الباسات والجيتا ... والارتفاع عن الأرض

**yehia** · 25-09-2010 05:08 AM

السلام عليكم ورحمة الله وبركاته ....

ياجماعة أنا كان نفسي أعرف من الزملاء مالكي الجيتا والباسات إذا كان ارتفاع السيارتين عن الأرض ارتفاع متساو ولا واحدة منهم أعلى من التانية ؟ وياريت لو تحكوا لنا عن تجربة سواقتهم فيما يخص الاحتكاك بالمطبات ... هل بيحكوا زي بعض ولا واحدة منهم أكتر من التانية ؟

أصل الحقيقة لما جبت الـ brochure بتاع العربيتين لقيت حاجة غريبة ... ان ارتفاع الجيتا 11.8 سم عن الأرض (حمولة كاملة) في حين ارتفاع الباسات 11.4 سم ( حمولة كاملة) وده معناه ارتفاع شبه متساوي .. فهل الكلام ده صحيح على الصعيد العملي ولا ايه ؟

**mshamy** · 25-09-2010 08:24 AM

مش حقدر افيدك قوي في الجيتا بس بالنظر ..العربيتين متساويتين تقريبا في الإرتفاع
بس الباسات فعلا بتحك في المطبات و خصوصا لو بحمولة كاملة و أعتقد ده بسبب قاعدة العجلات العريضه (زي الهوندا السيفيك)

**beeboo2005** · 25-09-2010 12:20 PM

فعلا الجيتا واطية شوية (مثلا عن اللانسر اللى كانت معايا قبلها) و يوم ما استلمتها من التوكيل حكت فى أول مطبين لأنى كنت اخش عليهم بالسرعة اللى كنت متعودها مع اللانسر. و لكن مع التهدئة الكافية قبل الدخول على المطب و أخذه بالراحة اصبحت لا تشكل أى مشكلة (الا لو العربية راكب فيها الخمس أفراد و الشنطة مليانة=حمولة كاملة، أو المطب عالى جدا بطريقة غبية، أو كنت مسرع جدا و لم تدخل على المطب بالراحة-----فى هذه الحالات سنشعر بالمطب يحك أسفل العربية)
وطى العربية لا يشكل أدنى مشكلة لى و أتعودت عليه و هذه قد تكون الشىء السيىء الوحيد بالعربية و لكن بص للجانب المملوء من الكوب، وطى العربية (بالأضافة لوزنها الثقيل نسبيا) يكسبها ثباتها الخرافى المشهور عنها. ومش ممكن افكر بس فى وطى العربية و أنسى المميزات الكثيرة جدا للجيتا.

**yehia** · 25-09-2010 12:59 PM

ألف شكر يا جماعة على ردودكم ....

هما العربيتين بسم الله ما شاء الله عليهم ركوبة مفيش بعد كده وأنا بقالي فترة متردد في قرار الشراء وحاليا بأفاضل بين الجيتا أعلى فئة والباسات البيزيك لاين ... بس موضوع الارتفاع عن الأرض عملي هاجس شوية خاصة اني مش متعود أبدا على حكاية أخد المطبات بالراحة أو الاحتكاك أسفل السيارة .. الفولفو ربنا يسترها سدة معاية من الناحية دي بس التغيير سنة الحياة .....

طب مثلا هل الأوكتافيا أعلى فئة ممكن تغنيني عن مسألة الاحتكاك بالمطبات؟ ولا فرقها عنهم في الارتفاع (زائد انها 4 ايرباج فقط مش 6 ) ما يسواش 10 آلاف زيادة عن الجيتا وحبقى دخلت في نطاق سعري مقارب للباسات البيزيك (209 ألف للأوكتافيا و 217 ألف للباسات ) ؟

معلهش أنا عارف إني داوشكم معايا بس قلت أفكر معاكم بصوت عالي .....

**yehia** · 25-09-2010 01:20 PM

سؤال تاني معلهش .... أنا عارف ان الجيتا فيها تصفيح أسفل المحرك بس فيبر مش صاج .... يا ترى فيه تصفيح أسفل محرك الباسات ؟ وهل فيبر ولا صاج ؟

**yehia** · 25-09-2010 01:24 PM

--------

**mshamy** · 25-09-2010 01:53 PM

المشاركة الأصلية كتبت بواسطة yehia

ألف شكر يا جماعة على ردودكم ....

هما العربيتين بسم الله ما شاء الله عليهم ركوبة مفيش بعد كده وأنا بقالي فترة متردد في قرار الشراء وحاليا بأفاضل بين الجيتا أعلى فئة والباسات البيزيك لاين ... بس موضوع الارتفاع عن الأرض عملي هاجس شوية خاصة اني مش متعود أبدا على حكاية أخد المطبات بالراحة أو الاحتكاك أسفل السيارة .. الفولفو ربنا يسترها سدة معاية من الناحية دي بس التغيير سنة الحياة .....

طب مثلا هل الأوكتافيا أعلى فئة ممكن تغنيني عن مسألة الاحتكاك بالمطبات؟ ولا فرقها عنهم في الارتفاع (زائد انها 4 ايرباج فقط مش 6 ) ما يسواش 10 آلاف زيادة عن الجيتا وحبقى دخلت في نطاق سعري مقارب للباسات البيزيك (209 ألف للأوكتافيا و 217 ألف للباسات ) ؟

معلهش أنا عارف إني داوشكم معايا بس قلت أفكر معاكم بصوت عالي .....

نسيبي لسه شاري فانتازيا زيرو من حوالي شهرين
العربية ممكن تكون كويسة في موضوع المطبات ده بس في رأيي الشخصي لا تقارن بالجيتا أصلا من حيث جوده الخامات و التقفيل و العفشة و صوت موتورها عالي ...أعتقد برضه العزل ليس في جودة الجيتا
بإختصار العربية لم تحز إعجابي بالمقارنة لسعرها المقارب لسعر الجيتا

**mshamy** · 25-09-2010 01:56 PM

المشاركة الأصلية كتبت بواسطة yehia

سؤال تاني معلهش .... أنا عارف ان الجيتا فيها تصفيح أسفل المحرك بس فيبر مش صاج .... يا ترى فيه تصفيح أسفل محرك الباسات ؟ وهل فيبر ولا صاج ؟

أعتقد إن تقفيل أسفل الباسات فيبر أيضا

**yehia** · 25-09-2010 02:31 PM

ألف شكر يا أستاذ محمد وأستاذ بيبو ... وربنا يقسم باللي فيه الخير لأحسن الواحد بقاله فترة طويلة قوي في حوار المقارنة والموازنة بين السيارات لما زهقت بجد .....

**abo samra** · 26-09-2010 01:19 AM

مفيش دلوقتى عربيه سيدان جديده بتبقى بكامل حمولتها ومش بتحك فى المطبات فحضرتك حاول تشوف عربيه جيب ولا حاجه لو النقطه دى محور اهتمام حضرتك انما لو تبحث عن الثبات والفخامه والرفاهيه يبقى السيدان بلا منازع

الموضوع: الباسات والجيتا ... والارتفاع عن الأرض

LinkBack

أدوات الموضوع

عرض

الباسات والجيتا ... والارتفاع عن الأرض - انشر الموضوع فى :

-

-

-

-

-

-

-

-

المواضيع المتشابهه

مقارنه بين الأوكتافيا والجيتا

الى متخصصى الباسات استفسااااااااار بسيييييط بخصوصو الباسات

الجولف 6 والجيتا 2010

سؤال لملاك النيو سيراتو بمختلف فئاتها Lx Ex Sx بخصوص مقاسات الكاوتش والجنوط والارتفاع

اسعار المستعمل بين الانخفاض والارتفاع

الكلمات الدلالية لهذا الموضوع

المفضلات

المفضلات

ضوابط المشاركة