الموضوع: رسميا على موقع كيا كوريا وحصريا للكياويه , سيراتو بموتور جديد 140 حصان وفتيس 6 نقلات

المشاركة الأصلية كتبت بواسطة د.محمود صلاح

خبر ممتاز .. هيقلب الموازين .

اكيد

المشاركة الأصلية كتبت بواسطة normal

طبعا موضوع جبار مش غريب عليك يا حسام باشا
تسلم أيدك يا كبير والقسم بينور بوجودك
طبعا لو نزلت مصر أنا أول واحد هيبيع :))
بس البنزين بقى :)
دنا كدا ومش مستحمل
شكرا مره تانيه على الموضوع يا كبير

نورمال حبيبى ربنا يخليك كلك ذوق ياكبير

ربنا يستر فى موضوع البنزين وتطلع بتاخد بنزين 92 عادى

لان لو طلعت بتاخد 95 هازعل :(

بس مش هازعل اوى لانها ليها حسبه تانيه

لو قولنا ان تانك العربيه 50 لتر لو حطينا بنزين 95 يبقى هاتدفع فى التفويله 2.75 * 50 = 137.5 جنيه :)

بس ال 50 لتر دول هايمشوك 50 * 16.5 = 825 كم

فى المقابل انت دلوقتى عشان تمشى بالعربيه بالموتور الحالى 825 كم محتاج 82.5 لتر لو قولنا ان اللتر بيعمل 10 كم تقريبا

يعنى هاتدفع 82.5 * 1.85 = 152.62 جنيه !!!!

يعنى النتيجه ان بنزين 95 فى الموتور ال gdi هايبقى اوفر من ال 92 فى الموتور الحالى :)

بس الخوف بقى ان بنزين 95 يغلى عن 2.75 جنيه ودا اكيد هايحصل فى يوم من الايام :)

المشاركة الأصلية كتبت بواسطة computerking

لبسنا في الحيط احنا بتوع 2010 و 2011 :( يخسارت الفلوس :( و انا الي كنت فاكر العربية ديه حتفضل كام سنة عبال متفكر تغير :( يقولوا يعملوا موتور جديد و فتيس و يغيروا الفتيس بتاع الكونسول بعد سنتين :( كدة كتييييييييييييييير :( انا زعلان اوي من كيا :(

معلش ياباشا ماتعرفش الخير فين

المشاركة الأصلية كتبت بواسطة moody1

شكرا يا استاذ حسام عالخبر الجامد ده

شكل كل العربيات الكورى السنة الجاية هتنزل 140 حصان

الالنترا و السيراتو و الكروز

انا قريت من يومين ان الكروز 2011 نازلة بموتور 1400 سىسى تربو بيطلع 140 حصان و عزم 200

ياريت لو حضرتك تعملنا موضوع مشابه عن الموتور الجديد اللى الكروز هتنزل بيه

لان العربية ديه بحبها جدا

و هل الموتور الجديد ينفع ينزل مصر

و لا ده مخصص للسوق الامريكى فقط

و اكون شاكر لحضرتك

لأ الكروز التربو دى امريكانى بتتباع فى امريكا فقط وصعب اوى تنزل مصر اولا لان تمنها غالى فى امريكا حوالى 100 الف جنيه قبل الجمارك دا غير ان جمرك الموتور التربو بيبقى اكتر من الموتور العادى والله اعلم

المشاركة الأصلية كتبت بواسطة normal

ههههههههه
جاااااااااااااامد والله يا حسام
طيب تمام بس هى تنزل
وبعدين لو ال95 هيغلى ال92 هيغلى معاه :)
فى بيتها
خلاص إن شاء الله أول متنزل أتنين واحده ليا وواحده ليك يا كبير :)

هههههه

معاك حق فعلا فى بيتها , انا عارف ان لو غلى ال 92 برضه هايغلى بس انا خايف من نسبة الغلاء

ال 92 ممكن يغلى بالربع جنيه لكن ال 95 بالجنيه على طول :)

ربنا يستر

وان شاء الله لو نزلت نكون اول ملاكها :)

المشاركة الأصلية كتبت بواسطة SAMEHNOSHI

حسام باشا... الماتور الجديد عمرة ما حيكون اوفر بالبنزين 95 من الماتور القديم, الماتور الجديد اللتر بيعمل 16.5 كم فى احسن معدلاتة مش فى السواقة العادية فى الشارع. لو حتحسب على كلام الشركة المعلن يبقى الماتور القديم اللتر بيعمل 15.2 كم مش 10 كم يعنى الحسبة مفروض تكون كالتالى:

الماتور الجديد
50 لتر * 2.75 = 137.5 جنية حتمشى بيهم مسافة 50 * 16.5 = 825 كم
الماتور القديم
علشان تمشى نفس المسافة حتستهلك بنزين 825 / 15.2 = 54.3 لتر تكلفتهم 54.3 * 1.85 = 100 جنية.

يعنى مع الماتور الجديد حتدفع اكتر 37.5 من الماتور القديم لقطع نفس المسافة, و بالتالى الماتور القديم اوفر و كمان مش ضعيف على العربية.
دة بالاضافة انة ممكن الدعم يتلغى على البنزين 95 زى مانت قولت و سعتها حتبقى ماساة.
انا شايف ان لو الماتور الجديد محتاج بنزين 95 يبقى الماتور القديم افضل, و كفاية علينا الفتيس ال 6 سرعات و باقى الاوبشن.

كلامك مظبوط انا المفروض أقارن بالرقم المكتوب فى الكتالوج

بس انت متأكد انه 15.2 ؟؟؟؟

اعتقد انه أقل من كدا , بس فى كل الأحوال اكيد مكتوب اكتر من 10 فبالتالى حسبتى مكانتش مظبوطه وكدا فعلا مع البنزين ال 95 هاتدفع أكتر

بس فى برضه كذا نقطه مهمه جدا فى معدل استهلاك البنزين

اولا ان البنزين 95 ( بغض النظر عن السعر ) بيعمل كيلوهات اكتر من ال 92 فى نفس العربيه ( جرب مره تحط 95 وشوف العربيه هاتمشى اد ايه هاتلاقيها مشيت عدد كيلوهات اكبر من ال 92 )

ثانيا الفتيس ال 6 نقلات

ثالثا ال Active Eco اللى لسه منعرفش هو ايه بالظبط :) لكن شغلته توفير البنزين

ال 3 عوامل دول يساعدوا على تحقيق رقم 16 كم للتر

وعموما اما نشوف الاول هاتنزل ولا لأ وبعدين نحسب حكاية البنزين , بس انا أتفق معاك ان كلمة بنزين 95 تخوف اى حد بغض النظر عن الحسابات وانهى فيهم موفر أكتر

المشاركة الأصلية كتبت بواسطة M.ABDEEN

تسلم يا حسام باشا وربنا يخلييك لينا

الله يسلمك ياباشا

المشاركة الأصلية كتبت بواسطة normal

حسام :)
أنا حلمت أمبارح أنى جبتها ههههههههههه
مع أنى والله الموضوع مفبالى خالص
ولما صحيت أعدت أضحك :)

ههههههههه

شوفت مش سايباك حتى فى أحلامك

دى بشرة خير ان شاء الله :)

المشاركة الأصلية كتبت بواسطة samehnoshi

ايوة يا باشا...دة رابط فية مقارنة بين ماتور الالنترا القديمة و الماتور ال gdi الجديد, طبعا دى النترا مش سيراتو بس مش مهم العربية اية, لان نفس الماتور و الفتيس فى الالنترا و السيراتو, و احنا يهمنا الماتور و الفتيس الجديد حيوفر بنزين اد اية مقارنتا بالماتور و الفتيس القديم بغض النظر عن العربية.

hyundai launched all-new avante in korea

شكرا على اللينك

انا كنت قريت على مواقع ان السيراتو 14.2

عموما من 15 ل 14 مش هاتفرق كتير :)