اماكن توزيع الجين تو فى الدول العربيه

**meramor81** · 18-03-2008 12:29 PM

السلام عليكم ورحمه الله وبركاته كنت عاوزة اسال على حاجه بس ياريت الرد بسرعه

والدى عايش فى الاردن وكنت عاوزة اعرف اماكن التوزيع للبروتون هناك فين لانه عاوز يشوف الواجا 2008 والجين تو انا دخلت من قبل موقع برتون وشفت اماكن التوزيع فى جميع انحاء العالم بس نسيت دلوقتى انا دخلت على ايه بالضبط ياريت تفيدونى وممكن تحسبولى الجمرك يكون كام لو سمحتم علما بان
هايتم القياده من الاردن لمصر ؟؟ واشكركم كثيرااا

**fahd_628** · 18-03-2008 01:57 PM

السلام عليكم

اختى خشى على اللينك دة فية اماكن التوزيع فى العالم حتلاقيها تحت

http://www.proton.com/about_proton/p..._worldwide.php#

و بالنسبة للجمرك فا بصراحة معرفش

**Xpert** · 18-03-2008 03:52 PM

اللي هايفيدك في الجمرك ده .. جرنان الجمعه ملحق السيارات .. عاملين فيه حته كده للجمارك الناس تسأل علي العربيات بكام و كده .. انا فاكر انه كل ما واحد يسأل يديلوا رينج ال 40 الف كده .. ممكن تجيبي ملحق الاهرام و تقري فيه .. و حاطين فيه الايميل تبعتيلهم و تسألي ;)
بيشو طياره ...

**meramor81** · 19-03-2008 11:47 AM

فهد ميرسى كتيرررررررر ليك بس للاسف مافيش مكان توزيع فى الاردن او عمان
مالهمش هناك وكيل تقريبا اقرب فرع سوريا
عموما انا كنت بفضل يجيب العربيه من هناك لانها هاتكون افضل من هنا وهايكون قدامه الاختيار بين البيرسونا والواجا لانى لا اعتقد نزولهم مصر الان السؤال النيو واجا هاتنزل امتى مصر ؟؟؟ ومشكور expert كتير

**Xpert** · 19-03-2008 02:44 PM

هاتوها من سوريا .. اهه لف بلف بقي .. ياخد اجازه كده و يعمل فيكيشن و ينزل سوريا يجيبها و يشد علي مصر :d برضه تابعي جرنان اهرام الجمعه ملحق السيارات اعرفي الرينج و الترتيبات ازاي .. و سيبي الحصول علي العربيه دي علي ربنا .. يمكن تجيبوا لانسر او حاجه تاني .. مش شرط الجين تو :) (اخلع انا بقي من هنا احسن اتضرب من الجماعه بتوع البروتون :d )

**fahd_628** · 19-03-2008 04:53 PM

على فكرة ممكن تطلبيها سبيشيال اوردر زى الى بتنزل برة لو عاوزة و لكن حتقعدى مستنية 6 اشهر على كلامهم

**Xpert** · 19-03-2008 04:55 PM

ده غير ان سبيشيال اوردر هاتيجي غاليه .. لو جات من بره و تجمركت هاتيجي ارخص من الزيرو هنا يا عم فهد .. في مقابل انك هاتدخل تصلح في التوكيل علي حسابك ...(مالكش ضمان)

**abo3bdolrahman** · 19-03-2008 05:42 PM

يا جماعة اللى بتنزل هنا مصر أصلا إسبيشيال أوردر يعنى الواجا فى ماليزيا جنوط 15 هنا 16 و السعر هنا أرخص من بره بس ما عرفش فى الدول العربية إيه النظام و على العموم الجمارك على ال 1600 بتبقى فى حدود 55 % شاملة الضرائب و ده من الثمن سيف يعنى الواجا النيو جميع الكماليات أتوماتيك و دى سعرها فى ماليزيا 62 ألف رينجت و ده بيساوى تقريبا 92 ألف جنيه بالإضافة للجمارك و الضرايب تعمل حوالى 135 الف جنيه. !
و ده مقارنة باسعار الوكيل هنا فى مصر كثير جدا لأنهم كانوا قالوا إن النيو واجا الكاملة هاى لاين مش هاتزيد عن البرميوم كثير و اقصاها 105 ألف و طبعا ممكن الفصال فى السعر.

**meramor81** · 20-03-2008 11:31 AM

ميرسى كتير ياابو عبد الرحمن بس النيوواجا 2008 هاتنزل امتى مصر

**abo3bdolrahman** · 20-03-2008 03:12 PM

على كلام بتوع عز العرب مفروض تنزل السنة دى لأن ناس كثير سألت عليها و طلبتها بس إمتى ما حدش يعرف.
على العموم الموديل الحالى بروتون هاتوقفه علشان ها يبطلوا يستخدموا محركات ميتسوبيشى فى عربيتهم.