ازاي تعدي الطريق في انجلترا

**shadygalal669** · 27-09-2010 12:08 AM

المشاركة الأصلية كتبت بواسطة mohie777

المشكلة ان الناس ده كانوا محتلين مصر اكتر من 50 سنة
بس للاسف مخدناش منهم حاجة خالص

امال محطه مصر دي كلها ايه

**calipha3** · 27-09-2010 01:03 AM

يبدوا ان الموضوع قد اثار شجون
و طبعا بيطرح ان المشكله عندنا في الثقافه العامه لكن هل هي سبب ام نتيجه للوضع السياسي ده يقبل الجدل من اي طرف

**tutankhamoun** · 27-09-2010 08:03 AM

يبدوا ان الموضوع قد اثار شجون
و طبعا بيطرح ان المشكله عندنا في الثقافه العامه لكن هل هي سبب ام نتيجه للوضع السياسي ده يقبل الجدل من اي طرف

اللي الأنحدار اللي الوطن العربي فيه ثقافيا و سأخص بالذكر مصر سببه الأساسي غياب الوعي عند الناس أولا و ثانيا و دي مهمة هو كُره أو عدم حُب النظام ... ده شئ مميز فينا
يا راجل شعوب الشرق الأوسط دي شعوب تشل ... و تجيب الضغط .... و خصوصا أحنا

طبعا علشان الدنيا تتنظم عايزة حاجات كتيرة تحصل .
التعليم في المدارس ...... و تربية الجيل الحالي و الأجيال السابقة عليه من أول و جديد عن طريق الغرامات الكبيرة و التوعيات في الجرائد الرسمية و التليفزيون و الراديو ... ( لأن تعليم المدارس لوحده مش كفاية لأنهم مش هايطلعوا يعيشوا على القمر
لاءة بالعكس هايكبروا يلاقوا نفسهم بيتعاملوا بنفس الطريقة اللي آبائهم بتتعامل بها و تعليم المدرسة ستم وضعه على الرف كالمعتاد .

طبعا حاجة كمان مهمة
هدم العشوائيات و تطوير حياة الناس
لأن بني آدم بيعيش في مكان عشوائي .......ز ازاي هايكون مُنظم و هو أساس حياته العشوائية ؟؟

للآسف ده حال مصر و المصريين في القرن الواحد و العشرين ... الزمن اللي الناس طلعت فيه القمر و بتصنع صواريخ بالستية و تبني أنظمة للفضاء الخارجي و أحنا لسة عندنا نسبة الأمية في زيادة مستمرة ..... و التسريب من التعليم عالي ..... و عايشين بنظام القبيلة في الصعيد و الأرياف البعيد عن القاهرة و الثأر .... يا راجل ....

أحنا فعلا معادلة صعبة .................. و سأقتبس الجملة دي من أخي الكريم زانتفيتش

الكلام دا هناك عندها
نحن نختلف عن الاخرون

الحكومة بتسيب أي حاجة زي ا لمرض في بدايته

لو حاربت المرض في بدايته بيكون القضاء عليه أسهل ما يكون
إنما لما تسيبه ينتشر و ينتشر ........... بيكون عامل زي السرطان .... و البتر أو الموت هما الحل الوحيد للآسف

فشوف أنت كام سواق عارف يعني أيه حارة ؟ و كام واحد ناوي ( عنده النية بس ) أنه يلتزم بها ؟؟
يا راجل شوف المواضيع اللي بتتعمل علشان الرادارات الجديدة و ازاي نمشي بسرعة من غير ما نتمسك ( أصبحت في الدم )

إن الله لا يُغير ما بقوم حتى يُغيروا ما بأنفسهم

و أحنا محدش عندنا عنده النية للتغير و لا التعليم للآسف

و الله لو أمسك المرور في مصر ................. هادب الناس و أخليهم يمشوا على العجين ما يتلخبتطش ....
كلها أحلام .

**human** · 27-09-2010 09:14 AM

ده الطبيعى لما تتعامل مع بنى ادمين
معهلش
انا بس خايف على اخوك يطبع بطبعهم و يتعب لما يرجع

**Imhotep** · 27-09-2010 09:39 AM

كل اشارات المرور فى لندن فيها زرار لما تدوس عليه بيوقف الاشارة فى اقرب وقت ممكن عشان المشاه تعدى..... هناك بيدوا اولوية مش طبيعية للمشاة و الرصيف تلاقيه كبير جدا يشيل بتاع حارتين لعربيتين فى حين تلاقى الشارع نفسه فيه حارة واحدة فقط للعربيات..... هناك بيشجعوا و يساعدوا الناس على انها تستخدم اى وسائل غير العربيات لدرجة انهم عملوا تعريفة لمجرد دخول لندن و بتبقى غالية 8 جنيه استرلينى عشان يخففوا التكدس المرورى..... هناك مجرد المشى فى الشارع ممتع..... مش هنا الواحد لازم يتحول لبهلوان عشان يطلع و ينزل مع الرصيف اللى انقرض من شوارعنا.... هيه ربنا يسهلنا بعد 200 سنة كده و لا حاجة شوارعنا تبقى زيهم

**gebreel** · 27-09-2010 01:32 PM

انا قريبتي كانت في سويسرا و متعرفش الموضوع ده و كانت عاوزة تعدي الشارع فضلت واقفة كثيييييييييييير لغاية ما جت واحدة بكل بساطة داست على الزرار الاشارة فلت عدت و بعدين الناس مشيت تاني

بتقولي قعدت تضحك على نفسها بتاع نص ساعة =)

**Kazzaz** · 27-09-2010 01:48 PM

يا راجل شوف المواضيع اللي بتتعمل علشان الرادارات الجديدة و ازاي نمشي بسرعة من غير ما نتمسك ( أصبحت في الدم )

ماهو القانون حلو بس يبقي بعقل ماتبقاش العربيه ممكن تجيب 200 و في طريق سريع عايزنا نمشي 60 ما حاجه مستفزه بره عندهم طرق و حكومه غير الحكومه و المعامله مش انهم يمشوا الناس علي عجين ماليخبطوش بس العمليه ان الناس مقتنع بالقانون و شايفين انه الصح و ان كل واحد هاخد حقه ف ببساطه محدش بيعترض و كله بينفذ عادي لانه مقتنع

**epnmasr** · 27-09-2010 02:55 PM

يا جماعه هانت باقى 50 سنه ونبقى زيهم

**wesam_salom** · 27-09-2010 04:06 PM

الموضوع ده موجود فى الامارات

شفته فى مدينه العين منتشر بكثره جدا

واحترام متناهى

والاحسن من كده بعد الساعه 10 بالليل (ده نهايه اليوم عندهم)فى الشوارع الجانبيه كل اشارات المشاه حمرا

وتيجى العربيه تنتظر ثوانى تلاقى الاشاره قلبت اصفر وبعدين اخضر والعربيه وقتها ممكن تعدى

وهناك احترام رهيب للمشاه وخطوط الطريق البيضاء على الارض حتى لو مفيش اشاره

بمعنى انك لو واقف جنب الخطوط كل العربيات تقف تنتظرك

مش زى هنا كان عندى ضيوف عرب وكل ما يقفوا عند الخطوط البيضاء كل التاكسيات تقف لهم علشان تركبهم

ويتلم عليهم الشحاتين وبتوع الورد

دول كانوا خايفين يعدو الشارع هنا على رجليهم

ولما شافوا الناس بتعدى على الكورنيش فى اسكندريه كانوا هيموتوا من الخضه وقالولى اكيد البلد دى كلها مجانين او عاوزين ينتحروا ويخلصوا

وكان نفسهم يصوروا المنظر ده

-

الموضوع: ازاي تعدي الطريق في انجلترا

LinkBack

أدوات الموضوع

عرض

-

-

-

-

-

-

-

المواضيع المتشابهه

متسيبش مخالفة تعدي.......نايل موتورز تتعاون مع Emokhalfa

العربيه مبقتش تعدي ١٧٠ خالص

إحذر من فخ كاميرات المرور اوعي تعدي اشارة وهي خضرا

الكلمات الدلالية لهذا الموضوع

المفضلات

المفضلات

ضوابط المشاركة