أوكتافيــا A4 و لا سوبــارو إمبريـــزا ؟

**Abdelrahman** · 18-03-2008 05:35 AM

السلام عليكم
ياريت حد يدلني على الحل انا زهقت بقالي 4 شهور بدور على عربيه في حدود 140000
انا محتار بين الاوكتافيا A4 والسوبارو
حد ممكن يفيدني؟
ليه مافيش صور وتقييم لاوكتافيا A4

شكرا

**ramy771** · 19-03-2008 11:54 PM

السوبارو مش منتشره كتير
الاوكتافيا جميله جدا الموتور والعفشه والجير بوكس المانى فولكس فاجن وباقى الاكسسورات تشيكى من اسكودا انا معايا a4 وعربيه جميله جدا وثابته على الطريق وكويسه فى البنزين وجيبت بيها 190 كم/ساعه وكانت باسم الله ما شاء الله ثابته
ولو معاك تجيب a5 يكون احسن واحسن

**fahd_628** · 20-03-2008 12:44 AM

طيب ما تفكر فى الميجان عربية رائعة بمعنى الكلمة

او الكورولا 2008 الجديدة

او الطيارة قصدى الهوندا سيفيك الجديدة روووووووعة

اصل ال A4 خلاص قدمت اوى و كمالياتها مش كتيير اوى و خلاص الشكل قرب يتغير

على فكرة الميجان كمان شكلها خيتغير على 2009 او 2010 مش عارف

**SEATLOVER** · 20-03-2008 12:49 AM

انا شايف ان فى فرق كبير بين العربيتين فى الاستخدام و خصوصاً ان السوبارو الموجود حالياً هاتش باك ..فالمهم انت عايز اية من العربية ؟

**Abdelrahman** · 20-03-2008 05:25 AM

ألف الف شكر لردودكم ....أنا كان نفسي حد يكون اشترى الاوكتافيا A4 موديل 2008 ويقولنا على تقييم شامل ليها وياريت لو في صور داخليه وخارجيه ...نفسي اعرف ارتفاعها عن الارض كويس ولا تصنف من السيارات الواطيه زي البيجو والهوندا سيفيك؟؟
بالنسبه A5 فهي تحفه بس مااقدرش على فلوسها ....الفرق جامد بين ال A4 وال A5
أنا بدور على عربيه مضمونه ...شيك ...ماحدش اشتكى منها خالص ...توكيل محترم ....أسعار قطع الغيار ما تفرقش معايا ...واهم اهم صفه تكون عاليه عن الارض علشان مطبات بلدنا الحلوه
أنا كنت بفكر الاول في سوزوكي Sx4 وبعدين قالولي ايه الارف الي انت عاوزه ده!!!دي عربيه مافيش اتنين في مصر كلها سايقنها ...وبعدين اخترت التيريوس ...قالولي ايه المنظر ده ..حرام عليك ...
التويوتا الجديده صراحه شكلها مش عاجبني خالص
وأخيرا استقريت على الاوكتافيا A4 بس للاسف مش لاقي حد متكلم عنها بالتفصيل او حتى جربها
فعلشان كده قلقان منها ...ياريت الافاده
آسف زهقتكوا بس فعلا محتاج المساعده قوووووووووووووووووووووووو وووووووووووووووي

**crazylambada** · 20-03-2008 01:20 PM

انا عندي اوكتافيا A5 و بامانة عربية بسم الله ما شاء الله عليها
بس بامانة انا لما ركبت سيات لوين ان ندمت
سيات بتحس باحساس غريب مش بتحسه في اي عربية

**hosiny** · 23-03-2008 08:56 PM

الأوكتافياA4 سيارة رائعة مرتفعة عن الأرض و يكفى عدد مبيعتها و أنتشارها بس المشكلة أنهم وقفو أنتاج الأوتوماتيك فى 2008 و تقدر تسأل فى التوكيل و هذه سياسة التوكيل لكى يتمكن من بيع ال Fabia السيدان لأنها هتبقى بنفس السعر تقريبا بس شكلها وحش أوى