بجد حاجة تلغبط المقارنة بين السيراتو والتيدا كل عربية فيه مميزات جامدة و الأتنين تقريبأ نفس السعر تيدا fp/at و سيراتو هاىلين
عرض للطباعة
بجد حاجة تلغبط المقارنة بين السيراتو والتيدا كل عربية فيه مميزات جامدة و الأتنين تقريبأ نفس السعر تيدا fp/at و سيراتو هاىلين
التيدا تكسب باكتساح الياباني ياباني مع احترامي الكامل للسيراتو و لملاكها
التيدا عربيه محترمه ولكنى أفضل السيراتو عنها
رأى الشخصى تيدا
ماسوقتش ديه ولا ديه بس لو فى انا فى مكان حضرتك هختار tida اكيد :)
مش عارف حاجة تحير
بس انا معايا التيدا
وركبت السيراتو كتيير اوى وسقتها
السيراتو عربيه حلوه وشكلها حلو وثابته
لكن التيدا فى الباقى تتفوق فى كل حاجه ماعدا الشكل من وجهه نظرى لو مقتنع بشكل التيدا هاتها بدون تفكير
of courseTIDA
بدون تفكير لو مكانك تيدا
طبعاً تيدا
التيدا أحسن فى كل حاجه .. ما عدا الشكل.
مع ان من كتر السيراتو .. الواحد اتعود عليها .. مبقاش جمالها يلفت نظرنا.
تيدا
من غير ليه
تيدا أكييد أنا سوقت الاتنين
التيدا حلوة أوى ما شاء الله
المهندس اللى صمم العربية ديه بجد ياخد أوسكار و لا حاجة
العربية واسعة بطريقة غريبة مع إنها من برّة تفول عليها عصفورة
بس قطع غيارها غالية حبتين و شكلها مش أوى بالذات من ورة بس اللى باسبويلر بتبقى حلوة
بس التقفيل ما شاء الله حاجة تانية غير السيراتو خالص
السيراتو طبعا شكلها احسن بس مش هو دا بس السبب
كمان سعرها أرخص وابشنز أكتر وفترة ضمان كبيره وتوكيلها محترم زى توكيل نيسان ومنتشره اكتر وحجمها اكبر
باختصار السيراتو ماتقلش حاجه عن التيدا ان مكانتش تزيد
ياريت برضه اعرف وجهة نظر حضرتك السيراتو تقل ايه عن التيدا وايه اللى فى التيدا أحسن غير انها يابانى ؟؟؟؟
التيدا جوده خاماتها افضل بكتير فده بيدي افضليه عن اي عربيه كوري مش عن السيراتو بساقتباس:
السيراتو تقل ايه عن التيدا وايه اللى فى التيدا أحسن غير انها يابانى ؟؟؟؟
لو منك اختار السيراتو ليه
1-شكل احلى
2- سعر اعادة بيع اعلى
3- قطع غيار ارخض من التيدا
النقطه التانيه هي الانتشار التيدا مش منتشره اوي هيبقي في تميز لملاكها بعكس السيراتو اللي اي حد دلوقتي اشتراها مع احترامي طبعا للسيراتو و ملاكهااقتباس:
ايه تانى غير النقطه دى ؟
الانتشار دا نقطه لصالح السيراتو مش للتيدا
الانتشار معناه النجاح مش عشان السيراتو رخيصه او ببلاش فا الناس كلها راكباها
ما الاتنين سعرهم قريب من بعض اشمعنى السيراتو انتشرت
اللى عايز يتميز يجيب حاجه غاليه مفيش ناس كتير راكباها
لكن فى فئة السيراتو والتيدا اللى بينجح هى العربيه العمليه اللى بتحقق اغلب ومعظم متطلبات المشترى
ما علينا من الانتشار
انت برضه مقولتليش التيدا تتفوق بإيه فنيا , حطلى حاجه قصاد حاجه
يعنى موتور قصاد موتور , فتيس , عفشه , مساحه , تقفيل , سعر , أوبشنز , عوامل أمان , قطع الغيار واسعارها , والوكيل والضمان , اعادة البيع
دى النقط اللى بتهم اغلب المشتريين
هو ده مربط الفرس يعني انا واحد من الناس اللي تهمني الجوده قبل اي حاجه في العربيه و في ناس بيهمها الشكل الجمالي قبل اي حاجه و في ناس بيهمها الاداء قبل اي حاجه و هكذا و انا مقدرش اقارن مقارنه عادله بينهم عشان انا مجربتش قياده التيدا للاسفاقتباس:
دى النقط اللى بتهم اغلب المشتريين
التيدا أكيد صناعة أحسن و أمتن و تقفيل أحسن و أوسع فى الصالون بكتير أنما برضة السيراتو شكل أحسن أنتشار بيدى توافر قطع غيار وعلى فكرة السيراتو برضة واسعة من جوة جدا وكمان الشنطة كبيرة فعلا ألى جانب كماليات أكتر شوية يعنى جنوط 17 و smart key و فتحة سقف أف دى حاجة تحير فعلا :)
التيدا عربية يباني بتصميم اوربي من شركة رينو عربية تقفيلها و خامتها حلوة جدا اعدت معايا 5 شهور عربية سحبها جبار و تكيفها تلاجة بجد انا الواحد كنت بقلله كمان عيبها الثبات بس
التيدا اعتقد هتكون معمرة اكتر من السيراتو
+11111111111111111111111اقتباس:
التيدا اعتقد هتكون معمرة اكتر من السيراتو
انا سوقت عربيتين سيراتو واحده اعلى فئه خليجي هاي لاين وطبعا انبهرت بكمالياتها زي التكييف التاتش والكاسيت الحديث وفتحة السقف الكهرباء والسمارت كي والتابلوه الكروم والفرش الجلد اللي بلونين ..وكل ده خلاني انبهر بيها جدا ..و السيراتو التانيه كانت اقل فئه مصري ..وفعلا السيراتو من غير المكياج بتبان على حقيقتها ..حسيت انها عربيه عاديه جدا ولا تفرق عن الموديلات اللي قبلها ولما جربت سواقتها لاقيتها عربيه عاديه في السحب وسحبها ممكن يكون اقل من الاوبترا الاوتو ..
وبالنسبه للمقارنه بينها وبين التيدا ..انا راي التيدا افضل من جميع النواحي ..عربيه عالميه ومشهوره على مستوى العالم (ماعدا مصر ) وعربيه ياباني اوروبي يعني متانة واعتماديه الياباني وفخامة الاوروبي ..زي المازدا 3
أنا جربت ال 2 ,بصراحة التيدا تتفوق في كل حاجة وأنا رأيي إنها الاختيار الأفضل
أنا مش هأتكلم عن هي أحسن ليه من السيراتو علشان كل لما أتكلم في الموضوع ده بلاقي هجوم عليَّ وتقبلوا وجهة نظري
السيراتو طبعا
شكل جديد و جميل
اوبشنز عاليه
منتشره جدا
اما التيدا شكلها قديم و قبيح
واسعه بس من جوه فقيره
كفايه سيراتو لو مقتنع بشكل التيدا جيبها
السيراتو من كتر ما انتشرت ( بيئت ) ......... فقدت تميزها
شكلها قبيح دي وجهه نظرك و ذوقك لكن تقول قديم احب اصلح لحضرتك المعلومه الخاطئه دي الشكل ده حديث جدا من تصميم شركه رينواقتباس:
اما التيدا شكلها قديم و قبيح
فقيره من نحيه ايه بالظبط ؟ الخامات و لا الكماليات ؟ و لا ايه بالظبط ؟اقتباس:
واسعه بس من جوه فقيره
كمالك للسيراتو ومجرب اليابانى التيدا افضل بشرط انك تقدر على قطع عيارها ومتقوليش اليابانى معمر لكن العربية اللى متقدرش على صيانتها وقطع عيارها مجبهاش ودا عن خبرتى مع العربية المحترمة السابقة مازدا فاميللى
اما التيدا شكلها قديم و قبيح
هى وصلت لدرجه القباحه
استغفر الله
أنا حاسس إني شفت المقارنة ديه قبل كده, ودايما المقارنة بين أي عربية كوري وياباني ماحدش بيطلع كسبان.
طيب لو مافيهاش سخافة ممكن صاحب الموضوع يقول إيه احتياجاته؟
بصراحة يا جماعة التيدا شكلها وحش و قديم مش علشان معاية سيراتو بقول كدة و كمان شكلها من ورا و من الامام غريب جدا و محدش يقول اذواق لان هي ما فيهاش ذوق اصلا ................... و الفتيس بتاعها علي ما اظن مافيهوش ستربترونيك دة غير الثبات بعد ال 100 ضايع و لازم تفهموا ان الياباني فئات الاول الهوندا و التيوتا و بعد كدا تيجي المستويات الاقل زي النيسان و السوزوكي , لاكن السيراتو اعلي مستوي في الكوري .
حسب كلامك بقى ان اعلى مستوى فى الكورى زى اقل مستوى فى اليبانى بسبب فرق الخبره
شكلها وحش ده ذوقك لكن قديم احب اصلح لحضرتك المعلومه الخاطئه دي تصميم التيدا تصميم حديث جدا و التصميم ده تابع لشركه رينواقتباس:
التيدا شكلها وحش و قديم
حضرتك كده بتتريق علي ملاك التيدا و بتتهمهم ان معندهم ذوق و ده معني كلامكاقتباس:
هي ما فيهاش ذوق اصلا
هو حضرتك جربت تسوقها قبل كده عشان تحكم علي ثابتها ؟ دي الفيرنا ثابته لحد 80 تبقي ثبات التيدا الياباني ضايع بعد ال 100 ؟؟؟؟اقتباس:
الثبات بعد ال 100 ضايع
الكلام ده بس في مصر مفيش حاجه اسمها فئات في اوروبا و اسيااقتباس:
الياباني فئات
التصنيف ده خاطئ تماما في مصر او حتي بره مصراقتباس:
المستويات الاقل زي النيسان
معلومه خاطئه برضه الكيا شركه تابعه لهيونداي يعني هيونداي هي اعلي مستوي في الكوري هي او حتي الشيفروليه المهم عمر ما كانت كيا اعلي مستوي في الكوري سواء في مصر او حتي بره مصراقتباس:
السيراتو اعلي مستوي في الكوري .
[quote=hossameldorry;3873083304 دة غير الثبات بعد ال 100 ضايع .[/quote]
التيدا الثبات بتاعها ممتاز لغاية 180 وعن تجربة على طريق الساحل
تيدا تيدا تيدا تيدا
1- يابانى 100 100
2- تكييف ميه ميه
السيراتوا الناس شرياها و بتحدف شمال و العجل منفوخ بزيادة ( و ده شكوة ناس كتييير مش عارف صح و لا غلط الناس فى السيراتوا بيحكو ا عنها كتير
التيدا ما فيش شك افضل وانتشار السيراتو في مصر مش معناها انها احسن لأن مع احترامي السوق المصري مش مقياس
التيدا موجودة في اوروبا وشفتها كذا مرة السيراتو ما شفتهاش مع ان هنا في عربيات كيا تانية موجودة زي الكارينز مثلا ، والi30هيونداي مثلا شفتها كتير
لكن بالأمانه انا ما بيعجبنيش شكل التيدا خالص وعاجبني قوي شكل السيراتو لكن هي في الآخر اذواق
يا جماعة هى خناقة وتعصب اعمى وخلاص
خالينا نرتقى فى الحوار دايما بعد اذنكم
انا حرد على بعض النقاط اللى ذكرت فى مشاركتكم
بخصوص الشكل والقباحة اللى بتقولوا عليه ده وان الناس معندهاش ذوق وهى بتختار
احب اقول فى الاول عيب الكلام ده اللى بينبع عن تعصب اعمى
اولا تصميم شكل التيدا منه برستيج اكتر منه جمال فى الشكل , تحس بالعربية ان عربية برستيج واقفة ومن جوة روعة فى التقفيل والتصميم الداخلى والخامات المستخدمة
ثانيا موضوع الفتيس ,هو طبعا ميزة ان يكون موجود عندك فتيس متطور وخصوصا لو ستبترونيك , ولكن اعتقد انه حيفيدك اكتر على السرعات المنخفضة , والحمد لله ان التيدا من غير الستبترونيك غول ووحش على السرعات المنخفضة وكمان فيها كيك دون عالى جدا واللى يركبها حيحس بيه جدا ,
لكن موضوع الثبات بردوا اللى بيتكلم من عدم واقع خبرة والله يسامحه لانه حيتحاسب على الكلام ده
ان التيدا ثبات رائع على الملفات 100 وكمان 110 ولكن بعد ال160 الثبات بيقل ولكن عزم الماتور بيجمع بسهولة لغاية 180 والثبات اللى بيقل ده نظرا لارتفاع سقف العربية , اللى بتاخد مقابل ليه راحة فى الصالون والدخول والخروج فى السيارة
ولو عايز ثبات حط جنط 17 ولكن حياثر على استهلاك البنزين والعفشة حتكون ناشفة جدا , وشوارعنا مينفعش فيها كدا
فكل حاجة وليها حساب , يعنى حاجة مقابل حاجة
ثالثا بخصوص قطع الغيار , اللى انا اعرفه واغلب الناس متفقة عليه ان لما تركب قطع غيار اصلية فى العربية سواء كورى او يابانى حسب العربية اللى معاك ايه , فبتحافظ عليها ,
فاغلب العربيات الكورى واليابانى اللى معدى تمنها 100 الف وبتتعامل مع توكيلها وبتجيب قطع غيارها الاصلية من التوكيل بيكون غالية
فميش حاجة رخيصة ابدا , فكل قطع الغيار الكورى الاصلى غالية , وكل قطع الغيار اليابانى بردوا الاصلى غالية
فمحدش يقولى ان السيراتو وان التيدا غالية , لان الاتنين جوة التوكل غاليين
وبره بردوا فى الحرفين ماليانة استيراد وماليانة مش اصلى وكل موجود وبالاسعار اللى انت عايزه , وكل ما بتجيب اصلى بتعيش اصلى
وكل ما بتستخسر فى العربية وتجيب تيل ب200 جنية حيجر عليك طنابير ووجع قلب وحياثر فى عمر قطع غيار عربيتك
رابعا بخصوص مشاكل فى العربية , الحمد لله تعالوا قسم نيسان وشوفوا هل فى مشاكل كبيرة فى التيدا ولالا , مش حتلاقوا ولا حس ولا خبر والحمد لله
ولافى مشاكل فى فتيس , ولا مشاكل فى عفشة , ولامشاكل فى استهلاك بنزين , ولا مشاكل فى خامات تقفيل ولا مشاكل فى اى حاجة الا حاجات قليلة جدا وبتتحل فى الصيانات, والمشكلة الوحيدة الثبات على السرعات العالية وقولتلكم عليها ليه والحمد لله الواحد بيمشى جنب الحيط والله الغنى على التهور والسرعة الجنونية ونادرا ما بتمشى 160 او فيما فوق فى شوارعنا
وزى ما قولنا قدام كدا بتاخد راحة فى الصالون وعربية ناعمة , وفى السرعات اللى عاوز يشد جامد بتسد معاه لان ماتورها قوى جدا بس فوق 160 يخلى باله
و فى مرة جبت من باب التجربة 180 والله ومشغل التكيف ومحستش الا لما كنت عاوز ازود عن كدا فالقيت التكيف مفتوح وطفيته
وزودت ولما ابتديت اعدى ال185 ولسه فى المدام عندى خافت من السرعة وانا كمان وقولت اعقل احسن
خامسا بخصوص الانتشار طبعا فى صالح السيراتوا ودى حاجة كويسة , بس كل حاجة فى العربية فى التيدا موجود فى الحرفين زى ما قولت وان ابتديت اشوف تيدا فى الشوارع دلوقتى عن زمان , والناس اقتنعوا بيها والحمد لله بغض النظر عن الشكل
وعن اعادة البيع الكل بيتباع , والكل بيخسر فى البيع , حتى اللى معاه سيراتو وده عرف فى السوق , الخربوش بنتلكك عليه وننزل فيه مبالغ , وعن كل سنة بتنزل وعن كل 10 الاف كيلو بتاثر بردوا , وهكذا , ولو محافظ على عربيتك وعلى صيانتها فى التوكيل او ايدك فيها حتتباع وان كان توك توك
ياريت ننقد من واقع خبرة فى تجربة العربية واللى جرب الاتنين ليه الافضلية فى الحديث
واللى مجربش وساق عربية منهم يقول اللى يعرفه عن سيارته فقط , عشان غير كدا يبقا تعصب اعمى وعمر كلامه ما حيكون مقنع
واللى عاوز يجرب التيدا انا تحت امره
والسيراتو عربية ممتازة وكنت على وشك شرائها وكنت حختار جنط 16 منها,لكن صلاة الاستخارة , وربنا هو اللى اكرمنى بالتيدا ,
العربية انا مرتاح معاها جدااااا , ولو دار بيه الزمن حجيب العربية تانى , ولو كان معايا اكتر كنت جبت الفلونس ولو كان معايا اكتر كنت جبت جيتا او جولف
وربنا يوفق الجميع
تقبلوا تحياتى اخوكم فى الله
احمد مصطفى