الموضوع: نسخة من بروشور الساجا والألوان المتوفرة حاليا بالتوكيل

السلام عليكم ورحمة الله وبركاته

كأول مساعدة احاول ان اقدمها لأعضاء نايل بروتون عامة واعضاء قسم بروتون خاصة بعد المساعدات الجليلة التي قدموها لي خصوصة الأستاذ رامي والأستاذ طارق والأستاذ ايمن وان حتى الآن لم اتشرف بمعرفة احد منهم على وجه الخصوص و يزيدني شرفا ان التقي بأحدهم او بهم جميعا ان شاء الرحمن في اقرب فرصة ..
ولكن كما كنتم تعلمون فأنا كنت في زيارة اليوم لتوكيل عز العرب فرع مدينة نصر للسؤال على بعض الأسئلة الخاصة بالساجا وفوجئت بصراحة بأنهم ولأول مرة انا بشوفها مش عارف اذا كانت موجودة قبل كده ولا لأ انهم قامو بعرض حوالي 5 عربيات ساجا وعددهم كالآتي ( 1 سوداء - 1 حمراء - 1- بيضاء - 2 سيلفر ) وحوالي كانوا 2 بس اللي اوتو فتقدمت الى الداخل للسؤال فقمت بمقابلة الأستاذ نذير وهوة شخصية فعلا جديرة بالإحترام فعلا وساعدني في الحصول على كافة اجاباتي مع اني بسأل اسئلة شركة بروتون نفسها متعرفش تجاوب عنها وبعد كده سئلت عن اسئلة البنك المركزي نفسوا يعجز عنها وفعلا وجدته متعاونا معي بشدة
ولما جيت بقه للسؤال عن السيارة اللتي عليها العين الا وهي الساجا الأوتوماتيك السوداء فقال لي وصدمني انه اقرب فرصة لإستلام ساجا سوداء اوتوماتيك لن تكون قبل 3 اسابيع لأنه جميع الدفعات الموجودة محجوزة بالفعل حتى طلبات الحجوزات التي قبل ان تأتي حتى من ماليزيا فسألته عن اسرع الألوان في الإستلام فكان رده انه الأبيض والسيلفر ورقهم مع البنك يخلص في خلال 7 ايام بالتمام والكمال ان شاء الرحمن وانه بمجرد دفع مبلغ الحجز يمكن للعميل الحصول على السيارة في خلال 7 ايام فقط وطلبت منه بروشور للسيارة تفصيلي لها لكن من لا يعرف هذه السيارة او من المترددين الجدد على القسم عشان تكون التفصيلات رسمية وتحمل اسم عز العرب وهي كالتالي :





وسوف تجدون السعر الرسمي من التوكيل بخط يد الأستاذ نذير لفترة وشهر سبتمبر ولكن انا فعلا مصدوم من انه السيارة بتنزل بكم الألوان ده وفقط عندنا في مصر بأربع الوان فقط ولما سألتو هل ممكن حضرتك لو انا طلبت لون من الألون اللي في البروشور ده بطلب خاص ايه النظام الحقيقة لم اجد اجابة محددة ورد احد العمال ( هوة حضرتك مش عايش في مصر ولا ايه ) انا شاكك انها تريقة ولكن يالله

ملحوظتين :
1-بالنسبة لملاك الساجا زراير الفوج لايت همة اللي جنب الفلاشر ويتنج صح ؟ طيب انا شفتها في موقع ماليزي وكانت همة مكانهم الزرارين اللي تحت ذراع الإشارة ولقيتهم النهاردة مسدودين بغطيان بلاستيك ؟؟
2- استاذ رامي انا وصلت للتوكيل النهاردة وسئلت عن الخصم الخاص بنايل موتورز ولكن اجابني الأستاذ نذير بأن الموضوع بيد الأستاذ محسن صالح وهو غير موجود اليوم فكنت اريد ان اتأكد من حضرتك هل كان هذا العرض خاصا قبل ان يقوم الوكيل لللسيارة بعمل عرض خفض سعر السيارة وقد انتهى العرض بالعرض بالجديد ام ما يزال العرض الجديد موجودا مع القديم وآسف مرة اخرى للإزعاج المتكرر وشكرا مقدما على الإفادة
3- انا اول مرة احصل على فرصة مشاهدة الواجا من الداخل ولكن عايز اقول انه لو في يوم من الأيام وشاء الرحمن ثم حسن الحظ واذا اشتريت الواجا فسوف يكون رقم واحد لشكل عداداتها المغري جدا مثل الكثير من السيارات الألمانية المعروفة جدا وفكرة التابلوه الملفوف وكأنه يحيط بالسائق ..
وتحياتي يا اخواني ...

اصلى يا ابو السيد موضوع هايل و الى الامام

انا تحت امر حضرتك يا استاذ طارق وابقى طمنا عملت ايه في التوكيل ...

موضوع حلو كتير بس كان عندي تعليق صغير انت بتقول انو في ماليزيا زرار الفوج لايت بيبقي موجود تحت دراع الاشارات عند الحته اللي فيها زي زرارين كدا بس مقفولين هقولك انا ليه هما هناك معظمهم مركبين اضاءات تانيه و لمض تانيه زي الزينون و خلافه فبيخلي الزرار بتاعو في الاماكن الفاضيه ديه

اه حتى انا مستغرب شوية الحتة الفاضية اللي في التابلوه اللي قدام الراكب مقعرة كده بس فعالة يعني يتحط في حاجات كتير ومش زي العربيات العادية ها تلاقيها بتقع والكلام ده ها تلاقيها الى حد كبير جدا عملية وفعالة والف شكر لمرورك ومساعدتك ليا