ايه ! يعني في شوية عربيات مشدودة اخر حاجة تعقد ! ويعني بس شييك اوي ولال هوا عامل بيبان طيارة ولا بازوكتين في الشطنة و اكل المسحاة بس يعني مغير سمعات الفبريكة بسمعات شددددددديدة و هكذا !

فعلاً الواحد بيحس بالظلم انوا عربيته الوحيدة الي ملهاش كمليات غير كدة للادا في فوانيس ليدات ! حاجة تقهر ! يعني لازم نشفلنا حل لانوا كدة مش هينفع نعد نتفرج و نقول عاوزين لغاية محنطق :(

ايه رأيكوا في الكلام ؟ هل انا بخرف ؟

المشاركة الأصلية كتبت بواسطة mshawky

انا كنت عايز اقول كده فعلا

لان التجار يبخافو يجيبو كميات واحنا متهيالنا ان كل الناس هتشتريها علشان احنا 50 ولا 100 واحد حتى فمش عدد طبعا يستاهل ان تاجر يطلع مخصوص ويطلب طلبيه اسبيشيال اوردر لعربياتنا علشان تتزبط لان كل ديه كماليات ترفيهيه لو قطع غيار مثلا هقولك اه ممكن تزغلل عين تاجر ويطلع يجبلك لان ديه مثلا من غيرها العربيه هتقف لكن اللى احنا بنتكلم فيها ده مزاج مش اكتر

ففعلا افضل حل لتجمعو مع بعضكو وتزبطو من بره شحنه حلوه بس متكتروش برضه علشان الجمارك ليهم عدد محدد
وحاجات العربيات عليها 20 فى الميه جمرك وضريبه مبيعات
او كل واحد يجيب بمعرفته وخلاص

الله ينور يا أبو الشوق يا كبير إنت يا مزجنجى ....... فعلا التجار بيقدموا قطع الغيار كأولوية عن الأكسسوارات و بعدين إحنا نسينا و لا إيه العربية أول ما بدأت تظهر فى السوق المصرى ماكنش ليها قطع غيار غير فى التوكيل و ساعات ماكنتش بتبقى موجودة و ماكنش فيه مستورد واحد لقطع الغيار بس دلوقتى الحمد لله بدأ يظهر تجار و مستوردين.............. و فترة إن شاء الله يسيرة و تلاقى بقى فيه مستوردين للإكسسوارات و الكماليات ..................... إن الله مع الصابرين