لما العربية تعوم او تحدف في حالة السرعة مع الملفات او المطر .. ايه هو التصرف الصحيح اللي ممكن يتعمل للم العربية ؟
وهل الطريقة بتختلف من عربية للتانية ؟
لاني اصبحت معقدة من الموضوع ده .. وبفقد السيطرة تماما على العربية في حالة انها عومت او حدفت ..
عرض للطباعة
لما العربية تعوم او تحدف في حالة السرعة مع الملفات او المطر .. ايه هو التصرف الصحيح اللي ممكن يتعمل للم العربية ؟
وهل الطريقة بتختلف من عربية للتانية ؟
لاني اصبحت معقدة من الموضوع ده .. وبفقد السيطرة تماما على العربية في حالة انها عومت او حدفت ..
لو عربيتك عومت بتمسكى الدركسيون جامد اوى و تحاولى على قد متقدرى ترجعى العربية لمسارها , و طبعا متدوسيش على دواسة البنزين او الفرامل ممكن تلمسى دواسة الفرامل بس من غير كبس , لو فى حالة ان العربية مانيوال و انتى على سرعة والعربية عومت ممكن تسقطى غيار يعنى مثلا لو على ال 4 تجيبى ال 3 و بعد كدة ال تانى لحد لما العربية ترجع تانى لطريقها الطبيعى , الفكرة بقى ان عومان العربية دة مش طبيعى يعنى لو العربية بتعوم لوحدها يبقى انتى عندك مشكلة و لازم تتصلح عشان دى حاجة خطيرة جدا , و نستنى برده رأى الخبراء , انا بصاحة معنديش خيرة فى الموضوع دة لأن عربيتى معومتش معايا قبل كدة لغاية دلوقتى و الحمد لله طبعا
إضافة تانية
و أثناء ما حضرتك بتعيدي السيارة لمسارها ما تلفيش الدركسيون جامد و بعصبية لأن دة هيزيد من عومان العربية
ابعدي عن الفرامل الجامدة يعني يادوب تلمسي الفرامل عشان تظبطي العربية و متحدفيش الدركسيون جامد .. بس اهم حاجة تراجعي على الكاوتش و العفشة عشان الحكاية دي متحصلش تاني
الموضوع مش سهل ..متخافيش ..
اصل اوقات العربيه مش هتتعدل غير لما تكبسى بنزين ..
اوقات لازم فرمله جامده تحجم العربيه
فى حالات قاسيه بقى لازم تلفى الدركسيون على الاخر عشان تمشيها بجمبها وبعد كده تعدليها
طبعا ده كله مش بييجى غير من الجرى
طول ما انتى هاديه مش هيسحل حاجه من دول ان شاء الله
ممكن تعوم خفيف
ودى حلها زى ما الاعضاء قالو
طبعا الاعضاء ردوا واوفوا كمان بس فعلا اهم حاجة والمفروض كلنا نهتم بيها وهي حالة الكفارات والكشف على الضغط باستمرار
اه بالظبط بس انا قولت كلمة خارج القاموس ولا ايه هههههههههه
الحمد لله بس الفترة دي عندي شوية مشاغل كده والف شكر ليك على سؤالك وكل عام وحضرتك بخير ,, والكلمة فعلا بنقولها في السعوديه هههههههههه
اهم حاجه بس لو العربيه راحت منك متحاوليش تلميها بقسوه ...ع الهادي كده وخليكي مركزه
+العربيه مش هتعوم غير لو فيها عيوب ف العفشه حاولي تعمليها ومتجريش بسرعه
هو موضوع العوامان بصفة عامة معناه فقد التراكشن مع الأسفلت لأي عجلة من الأربعة أو في الأسوء كلهم
أسبابه
- الأرض نفسها فيها ميه أو رمل أو أسفلت ناعم (الحرص بزيادة في حالة ملاحظة أي منهم)
- السرعة الزيادة ودخول الملفات بيها لدرجة تفوق التراكشن بتاع الكاوتش نفسه(عدم الأسترخاص في الكاوتش وتركيب نوعيات جيدة وتاريخ صنع حديث كمان)
- في الطريق السريع علي الطوالي تيجي ساعات عالي وواطي في الأرض(المحافظة علي خط سير العربية مستقيما مع تجنب أستعمال الفرامل لأن العربية بتبقي تقريبا طايرة في الهواء ووزنها بيخف جامد فلو فرامل متوسطة لجامدة العجل ممكن يقفش ويخلي العربية تعوم أحسن حاجة المحافظة علي سبات السرعة تقريبا والأستعانة بالفتيس لتبطيء العربية تدريجيا)
هندسيا معظم العربيات متصممة وزنها الأمامي أكتر من وزنها الخلفي بأستثناء (البي أم و أعتقد المرسيدس و......) فلما بتاخدي ملف جامد العربية بتكون عاملة تراكشن كويس في الأمام بس في الحقيقة ضهر العربية أخف فأسهل يفقد التراكشن فاتعوم من الضهر
الحل في القيادة الهادئة (مش شرط البطيئة) تسارع تدريجي وفرملة تدريجية لعدم نقل مركز الثقل للعربية بسرعة فا تعوم
ألي بيحصل في الفرامل العنيفة أن الوزن بيتنقل بزيادة للكوتش الأمامي(أكتر من ما هو مش موزون من الأول في التصميم-الوزن) النتيجة أن الكاوتش ألي ورا بيقفش والعربية بتعوم (زي ألي بيمسك هاند بريك وهو بيلف كاأستعراض) وده ميزة ودور التراكشن كنترول والأيه بي أس كتجهيزات أضافية في بعض العربيات بيقلل التعويم بنسبة عالية لدرجة عدم حدوثه تقريبا
شكرا علي المعلومات
اهم شئ السيطره علي الدركسيون
هي حصلتلي مرة كنت ماشي على طريق اسيوط الغربي
كنت على سرعة 100 كم تقريباً و عامت مني جامد بدون سبب ( ممكن تيارات هوائية ) المهم انا اتخضيت طبعاً و سيبتها هي تعدل نفسها بنفسها
كل الي عملت كلبشت في الدركسيون جامد و مورت العربية بس ما حولتش الف الدركسيون او اي حاجة
و الحمد لله عدت على خير
متشكرة على المعلومات ..
الكاوتش عندي فعلا محتاج يتغير بس الفكرة مستخسرة لاني هغير العربية كلها قريب ان شاء الله ..
فبقول امشي حالي بيه الفترة الجاية ..
ومعلش بالنسبة لنقطة احود الدريكسيون عكس اتجاه الحدفة ..
اساسا لما العربية بتعوم بتبقى بتحدف على الناحيتين ..بتبقى رايحة جاية من اليمين للشمال كده كاني عمالة العب بالدريكسيون يمين وشمال ..
ساعتها الفه يمين ولا شمال !!
بس انا خدت بالي ان في الحالة دي فعلاا لما بدوس بنزين جامد شوية العربية بتتعدل لوحدها !!
وبتكون دوسة البنزين مش قصدي بتبقى من الخضة رجلي بتضرب بنزين جامد غصب عني .. بس فعلا العربية بتتعدل !!
انا لسه واخدة بالي من الموضوع ده دلوقتي
غيرى الكاوتش و الكاوتش الجديد بيعلى سعر العربية لأنه بيبقى مكتوب عليه سنة الصنع , و برده عشان اللى هيشتريها ميدعيش عليكى لا قدر الله :C_laugh[1]: و بالنسبة لموضوع رايحة جاية دة مش طبيعى خالص لو عربيتك 206 و كدة فيه مشكلة ولازم تتحل فى اقرب وقت سواء بقى ظبط زوايا , ترصيص كاوتش و ضبط ضغط الكاوتش الخ.....اقتباس:
..بتبقى رايحة جاية من اليمين للشمال كده كاني عمالة العب بالدريكسيون يمين وشمال ..
كل ماتريد معرفة عن تعويم العربية
http://www.nilemotors.net/Nile/118293-a.html
وده فيديو فيه دريفتات وطريقة عملها وبالتالي ممكن يتعرف طريقة تفاديها أو السيطرة عليها
باين فيها أزاي تخلي الكاوتش يفقد تراكشن(الحركة المفاجئة للدركسيون والبنزين)
شوفوا كمان الدقيقة 2.37
و 2.55
http://www.youtube.com/watch?v=WKRC51PSsgY
هي مش بتفضل رايحة جاية مع نفسها وانا ماشية في امان الله .. لا
دي بتحصل لما بستهبل .. بمعنى خدت ملف بسرعة عالية ..
خدت ميدان كان فاضي وخدته كامل 180 درجة بسرعة كبيرة ..
مرات كتير ربنا سترها معايا
ومرة منهم دوست فرامل جامد العربية لفت حوالين نفسها وخبطت في سور كوبري والعربية ادمرت ورجلي اتكسرت ومن ساعتها وانا نفسي اعرف ازاي اتعامل في المواقف دي ..
لاني اعتقد ان لو كان عندي شوية معلومات تمكني من السيطرة على العربية .. مكنش حصل اللي حصل ..
اللى حصل قضاء وقدر ... وبالتالى المعلومات ما هى الا سبب فى محاولة السيطرة .
اولا بلاش السرعات العالية . بلاش على قد متقدري .. السواقة الهادية والتدريج فى الفرامل والبنزين بتريح السيارة
وتريح حضرتك طبعا .. ثانيا : ياريت لو فعلا تعملى زى مقال الاعضاء هنا ظبط زوايا للسيارة + تغيير الاطارات + ترصيص
الاطارات . خصوصا انها جديدة يبقى لازم تترصص .. هيفرق مع حضرتك كتير
بالنسبة للسيطرة على السيارة هى حصلت معايا ايام اللانسر بسبب ان كان فية رمل على الارض وكنت واخد
الملف بسرعة عالية العربية كانت زيرو " فرحة الزيرو " العربية عامت من ورا بسبب الرمل والسرعة .. اول حاجة
انسى الفرامل .. بلاش فرامل .. ولو هتفرملي يبقى سنة صغيرة وتدريج بطيئ .. تانى حاجة تمسكى الدريكسيون جامد جدا
وتحاولى تتحكمى ان السيارة متروحش ف اتجاة تتخبط فية ولو حصل لا قدر الله ولفت يبقى اكيد حضرتك ضغطى على
الفرامل جامد او ضغطى فجأة ودة غلط خصوصا لو العربية مفهاش abs ودى فائدتة
حضرتك تضغطى بنزين بشويش ف حالة انها بتلف حوالين نفسها وعلى حسب الموقف تتعاملى يعنى ممكن تضغطى ثنة
بنزين ممكن ثنة فرامل ممكن ف حالة مينفعش فيها فرامل خالص زى الرمل مثلا .. اتمنى للجميع الامان وادعوا الله
ان يحفظ الجميع وان ينعم عليكم بقيادة هادئة هادفة
المفيد:
http://www.nilemotors.net/Nile/16000...post3872802859
MMamdouh
إيه يارجالة في إيه؟
الدكتورة بتقول لكم ملف على 180 وكمان راكبة 206 مش بورش ولا فيراري يعني.
وكمان بتقولو لها إزاي تتحكم في العربية على السرعة دي.
ياجماعة طب على الأقل ناخد بالإعتبار زي ما بتقولوا كين بلوك.
الراجل راكب سوبارو هو معدلها عشان ياخد بيها دريفتات يعني مش عفشة عادية. غير كده وده الأهم إنه بيعمل كده في تراك مخصص ليه هو بس. عارفين يعني إيه هو بس.
مش معنى هو بس إن ما فيش حد غيره بيبقى في التراك. لأ. معناه إنه مش حيخبط حد لو ما قدرشي يتحكم في العربية أو لأي سبب من الأسباب الخارجة عن الإرادة.
ياجماعة أنا كنت زيكم كده لحد ما ربنا كتب لي عمر جديد بعد حادثة ماكانشي ليا أي ذنب فيها ولكن المشكلة كانت إني لو كانت سرعتي مش عالية (كنت على 120 على فكرة بمرسيدس مو 96 مش 180 ب 206) كنت قدرت أتحكم في العربية وأتجنب الحادثة.
وبعدين السيد اللي بيقول قضاء وقدر. إسمح لي أعارضك وبشدة. لو واحد ماشي في الشارع ووقع عليه قالب طوب بنعمل إيه؟ بنقول قضاء وقدر؟ ولا بنشوف الطوبة دي جت منين؟ حد حدفها متعمد ولا لأ؟ ولما ما نلاقيش أسباب نقول قضاء وقدر.
الدكتورة عملت أخطاء جسيمة فعلا. سرعة عالية، وداخلة على ملف.
ربنا وضع قواميس ونواميس وقوانين للكون عشان يمشي عليها. يعني مثلا 1+1=2 مش ممكن تبقى 3 ونص مثلا وأقول قضاء وقدر
إنتوا حتنرفزوا الواحد ليه :)
وبعدين بتقول لكم الكاوتشات محتاجة تتغير. دا دي كارثة في حد ذاتها.
أنا كنت في جامعة 6 أكتوبر. وياما شوفنا حوادث على المحور مالهاش أول من آخر. وأكتر من 5 من أصحابي راحوا فيها بسبب السرعة.
ربنا يكفينا وإياكم شر الحوادث وربنا يلطف معانا
على فكرة هى مقالتش انها ماشية 180... هى قالت العربية لفت 180 درجة
هى لو كانت عايزة تتحكم فى العربية على 180 فى ملف يبقى مفيش غير واحد بس يقدر يفيدها فى الموضوع دة:
http://www.recipeapart.com/wp-.........6/the-stig.jpghttp://resources1.news.com.au/images...9-the-stig.jpg
http://www.myporsche911.co.uk/blog/w...9/the-Stig.jpg
MMamdouh
يمكن ما كانتشي ماشية على 180. بس أنا مش لا قي رد أرد بيه بصراحة. رغم الحادثة ورغم إنها عارفة إنه ربنا سترها معاها. عايزة تتعلم إزا تتعامل في المواقف دي. محسساني إن ده الطبيعي بتاع أي بني آدم بيسوق. وإنها ما بتعرفشي حاجة في السواقة عشان ما بتعرفشي تتحكم في العربية على سرعات عالية في ملفات.
:)
أنا بهزر والله عشان هي ما تزعلشي مني
ههههههههههههههههه مش ده الراجل الي كان جاي نايم مع الشنط على السير وطلع في الاخر شوماخر ههههههههههههههههههه
http://resources1.news.com.au/images...9-the-stig.jpg
دا ستيج ..... عزرائيل الصعيد :khd:
اكبر عدد جثث كان على يدة .. كان عامل هاى سكور على هتلر زات نفسيه
هو مطلعش شوماخر
واضح يا فندم أن العيب مش في العربيةاقتباس:
ومرة منهم دوست فرامل جامد العربية لفت حوالين نفسها وخبطت في سور كوبري والعربية ادمرت ورجلي اتكسرت ومن ساعتها وانا نفسي اعرف ازاي اتعامل في المواقف دي
حضرتك قولتي على المرض ............ و برضه قلتي على العلاج بنفسك
واضح أن طريقة سواقتك هي السبب في المشاكل اللي حصلتلك
أرجوا كأخ لكي أن تتعلمي مما حدث من قبل
القيادة الهادئة هي مفتاح الأمان و السلامة ........ و القيادة المتسرعة و السريعة هي مفتاح الحوادث ( و المؤمن لا يُلدغ من جُحر مرتين )
فبدلا من محاولة معالجة المشكلة ........... حاولى أن المشكلة ما تحصلش أصلا بالقيادة الهادئة .
أرجوا تقبل كلامي .... و احنا هنا علشان نذكر بعض و نفكر بعض و نتناقش و نوصل لأفضل الحلول .