أجيب أثاث مودرن شيك وتمنه فيه بس مش غالي أوي يعني منين
:Oc_sun1[1]:
عرض للطباعة
أجيب أثاث مودرن شيك وتمنه فيه بس مش غالي أوي يعني منين
:Oc_sun1[1]:
لو عايز تمنه فيه يبقى للاسف غالى
فى white house (تشترى منه انتريهات فقط )
فى لوران على الترام
وفى واحد ارخص شوية فى النفس الصف قدام شوية جنب استوديو النبع بس موش فاكرة اسمه
لو عايز مكتبة وسفرة (خشب )فصلهم لان الموديرن الجاهز اخشاب صناعية وغالى اوى بس اختار موديل خشب بس ماتدخلش معاه جلد او خامات تانية عشان الفينيش يبقى زى المستورد
لو عايز تفصل كويس بسعر زى دمياك فى معرض فى ىخر فؤاد اسمه موبيليا الفنون الجميلة " سيد الصفتى " ممتاز
غلبت فى منجد كويس اوى جنب الكنيسة الانجيلية بالعطارين اسمه جابر بس فاصل كتير عملى صالون وورانى شغل مودرن حلو
مشكلة المودرن انة من اقل حاجة ممكن يتكسر
انصحك لو عايز مودرن يبقى تفصل مودرنبدل ما تشترية احسن
انا اختى جابت عفشها من divano بس بصراحة والواحد بيتعامل بحرص جدا مع كل العفش من اقل حاجة ممكن يتكسر
divano
حلو اوى برده يا سوما بس موش عارفة مناسب للاسعار اللى هو طالها
لكن نفس الحالة حلو اوى انتريهات وكنب بس دواليب موش اد كده
هو مشكلة الموديرن موش انه بيتكسر انه غير مهيا للفك والتركيب اكتر من مرة
يعنى الدولاب يتركب فى مكانه ولا ينصح بنقله لانها اخشاب مصنعة وتعاشيقها غير قوية
+9999
بجد نصيحه فى الجوووون
انا بروح معارض اثاث كتير زى
Le Marche
In&Out
الحاجات شكلها تحفه مودرن وكلاسك
الكلاسك طبعا 90% منه سعره هلامى و ارقام من فئه 200 الف جنيه غرفه النوم
المودرن احسن حاجه تجيب التصميم بلألوان بتاعته و تفاصيل القطعه وتروح عند نجار محترم وفااااااااهم وتعمل عنده الشغل
لان انواع الدهانات و المفصلات كامن بتفرق فى جوده القطع
شكرا يا جماعه فعلا من جولاتي في محلات كتير كله ضعيف وانا وزني كبير و ضخم الجثه يعني ماينفعش جاهز لازم اعمله عند نجار دمياطي محترف
هقولك على حاجه
مشوار دمياط هتلاقى الاثاث على الخشب قبل الدهان هتشتريه بس يكون معاك نجار عشان يشوف الخامات
بعد كده تطلع على الاسترجى اللى هيدهن تتفق معاه وتحاسبه كل ده عشان شغل الكلاسيك ودا طبعا اللى بيستمر مش موضة سنه وخلاص.
المودرن بتحتاجه فى غرفة واحده بس ودا عشان قعدتك مع الناس القريبين قوى انصحك بحاجه انا عملتها بس كانت رائعة وك اللى شافها اتبسط جدا منها عارف حضرتك مصانع المراتب زى تاكى وفوربد حضرتك تروح مصنع بس مش المصانع دى لحد تانى تقدر تتفاهم معاه فى الفلوس توريله التصميم وهو هيعملك زيه بالظبط بالاسفنج المضغوط وبيبقى جواه سوست وطبعا مفيش خشب وبتخنار قماش التنجيد. حضرتك شوفت راجل و6 ستات انا عملت الانتريه اللى كان عندهم فى الصالة ب2500 جنيه تحفة وقوى جدا وخفيف جدا وتقفيل رائع وكل اللى شافها كان بيديها ارقام عالية قوى واكتر واحد قرب قالى 5000 جنيه
divano ممتاز
العفش شيك جدا... يمكن عشان انا بحب المودرن اصلا بس بشكل عام انا مشوفتش عندهم اى موديل وحش او شكلة
الاسعار معقولة جدا مقارنة باستقبال (و فى رواية اخرى استهبال)... السفرة هناك ب 7 و شوية... نفس السفرة فى استهبال ب 16 الف... النوم ب8 و جبت مكتبة ب 2000... الانتريهات مكلفة الصراحة و دى الحاجة الوحيدة اللى فصلتها... محلات living mix و in & out ملاقيش فيها حاجة تشدنى و الاسعار اغلى من استقبال
الناس معاملتها فوق الممتازة... فرع النزهة ماسكة واحد اسمة هيثم و ياعينى الراجل طلعت عينة اسئلة فى زيارتين للمحل و بعد كدة اتكعبلت فيه فى معرض اثاث و استلمتة للمرة التالتة و رابع مرة دفعت مقدم و خامس مرة غيرت حاجات فى الحاجة اللى حشتريها.... مفيش مرة من دول حسيت ان الراجل اتخنق بالعكس... حسيت انة مبسوط و انا بعصرة اسئلة و استفسارات... و بعد ما اشتريت بسنة كلمتة اسالة ان كان عندهم جزامات قالى معنهمش ووصفلى واحد فى مصر الجديدة عندة جزامات
لما اشتريت كان عاجبنى غرفة نوم بس مش عاجنى الكومودينو... و كان فيه غرفة تانية مش حلوة اوى بس الكومودينو حلو جدا... قلت ارخم على الراجل و اشوف لو ينفع اخد السرير و الدولاب من الاوضة فقط و اخد الكومودينو بتاع الغرفة التانية قاللى ينفع و ضبط الدنيا
فى الدفع ممكن تقسط طول ما البضاعة فى مخازنهم... انا دفعت على 4 شهور لحد ما جة ميعاد الاستلام لازم اكون مسدد كامل مبلغ الفاتورة... الراجل اساسا هو اللى اقترح عليا القصة دى عشان تسهيل عملية الدفع و كمان قاللى طالما مش حتركب الحاجة فورا يبقى ملهاش لزمة تخلليها فى البيت على الفاضى ممكن حاجة تتكسر او تتلف بدون داعى (و برضة منها ضمانة مقابل باقى الفلوس اللى لازم اسددها بالنسبة ليه)
موعد التسليم و التركيب كان مضبوط تمام... جة 6 انفار حسب ما افتكر و ركبوا غرفة النوم و السفرة و المكتبة فى ساعة و نص تقريبا و شغلهم منظم و سريع...
انا كنت سالت على الضمان و هيثم قاللى انه مدى الحياه... طبعا حسيت انة بيشتغلنى... بعد 6 شهور اتكسر جزء زجاج من درج الكومودينو (عيب استخدام مش صناعة)... كلمت الزبون و قولتلة اللى حصل بالتفصيل قاللى هات الدرج... وديتهولة و تابعتة فى التليفون و بعد ما خلص قولتلة "حسابك كام؟"... قاللى "هو انت شارى من عندنا عشان نقولك ادفع فلوس تانى... خلاص يا باشا الحساب وصل"... انا مشوفتش معاملة محترمة كدة قبل كدة
لما سالت عن سبب رخص معروضاتهم عن استقبال قال ان استقبال شارى اسم استقبالو بالتالى بيحمل الزبون تمن الاسم دة... ديفانو بيبيع تحت اسمة هو بالتالى التكلفة الزيادة دى مش موجودة
هما بيجيبوا العفش من تركيا... تحديدا من الشركة دى:
Gala Mobilya | Ana Sayfa
MMamdouh