من فضلكو ساعدونى عايز اشترى لاب توب

**Queue** · 26-09-2010 01:48 AM

المشاركة الأصلية كتبت بواسطة vBulletin

يعنى عندك مثلا
Lenovo IdeaPad Y560 1.60GHz 500GB 4GB
دوة intel core i7 مش i5 برة هتلاقية ب 999 دولار يعنى بالمصرى 5696 وممكن ارخص كمان هنا بقة بيتباع بكام بيتباع ياباشا ب جنية مصرى 6800

Processor: Intel® Core™ i7 720QM 1.60GHz, 6MB Cache
Processor Bus Speed: 2.5GT/s DMI
Memory: 4GB DDR3
Memory Bus Speed: 1066 MHz FSB
Hard Disk: 500 GB SATA
Hard Disk Spindle Speed: 7200 rpm
Optical Drive: DVD+/-RW Double Layer
Screen: HD LED backlight display
Screen Size: 15.6''
Screen Resolution: 1366 x 768 pixels
Display Card: ATI Mobility Radeon™ HD 5730
Display Card Memory: Dedicated 1 GB Up To 2672MB
Extra Display Card: Intel GMA HD (Up to 1696MB)

احسن اختيار و ب5700 جنية

**HeMa_LanCeR** · 26-09-2010 02:17 AM

ماتجبش حاجه i5
ياتزود وتجيب i7 يا تجيب i3 لأن هو نفس ال 5 وحرام تدفع زياده في فرق مالوش لزمه

**lonedoctor** · 26-09-2010 07:22 AM

المشاركة الأصلية كتبت بواسطة vBulletin

خد نصيحة منى واشترية من برا مصر د هنا بيضحكوا علينا كتير اوى وكفاية جشع التجارة من الاسعار
بص dell ماركتة محترمة ونضيف ومتقلقش والامكانيات الى مخترها كويسة وحرام اوى اوى انك تدفع 5000هتقولى لية دة تمنة برة ميعديش 2700 جنية مصرى

فية ماركات dell نازلة جديدة ولو بالسعر الى بتقول علية دة هاتجيب حاجة كويسة من برا مصر ومتقلقش هنا بياخدوا جمارك بس 10 % على الاب توب تقريبا يعنى مش كتير ومهما حسبتها هتلاقى وفرت كتير

الكلام ده غير صحيح ممكن يكون السعر ده للموديلات القديمة زى سيليرون بس i5 اغلى من كده بكتير وسعره 5000 ج حلو جدا وعلى فكرة انا باتكلم من السعودية وسعره الجهاز ده عندنا 3800 ريال سعودى وانا لسه شارى واحد من اسبوع dell inspiron 5010 بس بنفس المواصفات بس اخدته رخيص شوية 2700 ريال علشان نازل بدون سيستم يعنى مافيش DVD ويندوز ولا درايفرز وده بيبقى عرض للناس المحترفة اللزى حالتنا بتعرف تتصرف وتجيب احسن ويندوز و ULTIMATE VERSION وكمان مفعلة ياباشا باخر تحديث وكمان درايفرز اخر اصدار لكل زرار فى الاب توب وبصراحة الجهاز ده حكاية سريع زى الطلقة ومافيش حرارة خالص ومخرج hd وصوت 3Dوشغل عالى اوى يعنى هتعيش جامد
وتقبل تحياتى

**Abdo_Eldesokey** · 26-09-2010 07:50 AM

- الجهاز الي حضرتك قايل عليه عامل عندنا في المنصورة 4900 جنيه

- بالنسبة للشراء من أمريكا لازم تكون عامل حسابك إن الـ Dell , Toshiba الضمان بتاعهم شرق أوسط ، يعني لو جبتهم من أمريكا ملهمش ضمان هنا ، لكن الـ HP ضمان دولي ، يعني لو جبته من أمريكا يخش ضمان عادي هنا

- الفرق بين الـ i3 والـ i5 مش كبير زي ما تكرم أحد الأخوة وقال ، الفرق إن الـ i3 سرعته 2.13 والـ i5 سرعته 2.26 ، وأنا شايف إن الفرق في السرعة ميستاهلش 500 جنيه زيادة

**romioramy** · 26-09-2010 09:34 AM

باشا سعره معقول اوي و عدة ممتازة و كمان في اللي زيه ال HP Pavillion كمان حلو اوي و نفس السعر تقريبا و شكله احلي بس د ل أقوي ، بس اتش بي حلو برده و كان عليه عرض في كارفور معاه برنتر اتش بي all in one و ب 5000 جنيه .