افيدونى فى زجاج السيارة-قبل ما اتسرق

**Ayman-Ahmed** · 25-09-2010 09:30 AM

السلام عليكم ورحمة الله وبركاته

انا مركب وحدة رفع ومكنتش واخد بالى لما اقفل الانذار والمفروض الازاز بيترفع ان الازاز اليمين مبيرفعش وبيقف عند النص ولما بحرك الازاز يمين وشمال بايدى واقفل تانى الاقى الازاز اتقفل مع اننى لما بقفله عادى بالزرار بتاعه بيقفل.فهل ده عيب كهربا الانذار ووحدة الرفع ولا عيب فى ماكينة الازاز لان التوكيل المحترم قاللى طالما مركب الوحدة بره يبقى بص عليها برة.

ولو فنى هيبصلى عليه يبقى كهربائى ولا بتاع الازاز ولا اللى مركب وحدة الرفع؟

مشكوريين

**aymanay32** · 25-09-2010 10:50 AM

ان عرفت تروح للى ركبها روحله
معرفتش روح لبتاع الزجاج
و ان اثبتوا صلاحيته يبقى تروح لكهربائى شاطر

**Ayman-Ahmed** · 25-09-2010 02:42 PM

مشكور لمساعدتك رحت لكهربائى وظبطها ولحد دلوقت ماشية الحمد لله.

**karimfahmy99** · 25-09-2010 03:04 PM

المشاركة الأصلية كتبت بواسطة emo_ayman

مشكور لمساعدتك رحت لكهربائى وظبطها ولحد دلوقت ماشية الحمد لله.

طب لو امكن تقولنا المشكلة كانت اية ؟ من باب العلم بالشئ لى و للاخوة الزملاء

**Ayman-Ahmed** · 25-09-2010 03:20 PM

المشاركة الأصلية كتبت بواسطة karimfahmy99

طب لو امكن تقولنا المشكلة كانت اية ؟ من باب العلم بالشئ لى و للاخوة الزملاء

حاضر عينيا.

والمشكلة اننى كنت بقفل الانذار بيقفل الاربع ابواب والازاز يطلع ماعدا اليمين الامامى بيعلق.

على كلام الصنايعى انه لو اتكررت المشكله تانى اننى لازم اركب وحدة رفع رباعى وتكلفتها 120 جنيه شاملة التركيب.بمعنى ان كل زجاج له وحدة خاصة به.

اللى عمله انه ركبلى كتاوت وسلك تقوية 3 مم عشان الازاز اليمين واتكلفت 30 جنيه بعد المفاصلة الكتير من عند عشم نوار فى شارع دمشق.

**karimfahmy99** · 25-09-2010 03:38 PM

تسلم عنييك يا غالى كلك زوق

كتاوت ؟ غريبة و العربية موديل 2010 !!! دا يدل على انهم بيحطوا سلوك غير مطابقة للمواصفات و لا اقل من المطلوب فى السمك لما السلك يلف من الشمال لليمين و يضعف انة يقوم موتور الرفع دى تبقى كارثة

**Ayman-Ahmed** · 25-09-2010 03:43 PM

المشاركة الأصلية كتبت بواسطة karimfahmy99

تسلم عنييك يا غالى كلك زوق

كتاوت ؟ غريبة و العربية موديل 2010 !!! دا يدل على انهم بيحطوا سلوك غير مطابقة للمواصفات و لا اقل من المطلوب فى السمك لما السلك يلف من الشمال لليمين و يضعف انة يقوم موتور الرفع دى تبقى كارثة

لا السلك مش لافف من اليمين للشمال خالص هو كل الشغل فى الباب الشمال ووحدة الانذار.

وبعدين طب ماهو الفوجات بكتاوت عشان الشغل يبقى بعيد عن الضفيرة خالص بمعنى انه بيعمله ضفيرة خاصة بكتاوتها.

وكارثة ليه بس لا قدر الله

**karimfahmy99** · 25-09-2010 04:35 PM

المشاركة الأصلية كتبت بواسطة emo_ayman

لا السلك مش لافف من اليمين للشمال خالص هو كل الشغل فى الباب الشمال ووحدة الانذار.

وبعدين طب ماهو الفوجات بكتاوت عشان الشغل يبقى بعيد عن الضفيرة خالص بمعنى انه بيعمله ضفيرة خاصة بكتاوتها.

وكارثة ليه بس لا قدر الله

المشكلة كانت عندك فى الباب اليمين يعنى مش باب السواق . كنترول الزجاج الكهربا فى الشمال و السلك بيلف من تحت التابلوة للجهة اليمين و يدخل من الباب التانى على الموتور . لو السلك محطوط بتخانتة المطلوبة مع حساب طول اللفة مكنتش تحتاج تحط كتاوت . عشان كدة بقولك فى غش فى سمك السلوك و طبعا دى كارثة . هى الحسبة طردية كل ما بعدت عن المصدر و عندك حمل زى موتور الزجاج لازم سمك السلك يتخن و واضح ان دا مش بيتعمل و ان السلك كلة ماشى بتخانة واحدة سواء قريب و لا بعيد

موضوع الفوجات دى حاجة تانية خالص . الكتاوت فى الفوجات محطوطة عشان ميبقاش فى حمل على دراع النور و الحمل يكون على الكتاوت . و بعدين الفوجات 110 وات لو مفيش كتاوت مفتاح نور الفوجات بعد كام مرة يسخن و هيلدع و يعمل كارثة لو مفيش كتاوت راكب . دى حدوتة تانية خالص

**Ayman-Ahmed** · 25-09-2010 04:46 PM

المشاركة الأصلية كتبت بواسطة karimfahmy99

المشكلة كانت عندك فى الباب اليمين يعنى مش باب السواق . كنترول الزجاج الكهربا فى الشمال و السلك بيلف من تحت التابلوة للجهة اليمين و يدخل من الباب التانى على الموتور . لو السلك محطوط بتخانتة المطلوبة مع حساب طول اللفة مكنتش تحتاج تحط كتاوت . عشان كدة بقولك فى غش فى سمك السلوك و طبعا دى كارثة . هى الحسبة طردية كل ما بعدت عن المصدر و عندك حمل زى موتور الزجاج لازم سمك السلك يتخن و واضح ان دا مش بيتعمل و ان السلك كلة ماشى بتخانة واحدة سواء قريب و لا بعيد

موضوع الفوجات دى حاجة تانية خالص . الكتاوت فى الفوجات محطوطة عشان ميبقاش فى حمل على دراع النور و الحمل يكون على الكتاوت . و بعدين الفوجات 110 وات لو مفيش كتاوت مفتاح نور الفوجات بعد كام مرة يسخن و هيلدع و يعمل كارثة لو مفيش كتاوت راكب . دى حدوتة تانية خالص

والف سلام وتحية لشغل غبور المحترم واستيراده.وشكرا على المعلومة والصنايعى تقريبا عرف المشكلة ديه وعشان كدة ركب كتاوت وحط سلك تخين فعلا اتخن من اللى عندى.

**karimfahmy99** · 25-09-2010 05:09 PM

الله اعلم اذا كان منصور ماشى فى نفس السكة و لا اية حكايتة

الموضوع: افيدونى فى زجاج السيارة-قبل ما اتسرق

LinkBack

أدوات الموضوع

عرض

افيدونى فى زجاج السيارة-قبل ما اتسرق - انشر الموضوع فى :

-

-

-

-

-

المواضيع المتشابهه

فيديو تعديل زجاج السيارة (ترويش السيارة)

زجاج السيارة !

شعار لوجان خلف السيارة اتسرق

افيدونى لشراء هذه السيارة ( النيفا )

حتي زجاج المرايه اتسرق !!!!!!

الكلمات الدلالية لهذا الموضوع

المفضلات

المفضلات

ضوابط المشاركة