يا جماعه اللى عايز يعمل كده لازم يكون فى مرحله انتقاليه
مع انى مش مع انك تجبر حد على التغير بتاتا
دلوقتى لازم يوقف تقسيط السيارات فى مصر نهائى حتى اشعار اخر
لان بيطلع الفلوس بره واللى مرتبه على شويه يروح يجيب عربيه قبل ميفكر يستثمره فى اى حاجه او حتى يحوشه ويرفع مستواه وبعد كده يجيب عربيه
التقسيط يكون لملاك السيارات القديمه فقط مثلا اللى قبل سنه 80 من حقه التقسيط بنظام اسهل بكتير وليكن على العشرين السنه اللى هيبقى دده عمر السياره القادم (طبعا بالاتفاق)
وبكده ياخد نفس رقم عربيته القديمه وياخد منه العربيه القديمه يتصرفوا هما فيها
تخفيض الجمارك تماما او شيلها نهائى من جميع السيارات لان ده حرام
ولما هتيجى على حوار الجمارك ده هيقولك انا بحافظ على الصناعه المحليه وفرص العمل اللى هو عايز يعدمها دلوقتى غير ان مفيش اصلا صناعه محليه
وازاى عربيه جايه من برضه انضف وهتبقى ارخص غير اذا كان اللى هنا هما اللى بيستهبلوا واللى يستهبل يستاهل السك على دماغه مش احميه عشان ياكل الشعب
رفع قيمه تراخيص السيارت ده لازم يكون ادام الجمارك مش ادام دعم البنزين
احنا بلد مصدره للبترول او على الاقل منتجه مش مستورده وهتكون تكلفه علينا
احنا مالنا بسعر بره ميصدرش الا لما يكفى بلده احنا لو بنصدر اساسا
ده احنا مش نيجى واحد على مليون فى تصدير البترول من الخليج وهما هيرخصوا البنزين