عاجل بخصوص عمرة

**Dr. Halawa** · 24-09-2010 09:40 PM

انا خلاص فكيت الموتور بس الراجل مش عايز يفك وش السيلندر بيقوللى مالهاش لزمة وانا أصلا الطقم الأصلى بييجى بكل حاجة يعنى كاوتش الصبابات معاه و يعنى ايه سبيشيلات الموتور أصل سألت مهندس فى التوكيل و قاللى عربيتك ليها سبيشيلات يعنى مثلا انهو صباب يفتح الأول و كدة حد عنده فكرة ايه الموضوع ده؟ و لو كدة ممكن أجيبها منين؟

**amrmaismail** · 25-09-2010 01:10 PM

متابع باهتمام

**Dr. Halawa** · 25-09-2010 04:22 PM

انت عملت ايه فى عربيتك؟

**kaza** · 26-09-2010 03:21 PM

المشاركة الأصلية كتبت بواسطة dr. Halawa

انا خلاص فكيت الموتور بس الراجل مش عايز يفك وش السيلندر بيقوللى مالهاش لزمة وانا أصلا الطقم الأصلى بييجى بكل حاجة يعنى كاوتش الصبابات معاه و يعنى ايه سبيشيلات الموتور أصل سألت مهندس فى التوكيل و قاللى عربيتك ليها سبيشيلات يعنى مثلا انهو صباب يفتح الأول و كدة حد عنده فكرة ايه الموضوع ده؟ و لو كدة ممكن أجيبها منين؟

مش فاهم حاجة ياريت توضح اكتر ..هل هتغير وش السلندر ولا اية بالضبط لان الكلام مش واضح منة اية المطلوب

**amrmaismail** · 26-09-2010 04:10 PM

انا فاهم انت عايز تقول ايه
ان الراجل فك تلت الموتور اللي فوق بس سايبه ككتله واحده
انت مش عايزه يفك الصبابات وعمود الكامه ..... الخ اللي موجود في الجزء ده مش كده ؟؟
طبعا انت خايف انه مايعرفش يركبها تاني زي ماكانت
وفعلا انا قريت ان حتي المسامير اللي فالمكان ده ليها ترتيب في تركيبها والميكانيكيه بتوعنا بيعكوا
بس اعتقد الفكره كلها في ضبط التقسيمه في الاخر ( اللي هوا كده كده هيضبطها حتي لو ركب علي الوضع ده )

بالنسبه لعربيتي
انا غيرت الشنابر والويل سيلات وكاوتش الصباب وكله
النتيجه ان العربيه اتحسنت في اقصي سرعه ليها بس لسه الزيت بينقص
اه مش بينقص زي الاول ( دلوقتي بينقص من ١/٤ - ١/٢ لتر ) كل ٣٠٠٠ الاف الاول كان لتر
اعتقد ان المشكله بتاعت الحساس انه باظ من بخار الزيت
المشكله دلوقتي اني خايف ان علبة البيئه تبوظ هيا كمان من بخار الزيت ولا ايه رأيك ؟

**Dr. Halawa** · 26-09-2010 06:58 PM

بص كدة كدة الغى العلبة و ركب ماسورة كاتم و ريح دماغك انا ان شاء الله هاعمل كدة

**amrmaismail** · 28-09-2010 04:00 PM

عملت ايه يا باشا ؟؟

**Dr. Halawa** · 02-10-2010 03:14 AM

الحمد لله العربية خلصت رحت لواحد اكتشاف فى شارع زكى بيفصل جوانات (أصلى ما كنتش لاقى جوان فرن الشكمان) و من نفس الخامة الحمد لله العربية صوتها وطى خالص و طلعتها و استجابتها بقت أحسن كتير و التنتيشة راحت و المروحة اللى التوكيل قاللى لازم تتغير (ب1200 غير المصنعية) الراجل فكها و نضفها و بقت الحمد لله تمام و ما خدش حتى مصنعية فيها (حسبى الله و نعم الوكيل) بس الغريب ان برده عداد الار بى ام اول ما اشغل العربية بيفضل يطلع و ينزل بس من غير تنتيش الخمد لله