رسميا على موقع كيا كوريا وحصريا للكياويه , سيراتو بموتور جديد 140 حصان وفتيس 6 نقلات

السلام عليكم ورحمة الله وبركاته

صباح الفل على الكياويه

واحشننى جدا جدا

بقالى كتير معملتش مواضيع فى القسم

والنهارده جايبلكم أهم موضوع لازم نتكلم فيه وخبر لسه طازه

من شويه فتحت موقع كيا كوريا ولقيت ان السيراتو بقت بتنزل بالموتور الجديد اللى هاينزل فى الالنترا الشكل الجديد

اللى هو GDI Gasoline Direct Injection قوته 140 حصان وعزم 167 نيوتن :)

والموتور دا غير انه بيتميز بقوته لكن برضه من أهم مميزاته هو استهلاكه للبنزين , اللتر بيمشى 16.5 كم يعنى فى الصفيحه 330 كم

دا بالاضافه انها بتنزل بفتيس 6 نقلات مانيوال و 6 نقلات تبترونيك زى اللى بينزل فى الالنترا الجديده والسوناتا والجينسيس والكيا كادينزا والاوبتيما

التعديلات دى موجوده فى السيراتو السيدان والهاتش باك , عشان فى ناس كانت فاكره ان الهاتش باك بس هى اللى هاتبقى بالتعديلات دى

ولاحظت كمان اختلاف فى شكل الجنوط ال 16 وال 17

المهم نخش بقى على بعض الصور جبتهالكم من البروشور بتاع كوريا :)



http://img828.imageshack.us/img828/2329/14046951.jpg



http://img69.imageshack.us/img69/441/24402227.jpg



http://img688.imageshack.us/img688/7609/60593187.jpg



http://img710.imageshack.us/img710/4412/43231852.jpg



http://img535.imageshack.us/img535/5055/59592000.jpg



http://img687.imageshack.us/img687/2771/53496947.jpg



http://img837.imageshack.us/img837/4892/10561575.jpg



http://img36.imageshack.us/img36/4431/46320106.jpg



http://img205.imageshack.us/img205/4984/82505089.jpg




ودا اللينك للى عايز ينزل البروشور الكورى


http://www.kia.co.kr/FileRootMain/eC.../kor/forte.pdf



اه وعلى فكره

الكوبيه نفس الكلاااااااااااااااااام :)



http://img713.imageshack.us/img713/1520/010opg.jpg



http://img59.imageshack.us/img59/7361/011boz.jpg



واخيرا نختمها بالاعلان عن الموتور الجديد على اليوتيوب


YouTube - Kia Forte GDI commercial (20s)





ايه رأيكم فى الكلام دا

ياترى هانشوفوا فى مصر قريب

ولا هايطلع الكلام دا كله مخصص للسوق الكورى والكلام اللى يسد النفس دا :(

ان شاء الله لازم نشوف التعديلات الجديده دى عندنا فى مصر

سواء وكيل او خليجى او اللى بتيجى من كوريا مباشرة

العربيه كدا بجد بقت ماشاء الله وهم اكتر ماهى وهميه

اى حد كان ليه تعليق ان الموتور تعبان و 124 حمار والكلام دا محدش هايقدر يقوله بعد كدا

واللى مش عاجبه اداء الفتيس ال 4 نقلات هايبقى معاه فتيس تحفه

وكمان الالنترا الجديده لما تنزل مصر مش هاتكتسح زى مافى ناس كتير متخيله لان مش هايبقى ليها اى مميزات غير الشكل الجديد وقاعدة العجلات الأكبر

والاوبشنز والسعر بقى هما اللى يحكموا


منتظر اراءكم وتعليقاتكم وطبعا ياريت نحاول نعرف اى جديد بخصوص نزولها مصر

.

جامده اوي الكماليات اللي نزلت فيها

الاريل - اشارات المرايات

الفتيس ملوش حل

نظام التحكم الصوتي

بس الجنط 17 اللي موجود دلوقتي اجمد من الجديد

والموتور الجديد ده شكله هيبقا جامد برضه

هو الفتيس والعفشة كانو مشاكل العربية الوحيدة
الموتور حالي كان كويس جدا بس اكيد الجديد دا اجمد
لو حلو كمان مشكلة العفشة العربية هتبقى وهم فعلا

بس ال انا عايز اعرفه هي مبتنزلش اوروبا ليه ؟؟؟؟

هايقولوا 140 حمار

و الكلمتين بتوع الكوري بيقيس من البساتم و الألماني بيقيس من الشكمان

هههههههههههههههه


عاش يا حس

بجد خبر حلو اوييييييي,, شكراً علي المجهود

اقتباس:

---

المشاركة الأصلية كتبت بواسطة aly_hosny

هو الفتيس والعفشة كانو مشاكل العربية الوحيدة
الموتور حالي كان كويس جدا بس اكيد الجديد دا اجمد
لو حلو كمان مشكلة العفشة العربية هتبقى وهم فعلا

بس ال انا عايز اعرفه هي مبتنزلش اوروبا ليه ؟؟؟؟

---

هل قصدك الفتيس الجديد مش بينزل ليه؟ ولا بتسأل السيراتو عموماً مش بتنزل ليه؟

اقتباس:

---

المشاركة الأصلية كتبت بواسطة Dr.Islam

هل قصدك الفتيس الجديد مش بينزل ليه؟ ولا بتسأل السيراتو عموماً مش بتنزل ليه؟

---

لا السيراتو عموما

خبر حلو جدا وعقبال من شوفها فى مصر

صورة البروشور فيه واحدة زيها للIbiza من 2008
http://www.seat.com/static/su/com/SE..._1280x1024.jpg

http://img828.imageshack.us/img828/2329/14046951.jpg

أنا استغربت لما شفتها

تعديلات حلوة جدا
و كمان شكل الفتيس الجديد حلو جدا
و ياريت فعلا يكونوا غيروا نظام التعليق الخلفي أو حتى يكونوا طوروه شوية

بخصوص السيراتو ليه مش بتنزل أوروبا علشان هما بينزلوا هناك العربية الـ Ceed و دي مش بتنزل عندنا
أكيد ليهم وجهة نظر تسويقية في الموضوع ده

استاذ يا حسام بجد... خبر جميل جدا :Ta_clap[1]: و كدة فعلا الالنترا حتدخل فى منافسة قوية مع السيراتو و الفيصل فعلا حيكون السعر و الاوبشن. يا رب بس تنزل مصر قريب بالمواصفات دية.

اقتباس:

---

المشاركة الأصلية كتبت بواسطة hosam_optrawy

والموتور دا غير انه بيتميز بقوته لكن برضه من أهم مميزاته هو استهلاكه للبنزين , اللتر بيمشى 16.5 كم يعنى فى الصفيحه 330 كم

.

---

هو الموتور الحالى ال 124 حصان استهلاكه اد ايه انا عارف انه سفاح بنزين؟؟؟؟؟؟؟؟؟؟

اللى يلحق يلحق
الموتور ده اول مرة ينزل مصر وهو على فكرة راكب دلوقتى فى عربيه سبورتيج بيضاء موجودة امام معرض كيا فى ميدان روكسى واحتمال كبير تنزل بيه العربيات السبورتيج ال 1600
طبعا العربية مقفولة ويدوبك تشوفها من برة
بس بجد تحفة

اقتباس:

---

المشاركة الأصلية كتبت بواسطة hamadahosni

بخصوص السيراتو ليه مش بتنزل أوروبا علشان هما بينزلوا هناك العربية الـ Ceed و دي مش بتنزل عندنا

---

ياعنى ايه العربية ceed مش فاهمك

حسام باشا , مواضيع متميزة كالعادة الحاجة اللى انا لاحظتها ان عصاة الفتيس مختلفةعن الموجودة عندنا و ادينى بشوف على الموقع الرسمى يه الاختلاف ده و كذلك الجنط ال 17 الحالى افضل الصراحة اما بالنسبة للموتور و معدل استهلاك البنزين انا حاسس ان الموضوع مش موضوع موتور جديد وبس ممكن يكون تعديل فى ال ecu

اقتباس:

---

المشاركة الأصلية كتبت بواسطة shouk_1987

ياعنى ايه العربية ceed مش فاهمك

---

ده موديل من موديلات kia مش بينزل عندنا فى مصر

يعني دي موديل 2011 ؟
كده بقى تمام قوي

يا عم حسام, الله يسامحك . العربية ديه لا يمكن تنزل مصر الموتور ده ECO Engine يعنى احنا لسه بنتكلم فى عربيات شغالة بالجاز و عايزهم ينزلوا ECO CAR و بعدين التعديلات فى التصميم الداخلى و الخارجى معدودة جدا

التصميم الخارجى : تغيير فى شكل الجنوط و الشبكة الامامية و غماز الاشارة فى المرايات

التصميم الخارجى : مفيش غير شكل الفتيس بس

ولاد التيت ده انا لسه شاري :)
اعتقد الموديلين هيفضلو موجودين علشان دي اسمها gdi
اهم حاجه الشكل متغيرش

http://www.caranddriver.com/var/ezfl...cd_gallery.jpg


الشبكة القديمة


http://forte.kia.co.kr/images/view/0...iew/img_03.jpg


الشبكة الجديدة


http://forte.kia.co.kr/images/view/0...iew/img_04.jpg


الفوانيس الخلفية للكوبيه LED


http://forte.kia.co.kr/images/view/0...ine/img_01.jpg


الموتور ال GDI الجديد


http://forte.kia.co.kr/images/view/0...ion/img_01.jpg

الفتيس الجديد
http://forte.kia.co.kr/images/......./tech_03.jpg

ذراع السرعة فى الكوبيه الجديدة
http://img696.imageshack.us/img696/4820/tech03.jpg

المرايات الجانبية الجديدة

http://img822.imageshack.us/img822/3534/20772836.png
http://forte.kia.co.kr/images/......./tech_03.jpg

تسلم يا حس ...

حاجة ممتازة ...

المشكلة انى قريت على النت ان الموتور الجديد ده عاوز بنزين عالى اوى
ممكن كده مينزلش مصر خالص

حلوة جدا عقبال ما تنزل مصر

اقتباس:

---

المشاركة الأصلية كتبت بواسطة aly_hosny

لا السيراتو عموما

---

انا اعرف واحد عايش في انجلترا, استغربت جدااااااااااااً لما بيقولي السيراتو انتشرت عندهم بس طبعاً فيها اوبشن ولا نعرف عنها حاجة. :ma:

زوج اختى فى قطر بيقولى السيراتو هناك انتشرت جداً بردوا

يا موضوعاتك الجامدة يا حسام
فين نسخة اخبار السيارات

يانهار أزرق

دى بقت جامدة جدااا أكتر ماهيا

كده انت هتخلينى أبيع عربيتى ياعم حسام

بس عاشت إيديك موضوع جبااااااااار ومميز كالعادة :))

الفتيس شكله أوروبى أووووووووووووووووووى

فى منتدى ماليزى بيقولوا الموتور الجديد عاوز بنزين 97

يا رجاله انتو بتحيرونا يعنى هى حتنزل مصر ولا ايه ؟؟؟؟؟ انا شايف المفروض ينزلوها مع نزول الالنترا الجديده عشان تبقى فى صالحنا
بس عاوز اعرف سعرها حيكون كام لما تنزل مصر ؟؟؟؟ دى حاجه مهمه برضه

شكرا يا حسام على مجهودك
انت حتبقى كياوى امتى ؟؟

لا استطيع الا ان انحني احتراما للكوريين

فعلا لو 140 حصان بالعزم دا و الاستهلاك دا يبقي جميل اوي

بس دا مفيهوش super charger او حاجة ؟؟

موضوع مميز كالعادة من عضو مميز جدا بموضوعاتة الجامدة

بجد انا ماندمتش انى ركبت العربية دية

لدرجة انى هاشجع كوريا فى كاس العالم الى جاى:rolleyes2:


الناس دية مش عارف هايعملوا اية بعد كدة ممكن يخلوها تطير من على الارض ويحطوا مالتى فانكشن فى الطارة

يطلع جناحات:majd(4):

بس ماعتقدش ان الواحد يقدر على بنزينها دا انا معايا 1600 واستهلاكها عالى :U_thin1[1]:

مافيهوش اى شواحن

ديه تكنولوجيا اسماها حقن مباشر direct enjection

زرار ال Active Eco ده هيجنينى نفسى اعرف بيعمل ايه بالظبت

بس الخوف متنزلش هنا مصر علشان البنزين

اقتباس:

---

المشاركة الأصلية كتبت بواسطة shouk_1987

ياعنى ايه العربية ceed مش فاهمك

---

الموديل إسمه ceed زى السيراتو و الكارينز و السيفيا و كده يعنى

حسام باشا.............. بص بعيد عن إن الموضوع جامد جامد جدى بس أنا مخاصمك............ ليه يا راجل كده إحنا بدأنا نقلب على عربياتنا و بقيت بفكر أبيع علشان خاطر بقيت بفكر فى العربية الحديدة ........... ليه كده ليه كده يا حس ما كنا كويسين و مش ناقصنا حاجة و الحمد لله

هيبقي فيه منافسه شرسه في الفئه دي .. بس يا تري لو نزلت هتنزل بكام .. اعتقد مش هتقل عن 150 - 160 الف

اقتباس:

---

المشاركة الأصلية كتبت بواسطة anaconda_0054

جامده اوي الكماليات اللي نزلت فيها

الاريل - اشارات المرايات

الفتيس ملوش حل

نظام التحكم الصوتي

بس الجنط 17 اللي موجود دلوقتي اجمد من الجديد

والموتور الجديد ده شكله هيبقا جامد برضه

---

شكرا على مرورك

اقتباس:

---

المشاركة الأصلية كتبت بواسطة aly_hosny

هو الفتيس والعفشة كانو مشاكل العربية الوحيدة
الموتور حالي كان كويس جدا بس اكيد الجديد دا اجمد
لو حلو كمان مشكلة العفشة العربية هتبقى وهم فعلا

بس ال انا عايز اعرفه هي مبتنزلش اوروبا ليه ؟؟؟؟

---

عشان فى اغلب دول اوروبا مبيركبوش غير هاتش باك عشان كدا كيا مش منزله غير العربيات الهاتش باك حتى الريو منزلاها هاتش باك فقط

اقتباس:

---

المشاركة الأصلية كتبت بواسطة ahmed samy

هايقولوا 140 حمار

و الكلمتين بتوع الكوري بيقيس من البساتم و الألماني بيقيس من الشكمان

هههههههههههههههه


عاش يا حس

---

اللى هايقول 140 حمار يفرجنا على الخيل العربى الأصيل اللى معاه

نورت يا كبير

اقتباس:

---

المشاركة الأصلية كتبت بواسطة dr.islam

بجد خبر حلو اوييييييي,, شكراً علي المجهود

---

العفو

اقتباس:

---

المشاركة الأصلية كتبت بواسطة boogie

خبر حلو جدا وعقبال من شوفها فى مصر

---

يارب

خبر ممتاز .. هيقلب الموازين .

طبعا موضوع جبار مش غريب عليك يا حسام باشا
تسلم أيدك يا كبير والقسم بينور بوجودك
طبعا لو نزلت مصر أنا أول واحد هيبيع :))
بس البنزين بقى :)
دنا كدا ومش مستحمل
شكرا مره تانيه على الموضوع يا كبير

اقتباس:

---

المشاركة الأصلية كتبت بواسطة hamadahosni

تعديلات حلوة جدا
و كمان شكل الفتيس الجديد حلو جدا
و ياريت فعلا يكونوا غيروا نظام التعليق الخلفي أو حتى يكونوا طوروه شوية

بخصوص السيراتو ليه مش بتنزل أوروبا علشان هما بينزلوا هناك العربية الـ Ceed و دي مش بتنزل عندنا
أكيد ليهم وجهة نظر تسويقية في الموضوع ده

---

العفشه ونظام التعليق زى ما هما

ومبتنزلش اوروبا عشان زى ماقلت فى اوروبا بيفضلوا الهاتش باك

اقتباس:

---

المشاركة الأصلية كتبت بواسطة SAMEHNOSHI

استاذ يا حسام بجد... خبر جميل جدا :Ta_clap[1]: و كدة فعلا الالنترا حتدخل فى منافسة قوية مع السيراتو و الفيصل فعلا حيكون السعر و الاوبشن. يا رب بس تنزل مصر قريب بالمواصفات دية.

---

العفو ويارب نشوفها قريب

اقتباس:

---

المشاركة الأصلية كتبت بواسطة new

هو الموتور الحالى ال 124 حصان استهلاكه اد ايه انا عارف انه سفاح بنزين؟؟؟؟؟؟؟؟؟؟

---

الحقيقه معرفش استهلاكه كام بالظبط بس خى بتختلف من شخص للتانى بس فى افضل الاحوال اعتقد بيعمل 10 كم بلتر واحد

اقتباس:

---

المشاركة الأصلية كتبت بواسطة kdosoki

اللى يلحق يلحق
الموتور ده اول مرة ينزل مصر وهو على فكرة راكب دلوقتى فى عربيه سبورتيج بيضاء موجودة امام معرض كيا فى ميدان روكسى واحتمال كبير تنزل بيه العربيات السبورتيج ال 1600
طبعا العربية مقفولة ويدوبك تشوفها من برة
بس بجد تحفة

---

معلوماتى ان مفيش سبورتاج 1600 اقل حاجه 2000 وعموما بكره نشوف

اقتباس:

---

المشاركة الأصلية كتبت بواسطة blackknight

حسام باشا , مواضيع متميزة كالعادة الحاجة اللى انا لاحظتها ان عصاة الفتيس مختلفةعن الموجودة عندنا و ادينى بشوف على الموقع الرسمى يه الاختلاف ده و كذلك الجنط ال 17 الحالى افضل الصراحة اما بالنسبة للموتور و معدل استهلاك البنزين انا حاسس ان الموضوع مش موضوع موتور جديد وبس ممكن يكون تعديل فى ال ecu

---

بشمهندس اسلام

الفتيس شكله مختلف لانه مختلف عن اللى موجود دلوقتى دا 6 سرعات ودا 4 سرعات

وموضوع الجنوط مش مشكله

اما بالنسبه للموتور فانا على حسب معلوماتى ان الموتور دا هو هو الجاما اللى موجود فى السيراتو , بس اتعمله تعديل فى نظام حقن الوقود Fuel Injection System , بدل ماكان حقن متعدد النقاط Multi Piont Injection بقى حقن مباشر Gasoline Direct Injection ودا رفع قدرته من 124 الى 140 , والله أعلم

اقتباس:

---

المشاركة الأصلية كتبت بواسطة blackknight

يا عم حسام, الله يسامحك . العربية ديه لا يمكن تنزل مصر الموتور ده ECO Engine يعنى احنا لسه بنتكلم فى عربيات شغالة بالجاز و عايزهم ينزلوا ECO CAR و بعدين التعديلات فى التصميم الداخلى و الخارجى معدودة جدا

التصميم الخارجى : تغيير فى شكل الجنوط و الشبكة الامامية و غماز الاشارة فى المرايات

التصميم الخارجى : مفيش غير شكل الفتيس بس

---

ازاى بس ياباشا

اولا الموتور دا مش جاز دا بنزين عادى

كلمة Eco دا اختصار Economic يعنى الاقتصاد ودا نظام جديد فى العربيه انا لسه مش فاهمه اوى , لكن هو ليه علاقة بطريقة سواقتك واستهلاك البنزين وحاجه بتظبطتها فى كمبيوتر العربيه , حاجه كدا :)

والفتيس مش شكل وبس دا فتيس تانى خالص زى اللى بينزل فى الكادينزا