السلام عليكم ورحمه الله وبركاته
طبعا انا عندي اوامر من شخصيات مرموقه اني ارجع تاني اعمل توبكات زي زمان وطبعا انا مقدرش اقول غير حاضر
النهارده هنتكلم علي تعديل عاماينه الشباب في ماليزيا
والتعديل ده اعتقد ان الي هيكون متحمس ليه
نجم التعديلات محمد عبد العال
التعديل عباره عن توجيه الهواء الي داخل للموتور بشكل دوامات وطبعا مع الفلتر الرياضي بيكون ليه تاثير جامد وملحوظ في سحب العربيه
اولا احب اقول ان حاجه زي كده هتخج الموتور بره الضمان علي ما اعتقد
طبعا كلنا عارفين الفلتر الرياضي بيركب اواي واهميته وفوائده
التعديل الي بيتعمل بيركب علي المواتير الجديده الي فيها فلتر ال iafm
لانه بستخدم الهيكل الخارجي بتاع الفلتر
وطبعا بنستخدم الربر الموجود علي الفتر القديم لانه بيعمل احكام للهواؤ
الموضوع ومافيه اننا بنخلي الهواء يدخل للموتور بطريقه افضل عن طريق الفلتر الرياضي وكمان بيدخل علي شكل دوامات وده ليه تاثير كويس جدا في جوده اختلاط البنزين مع الهواء داخل اسطوانات الموتور وغرف الحريق وبينتج عن كده احتراق تام وقدره اكبر
طيب ايه الي بيتعمل
بعد فك الفلتر عند متخصص بنجيب ماسوره تساوي نفس القطر الداخلي لمجري الهواء
وبتكون في نهايه الكاسوره دي انحناءه زي الي في ريش التيربو ودي الي بتخلي الهواء يدور في حركه دواميه
نشوف الصور
http://www.9ower.com/uploads/9ower.c...2853635071.jpg
ده شكل الخارجي للجسم الي يوجد داخله الفتر العادي في المواتير الجديده
وده شكل الماسوره و وهي راكبه في اتجاه مرور الهواء
http://www.9ower.com/uploads/9ower.c...2853637002.jpg
http://www.9ower.com/uploads/9ower.c...2853637003.jpg
الصوره بتوضح الماسوره مع وجود الانحناء في النهايات ودي الي بتقوم بتوجيه الهواء
http://www.9ower.com/uploads/9ower.c...2853637004.jpg
صوره اقرب
http://www.9ower.com/uploads/9ower.c...2853637001.jpg
ده شكل الماسوره من مسقط تاني وباين جدا ان الهواء هيطلع عينه وهيدوخ السبع دوخات
http://www.9ower.com/uploads/9ower.c...2853637007.jpg
صوره من داخل وبتنين ان اتجاه الريش في اول الماسوره عكس الي موجود في اولها
اعتقد تعديل سهل وبسيط ومش مكلف
وكل سنه واحنا جميعا بخير