الموضوع: ايهما افضل ماتريكس ولا جوليت

طالما مقارنه يبقى محتاجه مقارنه فعلا :



مميزات الجوليت : قطع غيار متوافره رخصيه فيه منها استعمال خارج - استهلاك وقود ممتاز 1500 سى سى - بنزين 90 كويس جدا للموتور - تكفى 4 افراد مرتاحين او 5 افراد بس يكونو شباب صغير بقى- يفضل انك تعملى تبديل للاطارات 13 وتركبى جنط 14 كاتوتش عريض عشان متحكش معاكى العربيه ابدا ف المطبات - الشنطه بتاعتها اصغر شويه من الانوس بس تفى الغرض مع امكانيه طى الكنبه الخلفية - موتور 1500 هيفرق معاكى ف الترخيص وتجديد الرخصه عن ال1600 وبسيطه مفهاش مشاكل مع الكهربا ولا الكمبيوتر ولا حاجه خالص فقط تغير فلاتر زيت و عمل الصيانات العاديه المعروفه



عيوب الجوليت : موتور 1500 سى سى عزمه هيكون اقل مع الحموله الزائده ف السياره من الموتور ال1600 اقوى طبعا -

هتكون واطيه بالجنوط الاصليه مقاس 13 بوصه والافضل التغير لل14 - عدم توافر abs للفرامل مع الحموله الزائده والسرعات العاليه يقل اداء الفرامل ف الوقوف المفاجئ - اعتقد ان دى عيوب السياره الى شايفها من وجهه نظرى الشخصية


مع العلم ان الكلام ده عن تجربه لان معايا جوليت ولانوس

مميزات الماتريكس : هيونداى العملاق الكورى طبعا اكيد فيه فرق سعر و فرق امكانيات عن ما سبق _ موتور 1600 سى سى عزم قوى تسارع اقوى استهلاك بنزين اعلى نسبيا عن المواتير ال1500 بنزين 92 مناسب للموتور وال90 شغال ميقلش لاء بس 92 انضف وحرقه اسرع _ طبعا مكيفه و صالون واسع جدا تكفى 5 افراد بالغين مرتاحين عاليه عن الارض ثبات حتى 120 ف الطرق السريعه 140 لو الطريق مستقيم و رصفه نضيف - ناقل حركه اوتوماتيك وده افضل ف السواقه للستات عموما كفايه بس تركز ف الطريق و الناس الى ماشيه ومتشتغلش بالها بغيارات ونقل ودبرياج - السياره عائليه مكان تخزين (الشنطه) واسع وممتاز يسهل طى الكنبه الخلفيه فرامل قويه وجود abs لنظام الفرامل و عموما فرامل الاوتومتيك حساسه واقوى من المانيول حتى لو فى نفس فئتها - ابعاد السياره ممتازه خصوصا المرايات الجانبيه كبيره تمكنك من رؤيه كامله للطريق خلفك السياره ملهاش دهر من ورا تركنى براحتك من قدام الكبوت مش طويل يفضل الشكل القديم منها عن الجديد من حيث الشكل والتقفيل عفشتها كويسه قطع غيارها الاصليه غاليه نسبيا انما البديل التيوانى او الماليزى يفى الغرض وارخص نصف الثمن .. سياره ايضا سهله وبسيطه لا تحتاج الصيانه ف التوكيل اى ميكانيكى كويس يقدر يشتغل فيها

عيوب السياره : قعده الكراسى واقفه وعاليه مش واطيه زى الدايو او بقيت العربيات - ابعادها اكبر نسبيا من الدايو بالنسبه لركن السياره ممكن تركبى سينسور باركينج هيساعدك اكتر ويحل المشكله - بعد ال130 على طرقنا دى مش حتلاقى ثبات حقيقى نظرا لعلو وارتفاع حجم السياره - واكبر عيب حقيقى انها متلقش على رجاله ركوبتها كلها حريمى خالص -

السياره بوجه عام جميله وعمليه ويفضل عدم وضع الدباديب والحاجات العجيبه دى على الزجاج الخلفى لعدم حجب الرؤيه و تفادى الوقوع ف الحوادث لقدر الله -

[QUOTE=sherifbmw;3873090808]مميزات الماتريكس : هيونداى العملاق الكورى طبعا
معاك 100x100

فرامل قويه وجود abs لنظام الفرامل

مش فاهم قصدك يا شريف هنا بس لو قصدك ان العربية مفيهاش ABS فده من اشد عيوبها و مش عارف ليه ولا ABS ولا اير باج خالص

عيوب السياره : قعده الكراسى واقفه وعاليه مش واطيه زى الدايو او بقيت العربيات

ده يعتبر ميزة علشان تكون كاشفة الطريق كله قدامها

- واكبر عيب حقيقى انها متلقش على رجاله ركوبتها كلها حريمى خالص -

انا مش هعمم الفكرة لكن ده السبب اللي خلاني بعتها هي بناتي او عائلي (رجالة كبار)

السياره بوجه عام جميله وعمليه ويفضل عدم وضع الدباديب والحاجات العجيبه دى على الزجاج الخلفى لعدم حجب الرؤيه و تفادى الوقوع ف الحوادث لقدر الله

معاك يا ريس
شرح كامل ووافي يا شريف 100 100

يا انسه فى فرق كبير فى السعر مابينهم ياعنى الانوس بتلعب بين 37 الى 43 على الجوليت

و الماتريكس 2007 تقريبا هتبقى فى الستينات فا شوفى ايه العربيات الى تناسبك فى حدود السعر الى معاكى

و الانوس تتجاب مانيول شوفيلك عربيه صغيره و سريعه و و موفره و كويسه شوفى السيريون 1300 او بونتو كلاسيك او جيتز

انا بايع الماتريكس من اقل من اسبوعين 2005 اتوماتيك ب 63,000

مميزات الماتريكس : هيونداى العملاق الكورى طبعا اكيد فيه فرق سعر و فرق امكانيات عن ما سبق _ موتور 1600 سى سى عزم قوى تسارع اقوى استهلاك بنزين اعلى نسبيا عن المواتير ال1500 بنزين 92 مناسب للموتور وال90 شغال ميقلش لاء بس 92 انضف وحرقه اسرع _ طبعا مكيفه و صالون واسع جدا تكفى 5 افراد بالغين مرتاحين عاليه عن الارض ثبات حتى 120 ف الطرق السريعه 140 لو الطريق مستقيم و رصفه نضيف - ناقل حركه اوتوماتيك وده افضل ف السواقه للستات

اول مرة اسمع الكلام ده انت بتتكلم عن الماتركس ولا عربية تانية الماتركس دلوقتي بتطلع من تركيا وكمان بخصوص الثبات بعد 100 شكرا مفيش الا العوم وعن تجربة وكمان اكتر من شخص قال كده استهلاك بنزين عالي انت اكيد بتتكلم عن عربية تانيه