و اعلنت الحرب على استيكرات المعارض

من فترة رحت استلم انا و واحد صاحبي عربية لانسر من معرض شهير في مدينة نصر..
و رحنا دفعنا باقي المبلغ (العربية كاش) و استلمنا الورق و كل شيء و العربية واقفة خارج المعرض
قمت واخد المفتاح و رايح اشييك على العربية لأنني موسوس من كل شيء من اللي الواحد بيسمعه كل يوم
و الاقيلك واد من العيال بتوع المعرض بيجري على العربية و بيلزق عليها استيكر المعرض قمت قافش فيه و حصل الآتي:
-انت بتعمل ايه يابني؟

-بلزقلك الاستيكر ياباشا...(و بيبصيلي كأنه بيقول انه مش بيعمل حاجة غلط)

-انا طلبت منك استيكر ولا زفت؟ و بعدين مش تستأذن؟ هية عربيتكم دلوقتي ولا عربيتنا؟

-مش العربية قسط برضه؟ (و مش فاهم ايه اللي بيدي الحق للمعرض لو العربية قسط انه يعمل كده!)

- و حتى لو قسط انا مش بدفع فايدة ؟ ولا هوة اي كلام و خلاص؟ ولا انتوا عايزين تعملوا دعاية على قفايا؟ ....و لقيت مدير المعرض و صاحبي خرجوا لما شافوني ماسك في الواد و صاحبي بيهديني

-صاحب المعرض قال: خلاص يا بيه متزعلش نفسك....مع اننا معملناش حاجة وحشة معاكم...شيل يا ابني دي مش قسط!!

-انا:وحشة ولا حلوة...تعمل لنفسك دعاية على علابية مش بتاعتك ليه؟

يا باشا مش دعاية ولا حاجة...هوة حضرتك مش عايز تنفعنا ولا ايه؟

انا: يبقى تعملنا خصم او تنزل 3تلاف جنيه مقابل الدعاية و ان احنا هنصيتك بالاستيكر بتاعك اللي على العربية...

-خلاص حقك عليا...متركبش حاجة يا ابني خلاص....البهوات خلاص مش طايقينا...

و قبل ان اكمل الانفجار...سحبني صاحبي من دراعي و رماني في العربية و طلعنا نلعب بيها شوية و كان مستغرب اني عملت كده و ان مكانش فيه داعي ابدا لكل الهيصة دي ...و انا شايف ان انا على حق

و من ساعتها و انا معلن الحرب دي في اي عربية اشوف حد يخصني بيستلمها زيرو

و رحت من اسبوع استلمت مع جوز اختي سيفيك من الفطيم و خليتهم يشيلو "الفطيم" المكتوبة على الشنطة ورا....بالرغم من علامات التعجب العديدة الا انهم كانوا اكثر احتراما و شالوها من غير ليه...


و اول ما استلمت عربيتي شلت اسم المعرض و علامة موبيل 1 اللي على الازاز...لدرجة اني كنت هشيل علامة دايو و كلمة لانوس من عليها:d:d:d:d

انا شايف ان مش من حق اي معرض يعمل لنفسه دعاية على عربيتي تحت اي سبب الا لو كان هيدفعلي مقابل مادي او هيعملي خصم خاص

انتوا رأيكوا ايه؟

اقتباس:

---

المشاركة الأصلية كتبت بواسطة ahmedateya

انتوا رأيكوا ايه؟

---

كلامك صح وإن كان ليس عندى مانع أن يضعوا اسم نانسى عجرم أو هيفاء وهبي كدعاية بس فانتظار أن معرض يسمي نفسوا كده :D

عندك حق على فكرة

بس ان بنت اتكسف اعمل كدة مع ان الحركة مستفزة مووووووووووووووت

طيب هو ال sticker دة معرفش اشيلو وحدي ؟

هو ممكن تشيليه اكيد بس هيسيب اثر.. وكمان ممكن يضر بوية العربية وخاصة لو بقاله فترة مش كبيرة قوي.. لكن لو بقاله كتير بيطلع بالبنزين بس اكيد هيأثر برضه علي البوية..

مع احترامي لحضرتك أنا شايف إنك مكبر الموضوع شوية
بالعكس أنا شايف إن الاستيكر لما بيكون بتاع موزع مُحترم زي " أبو غالي " مثلاً أنا شايف إن وجود إسمه على العربية شيئ كويس وبيقول إن العربية جاية من مكان مُحترم ومش وارد يكون فيها أي لعب، كمان في استيكرات بيكون شكلها حلو على العربية زي بتاع أبو غالي أو ناشيونال موتورز

اقتباس:

---

المشاركة الأصلية كتبت بواسطة Ahmad Allawy

هو ممكن تشيليه اكيد بس هيسيب اثر.. وكمان ممكن يضر بوية العربية وخاصة لو بقاله فترة مش كبيرة قوي.. لكن لو بقاله كتير بيطلع بالبنزين بس اكيد هيأثر برضه علي البوية..

---

طيب افرض انا فعلا مش عاوزاه يحط الsticker سواء جبتها بالقسط او حتي كاش فيها حاجة دى؟

اقتباس:

---

المشاركة الأصلية كتبت بواسطة وائل عطية

مع احترامي لحضرتك أنا شايف إنك مكبر الموضوع شوية
بالعكس أنا شايف إن الاستيكر لما بيكون بتاع موزع مُحترم زي " أبو غالي " مثلاً أنا شايف إن وجود إسمه على العربية شيئ كويس وبيقول إن العربية جاية من مكان مُحترم ومش وارد يكون فيها أي لعب، كمان في استيكرات بيكون شكلها حلو على العربية زي بتاع أبو غالي أو ناشيونال موتورز

---

عندك حق بس في عربيات بتبقى ماشية و عليها ال sticker بتاع معرض و البتاع معمول بطريقة وحشة و مفهاش زوق و دستة ارقام تيليفونات و بجد منظرها بيبقي وحش اوى ساعتها بتبقي بايخة جداااااااا

اقتباس:

---

المشاركة الأصلية كتبت بواسطة وائل عطية

مع احترامي لحضرتك أنا شايف إنك مكبر الموضوع شوية
بالعكس أنا شايف إن الاستيكر لما بيكون بتاع موزع مُحترم زي " أبو غالي " مثلاً أنا شايف إن وجود إسمه على العربية شيئ كويس وبيقول إن العربية جاية من مكان مُحترم ومش وارد يكون فيها أي لعب، كمان في استيكرات بيكون شكلها حلو على العربية زي بتاع أبو غالي أو ناشيونال موتورز

---

+1000000000000000

و الله أعتقد هي حسب المعامله
لو معاملتهم كويسه
ليه لأ؟؟؟؟؟؟؟؟

يا ahmedateya معلش انا مختلف معاك لآن الاستيكر دة لو مش مفيد ليك فهو مفيد جداً للآخرين ..لان لما حد بتعجبة العربية بيتابع الاستيكرات اللى عليها و بيشوف اية اكتر معرض شغال فيها و بياخد انطباع ان الموزع دة لة سمعة كويسة فى السوق

لكن من حقك طبعاَ لو الاستيكر ضار او تصميمة غبى ان ترفض وضعة لآنة بيبقى معرض غير مهتم اصلاً بالصرف على دعايتة .

انا شخصيا لو استيكر الوكيل جايز اقبل لكن معرض اعتقد انى مش حقبل حاجة زى كده - انا شارى عربية مش لوحة اعلانات باربع عجلات
و فى الاخر هى وجهات نظر

لا أمانع إطلاقا من وضع ملصق على زجاج السيارة
أما الصاج ........ فلا
لأن تنظيف الزجاج أسهل من تنظيف الصاج و لأنه يؤثر سلبيا جدا على لون الدهان إذا حاولت إزالته
و لكن علامة و ملصق عز العرب على الزجاج الخلفي شكلها جميل جدا عندي و شكلها كالتالي
EZZ ELARAB
و طبعا كل واحد من حقه إن لو الملصق مش عاجبك أنك ترفض وضعه أو تشيله
إنما في الإجمال .......... موضوع الملصقات موجود في كل مكان في العالم و صاحب السيارة لا يدفع عليه مقابل
و شكرا

هو مين طفى النور هنا
قصدي هو مين شال الأستيكر

- اولا هى حرية شخصية لصاحب السيارة
- ثانيا يُفضل ان الاستيكر يوضع على زجاج السيارة حتى لا يضر الدهان
- ثالثا يجب ان يكون شكله و حجمه مناسبين و بذوق جيد
- رابعا دى دعاية مجانية للمعرض و لنوع الزيت لذا المفروض المعرض يعمل خصم مناسب و شركات الزيوت تكون عاملة خصم على الزيت للسيارة الملصق عليها ماركة الزيت حتى لو تخلى التغيير بدون مقابل مثلا .

اقتباس:

---

المشاركة الأصلية كتبت بواسطة ahmedateya

من فترة رحت استلم انا و واحد صاحبي عربية لانسر من معرض شهير في مدينة نصر..
و رحنا دفعنا باقي المبلغ (العربية كاش) و استلمنا الورق و كل شيء و العربية واقفة خارج المعرض
قمت واخد المفتاح و رايح اشييك على العربية لأنني موسوس من كل شيء من اللي الواحد بيسمعه كل يوم
و الاقيلك واد من العيال بتوع المعرض بيجري على العربية و بيلزق عليها استيكر المعرض قمت قافش فيه و حصل الآتي:
-انت بتعمل ايه يابني؟

-بلزقلك الاستيكر ياباشا...(و بيبصيلي كأنه بيقول انه مش بيعمل حاجة غلط)

-انا طلبت منك استيكر ولا زفت؟ و بعدين مش تستأذن؟ هية عربيتكم دلوقتي ولا عربيتنا؟

-مش العربية قسط برضه؟ (و مش فاهم ايه اللي بيدي الحق للمعرض لو العربية قسط انه يعمل كده!)

- و حتى لو قسط انا مش بدفع فايدة ؟ ولا هوة اي كلام و خلاص؟ ولا انتوا عايزين تعملوا دعاية على قفايا؟ ....و لقيت مدير المعرض و صاحبي خرجوا لما شافوني ماسك في الواد و صاحبي بيهديني

-صاحب المعرض قال: خلاص يا بيه متزعلش نفسك....مع اننا معملناش حاجة وحشة معاكم...شيل يا ابني دي مش قسط!!

-انا:وحشة ولا حلوة...تعمل لنفسك دعاية على علابية مش بتاعتك ليه؟

يا باشا مش دعاية ولا حاجة...هوة حضرتك مش عايز تنفعنا ولا ايه؟

انا: يبقى تعملنا خصم او تنزل 3تلاف جنيه مقابل الدعاية و ان احنا هنصيتك بالاستيكر بتاعك اللي على العربية...

-خلاص حقك عليا...متركبش حاجة يا ابني خلاص....البهوات خلاص مش طايقينا...

و قبل ان اكمل الانفجار...سحبني صاحبي من دراعي و رماني في العربية و طلعنا نلعب بيها شوية و كان مستغرب اني عملت كده و ان مكانش فيه داعي ابدا لكل الهيصة دي ...و انا شايف ان انا على حق

و من ساعتها و انا معلن الحرب دي في اي عربية اشوف حد يخصني بيستلمها زيرو

و رحت من اسبوع استلمت مع جوز اختي سيفيك من الفطيم و خليتهم يشيلو "الفطيم" المكتوبة على الشنطة ورا....بالرغم من علامات التعجب العديدة الا انهم كانوا اكثر احتراما و شالوها من غير ليه...


و اول ما استلمت عربيتي شلت اسم المعرض و علامة موبيل 1 اللي على الازاز...لدرجة اني كنت هشيل علامة دايو و كلمة لانوس من عليها:d:d:d:d

انا شايف ان مش من حق اي معرض يعمل لنفسه دعاية على عربيتي تحت اي سبب الا لو كان هيدفعلي مقابل مادي او هيعملي خصم خاص

انتوا رأيكوا ايه؟

---

+10

انا اتفق معاك

ياجماعة دول وكلاء جشعين و مموزعين اجشع
لو جيت تفاصله في 10 جنيه حيقولك لآ !

طب و الدعايا الي انت عاملها لنفسك علي سيارتي دي ايه ؟؟

انا شلت ستيكر AutoMicho اول ماستلمت السيارة - و كل مرة اروح التوكيل يرزعولي استيكر OMATRA بأرقام تليفونات ! بشيله برده ! دي سيارتي وانا حر فيها - ومفيش حد يحطلي اي ستيكر انا مش عايزه عليها ( انا سايب ستيكرات المصنع عليالزجاج الامامي ) .

الا اذا انا فعلا انبسطت من المعرض او التوكيل ده في حاجة و عايز انا اعلمه دعايا .. لكن مش بالعافية .

عشان بحترم تويوتا ايجبت
وعشان عاملين استيكر معدني بارز على العربية ما يقلش في جمالة عن علامة تويوتا
ما رضيتش اشيلة لانه بيدل ان العربية من مصدر محترم
وكمان الكيا ماشيلتش علامة ناشيونال موتورز من عليها
لانها كانت بارزة ولون نيكل محترم مش لزق ورق معفن
ومش كاتبين اكتر من اسمهم
لا رقم تليفون ولا لوحة اعلانات

الذوق والادب والاصول بتقول انهم لازم يستأذنوا صاحب السيارة الأول

انا بتنفخ اوى من الأستيكارات دية لأنى وديت العربية مرة لكهربائى و لقيتة لازق على العربية اسم المحل و رقم التليفون و كل ما بشوفها بتضايق و مش عارف اشيلها خالص فا سبتها

عندك حق يا مان

انا لما وديت الصني في السبع للصيانة

لقيتهم لازقين الاستيكر دا
روحت شايله اودامهم بارضو و ليه و مش ليه

انا مش عايز احط حاجه على عربيتي!

الموضوع مش حب و كره ولا عداء ملوش معنى ليهم
الموضوع موضوع دعاية بعملها ليهم على حسابي الخاص
و ده عمره ما يدل على ان العربية من مصدر موثوق ابدا
هوة مثلا لو جايب كرولا (زي استاذ كريم مثلا) هيكون مصدرها منين مثلا؟ منيا القمح؟
القصد من الموضوع ان ده استغلال للمشتري بدون مقايل او وجه حق

اقتباس:

---

المشاركة الأصلية كتبت بواسطة ahmedateya

الموضوع مش حب و كره ولا عداء ملوش معنى ليهم
الموضوع موضوع دعاية بعملها ليهم على حسابي الخاص
و ده عمره ما يدل على ان العربية من مصدر موثوق ابدا
هوة مثلا لو جايب كرولا (زي استاذ كريم مثلا) هيكون مصدرها منين مثلا؟ منيا القمح؟
القصد من الموضوع ان ده استغلال للمشتري بدون مقايل او وجه حق

---

i totally agree with you

طبعاً ما أحبش إن أي حد يلزق أي حاجه على عربيتي بدون إستئذان

أنا واحد من الناس باحب تكون عربيتي من غير أي حاجه وعشان كده أنا مش لازق أي حاجه خالص.

وكمان على فكره ممكن لو وقعت مع أمين شرطه ولا ظابط رخم يسحب الرخصه عشان إستيكر

حصلت مع واحد صاحبي وسحبوا منه الرخصه عشان كان لازق ملصق ديني على الزجاج اللي ورا

تصدقوا ان موضوع الاستيكر ده من الحاجات القليله اللي خليتني احترمت غبور لاني لما اشترتها من عندهم من فرع المهندسين قلتلهم بلاش يحطوها عشان شكلها وحش و فعلا محطوهاش
بجد استغربت جدا

ياجماعه فعلا انا شايف ان الموضوع اكبر من اللازم يعنى استيكر التوكيل او استيكر المعارض المعتمده عادى بتبقى شكلها حلو وصغير ومن غير ارقام تليفونات ومقبوله

يعنى انا على عربيتى محطوط استيكر السبع وشكله حلو وجميل فمش فارقه يعنى

وحضرتك بتقول شيلت الفطيم على الهواندا ليه مع انى شايف ان كويس يعنى مثلا مش عربيه خليجى ولا حاجه

الصراحه وجهات نظر يعنى

اقتباس:

---

المشاركة الأصلية كتبت بواسطة eng_mkhalaf

+1000000000000000

---

ممكن أعرف معناها اية الحروف دى ؟؟

معناها التأييد

على الاقل يعموا صغير و بطريقه فيها ذوق و شياكه مش اللى بنشوفه

فى الحقيقة انا معنديش مانع من الاستيكر
ولو معجبنيش اقدر اشيله فى اى وقت

برافو عليك
بس لو الاستيكر شكله حلو مفيش مانع

معاك حق
ده غير انك لما تروح تعمل صيانه للعربيه فى اى مركز تلاقيه لازق استيكر باسم المركز وارقام تليفوناته وارقام الفاكس وعنوانه ولو فى مكان فاضل ممكن يحط وصفه علشان الناس تروحله بسهوله
وبعد كل ده لما تيجى تشيله لازم يسيب اثر ويطلع عينك وانت بتنظف مكانه

انا رأى ان المعرض او مراكز الصيانه تعطى العميل الاستيكر فى ايده وهوه حر يلزقه - يرميه - يحرقه

عندك حق على فكرة

انا كمان راى مع الاستاذ وائل عطية انتا ماكبر الموضوع اوى العملية بسيط ممكن كونت طلبت منهم انك تشيل الاستيكر من غير ما تزعق او تقول اعملى خصم او حاجة وبعدين انتا فى اى مركز صيانة بيلصق استيكر المركز هاتطلب منهم فى كل مرة خصم