الموضوع: الباسات والجيتا ... والارتفاع عن الأرض

السلام عليكم ورحمة الله وبركاته ....

ياجماعة أنا كان نفسي أعرف من الزملاء مالكي الجيتا والباسات إذا كان ارتفاع السيارتين عن الأرض ارتفاع متساو ولا واحدة منهم أعلى من التانية ؟ وياريت لو تحكوا لنا عن تجربة سواقتهم فيما يخص الاحتكاك بالمطبات ... هل بيحكوا زي بعض ولا واحدة منهم أكتر من التانية ؟

أصل الحقيقة لما جبت الـ brochure بتاع العربيتين لقيت حاجة غريبة ... ان ارتفاع الجيتا 11.8 سم عن الأرض (حمولة كاملة) في حين ارتفاع الباسات 11.4 سم ( حمولة كاملة) وده معناه ارتفاع شبه متساوي .. فهل الكلام ده صحيح على الصعيد العملي ولا ايه ؟

مش حقدر افيدك قوي في الجيتا بس بالنظر ..العربيتين متساويتين تقريبا في الإرتفاع
بس الباسات فعلا بتحك في المطبات و خصوصا لو بحمولة كاملة و أعتقد ده بسبب قاعدة العجلات العريضه (زي الهوندا السيفيك)

ألف شكر يا جماعة على ردودكم ....

هما العربيتين بسم الله ما شاء الله عليهم ركوبة مفيش بعد كده وأنا بقالي فترة متردد في قرار الشراء وحاليا بأفاضل بين الجيتا أعلى فئة والباسات البيزيك لاين ... بس موضوع الارتفاع عن الأرض عملي هاجس شوية خاصة اني مش متعود أبدا على حكاية أخد المطبات بالراحة أو الاحتكاك أسفل السيارة .. الفولفو ربنا يسترها سدة معاية من الناحية دي بس التغيير سنة الحياة .....

طب مثلا هل الأوكتافيا أعلى فئة ممكن تغنيني عن مسألة الاحتكاك بالمطبات؟ ولا فرقها عنهم في الارتفاع (زائد انها 4 ايرباج فقط مش 6 ) ما يسواش 10 آلاف زيادة عن الجيتا وحبقى دخلت في نطاق سعري مقارب للباسات البيزيك (209 ألف للأوكتافيا و 217 ألف للباسات ) ؟

معلهش أنا عارف إني داوشكم معايا بس قلت أفكر معاكم بصوت عالي .....

المشاركة الأصلية كتبت بواسطة yehia

ألف شكر يا جماعة على ردودكم ....

هما العربيتين بسم الله ما شاء الله عليهم ركوبة مفيش بعد كده وأنا بقالي فترة متردد في قرار الشراء وحاليا بأفاضل بين الجيتا أعلى فئة والباسات البيزيك لاين ... بس موضوع الارتفاع عن الأرض عملي هاجس شوية خاصة اني مش متعود أبدا على حكاية أخد المطبات بالراحة أو الاحتكاك أسفل السيارة .. الفولفو ربنا يسترها سدة معاية من الناحية دي بس التغيير سنة الحياة .....

طب مثلا هل الأوكتافيا أعلى فئة ممكن تغنيني عن مسألة الاحتكاك بالمطبات؟ ولا فرقها عنهم في الارتفاع (زائد انها 4 ايرباج فقط مش 6 ) ما يسواش 10 آلاف زيادة عن الجيتا وحبقى دخلت في نطاق سعري مقارب للباسات البيزيك (209 ألف للأوكتافيا و 217 ألف للباسات ) ؟

معلهش أنا عارف إني داوشكم معايا بس قلت أفكر معاكم بصوت عالي .....

نسيبي لسه شاري فانتازيا زيرو من حوالي شهرين
العربية ممكن تكون كويسة في موضوع المطبات ده بس في رأيي الشخصي لا تقارن بالجيتا أصلا من حيث جوده الخامات و التقفيل و العفشة و صوت موتورها عالي ...أعتقد برضه العزل ليس في جودة الجيتا
بإختصار العربية لم تحز إعجابي بالمقارنة لسعرها المقارب لسعر الجيتا

المشاركة الأصلية كتبت بواسطة mshamy

نسيبي لسه شاري فانتازيا زيرو من حوالي شهرين
العربية ممكن تكون كويسة في موضوع المطبات ده بس في رأيي الشخصي لا تقارن بالجيتا أصلا من حيث جوده الخامات و التقفيل و العفشة و صوت موتورها عالي ...أعتقد برضه العزل ليس في جودة الجيتا
بإختصار العربية لم تحز إعجابي بالمقارنة لسعرها المقارب لسعر الجيتا

بحكم امتلاكنا للسيارتين اقدر اقولك انى مش متفق مع حضرتك
تقفيل وخامات الفانتزيا لا تقل ابدا عن الجيتا وانا بتكلم على الاليجانس والعفشه والموتور المانى بالكامل
فازاى نفس الموتور والعفشه هيبقوا اخشن الفانتزيا عن االجيتا وعلى فكره كل الالمانى سواء فانتزيا او جيتا او باسات او البيمر صوت الموتور عالى وملحوظ فى بدايه الحركه مقارنة باليابانى والصوت بيختفى على السرعات العاليه
الفانتزيا عفشتها انشف شويه لو وكيل لانها مواصفات مخصصه للطرق الوعره حسب كلام الكتالوج
لكن لو خليجى هتبقى نفس عفشة الجيتا تماما من حيث النعومه وعزل العفشه وكمان الارتفاع لانها بتبقى واطيه زى الجيتا تماما
الفانتزيا تتفوق على الجيتا فى المساحه الداخليه وارتفاع السقف ودى نقطه مهمه جدا جدا جدا لبعض الناس وخصوصا لطوال القامه مثلى !!!!!!
النقطه الوحيده اللى تتفوق فيها الجيتا هى عزل صوت الهواء
واخيرا مع انى كنت شايف الجيتا صفقه رابحه الاول عن الفانتزيا ولكن دلوقتى الفانتزيا بتكسب طبعا علشان الشكل لسه شويه على ما يتغير وماسكه نفسها فى البيع عن الجيتا وعاليه عن الارض وواسعه
لكن خامات وتقفيل بالعكس انا ارفع لسكودا القبعه للتقفيل الذى يضاهى الالمانيات
شوف موقع WHATCAR بيقول ايه
The Octavia's cabin shames those of many more expensive cars for its fit and finish. All of the materials have a solid, high-class feel

موقع TOP GEAR
The cabin has been carefully set up to look like VW's runner-up brand

موقع FIFTH GEAR

Very well assembled and with an impressively expensive looking cabin compared to the company's previous offerings.

ودى مجرد راىء ووجهة نظر وتقبل تحياتى

سؤال تاني معلهش .... أنا عارف ان الجيتا فيها تصفيح أسفل المحرك بس فيبر مش صاج .... يا ترى فيه تصفيح أسفل محرك الباسات ؟ وهل فيبر ولا صاج ؟

المشاركة الأصلية كتبت بواسطة yehia

سؤال تاني معلهش .... أنا عارف ان الجيتا فيها تصفيح أسفل المحرك بس فيبر مش صاج .... يا ترى فيه تصفيح أسفل محرك الباسات ؟ وهل فيبر ولا صاج ؟

أعتقد إن تقفيل أسفل الباسات فيبر أيضا

المشاركة الأصلية كتبت بواسطة yehia

سؤال تاني معلهش .... أنا عارف ان الجيتا فيها تصفيح أسفل المحرك بس فيبر مش صاج .... يا ترى فيه تصفيح أسفل محرك الباسات ؟ وهل فيبر ولا صاج ؟

معلشى هعمل مداخلة صغيرة كده بعد اذنك :)

انا كنت فى سمير ريان من كام يوم و شفت الجيتا و مكنشى فيه نصفيح فبر او صاج على عكس الاوكتافيا !!!!ايه راى حضرتك فى الكلام ده؟

المشاركة الأصلية كتبت بواسطة ahmedmohamed7

معلشى هعمل مداخلة صغيرة كده بعد اذنك :)

انا كنت فى سمير ريان من كام يوم و شفت الجيتا و مكنشى فيه نصفيح فبر او صاج على عكس الاوكتافيا !!!!ايه راى حضرتك فى الكلام ده؟

ازاي يا باشا؟ يمكن كانت خليجي ولا الفيبرة متشالة أو حاجة .... أنا كنت في ياسين إللي عند المطار وبصيت على الجيتا (وكيل) ولقيت فيها فيبرة من تحت ..... وهي عامة طالما فيبرة يبقى مش حتصد مع أي احتكاك جامد أسفل الموتور وحتبقى زي قلتها .....