تقدر تقولى ضميرك تبيعه بكام

**amro1965** · 26-09-2010 03:09 PM

السلام عليكم ورحمه الله وبركاته
جريمه اهتزت لها مصر بالعالم الا وهى جريمه خالد سعيد والقصه الكل يعرفها
لكن بالامس كانت محاكمه قاتلى خالد سعيد وشاهدت الفيديو المحمل على اليوتيب
YouTube - ‫ط§ط.ط¯ط§ط« ط§ظ„ط¬ظ„ط³ط© ط§ظ„ط«ط§ظ†ظٹط© ظ…ظ† ظ…ط.ط§ظƒظ…ط© ط®ط§ظ„ط¯ ط³ط¹ظٹط¯‬&lrm;
وهالنى ماريت من مجموعه كبيرة جدا تهاجم مؤيدى خالد سعيد والمشهد تراهم امام مداخل المحكمه مباشرا ومويدى خارج سعيد بعيدين جدا عن الابواب
ومازال بذاكرتى مشهد انتخابات مجلس الشعب الماضية ورايت مجموعه كبيرة من البلطجية معهم السنج واسلحه بيضاء فى مواجهه اى عضو مجلس محترم والعجب العجاب ان هؤلاء البلطجية خلفهم مباشرة كانهم صف ثانى رجال وضباط الدخليه لا يتحرك لهم ساكن هتجنن والله
هى الامن فى مصر عاجز عن حماية الشريف ورد الظالم واخذ حق المظلوم وضرب بيدا من حديد على بلطجية هذا الزمان
هل انا غلطان فى رؤيتى ولا اننا اصبحنا نعيش كابوس مؤلم مخيف
وهل الضمائر ماتت من اجل بيعها من احل حفنه فلوس نجسه لا تغنى ولا تثمن من جوع
ضمائر تباع على اروقه المحاكم ادفع واشترى
ضمائر بلطجية تلمهم ببضعه الوف لغيروا لك الحق باطل وياخذوا لاصحاب من ليس لهم حق
ضمائر ميته تستورد لحوم ودواجن وهو يعلم انها منتهية الصلاحية وسوف تسبب الامراض لشعبه
ضمائر تخون البلد ومصالحه وتضع مصالحها الشخصية فوق مصلحه البلد
وعلى رأى عمنا صلاح جاهين
وعجبى

**rockana** · 26-09-2010 03:20 PM

اعرف واحد باع ضميره فى انتخابات مجلس الشوري من شهرين
ب 10 جنيهات و سندوتشين كفته
والله والله مش بفتري عليه بس اللى اشترى ضمير المرتشي ده للاسف صديقي و هو اللى اعطى المرتشي 10 جنيهات و سندوتشين كفته علشان يسيب لجنه انتخابات فى مدرسه
اه للعلم اللجنه مكونه من 5 اشخاص
يعنى 50 جنيه و 10 سندوتشات كفته

**makka** · 26-09-2010 04:22 PM

ولا ابيع ضميرى بملاليم العالم دا كله لكن جنيهاته افكر دولاراته انا خلاص بعت يوروهاته مش عايز تشترى حاجه كمان يا استاذ.
لا تتعجب ومتزعلش اهو اخد سندوتشين وعلبة سجائر الحمد لله انه خدهم دا كان اول مرة يشوف الكفته اصلا اصل حضرتك متعرفش ان مرتبه 300جنيه وابنه عايز بنطلون مكان اللى اتقطع والبنطلون بـ100 جنيه. وهو هيقلك هى جت عليا انا لو حبيت اروق على ابنى هجيبله البنطلون وحضرتك لو جيت تروق على ابنك هتجيبله موبايل وواحد تانى هيجيبله عربية الانكت ان واحد عايز يدى لابنه بلد قال ايه بلد جمهورى معلش يا عم جاهين وعجبين مش عجب واحد

**hazoom2006** · 26-09-2010 04:33 PM

كلهم شباب مشتغلش

ولو حد قالهم اعملو حاجة وهجيبلكو شغل هيعملو اى حاجة فى سبيل الحصول على وظيفة

مش شرط يكونو خدو فلوس

**Soma_Sooma** · 26-09-2010 05:08 PM

no comment

انا اعصابى تعبت بجد ...

**amro1965** · 26-09-2010 07:30 PM

افهم من كده لو انت مكانهم وجه حد وقالك مثلا هنستورد باسمك لحوم مجمده منتهية الصلاحية وعلى كل رساله هنعطيك 20000 الف جنيه واحنا ورقنا سليم مائه فى المائه ومتخفش هتوافق وانت تعلم ان اللحوم ده ممكن يكلها اخوك ابن عمك قريب ليك وتتسبب فى امراض لا حصر لها
وهل ممكن توافق انك تشهد زور على انسان ممكن شهادتك ده تأذيه ودخله السجن وتحول بينه وبين عائلته
انا شايف ان مجتمعنا المصرى انهار فعلا
وعلى فكرة انا اصحبت مبزعلش من اناس حواليا وجدوا شماعه ليضعوا عليا قله حيلتهم وعندما يتعرضوا لظلم ويشتكوا اتزكر مواقفهم وقله حيلتهم الماضية
اذا مات الضمير قل على الدنيا السلام
ونحن كمصرين نعانى ماقدمته ايدينا من غش وخداع وضمائر ميته ومنبوذين من شعوب العالم
كل يوم اصحوا على كذب ونفاق ورياء الوكسه نحولها لانجاز وحتى صفر المونديال حوالنا لانتصار كبير
فاستخف قومه فاطاعوه
اقرا الجرائد اجد العناوين التالية التى تشرح صدرى
الجمهورية سمير رجب التصريح التالى @@ أن الان للمصرى ان يطمئن على مستقبله ومستقبل اولاده ....
الاهرام جامعه القاهرة من ضمن اول عشر جامعات بالعالم
الاخبار احمد باشا عز المصرى الذى يمتلك سيارة 1300 سى سى فهو يعيش فى رفاهية يجب ان يدفع عليها ضرائب ونسى حضرته ان سيارات مثل فيات 131 و 132 موديلات سبعينات وماركات اخرى مواتير تصل الى 2000 سى سى اقصى ثمن لتلك السيارات 16 الف جنية
وغيره اخبار يومية تسر القلب وتملؤه بهجه
جعلتنى تلك الاخبار ان اقاطع الجرائد كلها واستخسر فيها ثمنها لسبب بسيط جدا انى لا اجد شىء مفيد فيها بل بالعكس تجيب الضغط والسكر والمراره

**Hegazio** · 27-09-2010 09:20 AM

كنت داخل اقول انا مش ممكن ابيع ضميري باقل من 5 مليون جنيه !!!!!!!!!!!!!
اعمل زي باقي الناس مره واحدة .. و باعدين نتعدل كلنا .. هو ده العدل
لكن ينهبو ملايين و مليارت و بعدين يقولو طب تبنا و حنبقي كويسين كلنا .... اسمحلي .. يرجعو الفلوس الاول و انا ممكن امشي ع العجين مالخبطوش .. غير كده انا بادور علي بيعه لضميري بس مش ف صحة ولا مستقبل حد .. خليها حتة ارض .. ان شالله سي 180 حتي
ماتزعلوش مني .. قرفان و بافضفض