عاوز راى الخبراء فى التويوتا

**seadaelbeda** · 26-09-2010 06:51 PM

ايه رايكوا فى تركيب ماكينة باور لعربيه ملكه موديل 97 وتكلفتها كام واحسن مكان اجيبها منه واركبها فين
وهل بتبقى زى الاصلى ولا ليها مشاكل وعيوب

**Ahmed Galal** · 26-09-2010 09:46 PM

انت هاتحتاج تغير علبة الدركسيون و تجيب طرمبة باور و الخزنة بتاعتها بس المكنة اللى عندك ايه الاول عشان لو فيها مكان تتثبت فيه الطرمبة و طبعا الكلام ده كله استيراد لان اى حاجة من اللى قلتهملك هاتحاول تجيبها جديد و اصلى هاتسمع ارقام مش هاتعجبك
يعنى علبة الدركسيون الباور الاصلى بدون الخراطيم بحوالى 3200 جنيه

**seadaelbeda** · 27-09-2010 01:06 AM

طيب هو حد جرب الموضوع ده ولا لا
ونصيحتكم ايه
ولو حد جربها اجيب الطلبات منبن من الحرفيين ولا بيقولوا فيه غش كتير
واركبها فين وهتتكلف كام استيراد

**Ahmed Galal** · 27-09-2010 05:47 PM

المشاركة الأصلية كتبت بواسطة seadaelbeda

طيب هو حد جرب الموضوع ده ولا لا
ونصيحتكم ايه
ولو حد جربها اجيب الطلبات منبن من الحرفيين ولا بيقولوا فيه غش كتير
واركبها فين وهتتكلف كام استيراد

انزل بنفسك نزلة الحرفيين عندك كذا مكان بيبيع استيراد مضمونين منهم اللى اعرفه بيت التويوتا فى الشارع اللى قدام الجامع اسال عليه فى الحرفيين ناس كتير هاتدلك و شوف الاسعار هاتناسبك و لا لأ و كل حاجة على التجربة يعنى هاتاخد الحاجة و معاك الميكانيكى بتاعك و افحصوها كويس و معاك كام يوم بعد التركيب تجرب فيهم لو فيه مشاكل هاترجع الحاجة و نصيحتى ليك لازم تنزل بنفسك عشان تعرف

**mr_sameh** · 27-09-2010 08:06 PM

الموضوع هيكلفك لانك هتغير الاسكترا من عادية اسكترا باور وطرمبة باور وخراطيم اسئل زي ما قالك احمد جلال

**seadaelbeda** · 28-09-2010 02:57 AM

طيب دى فيها ضرر على العربيه او حمل زايد على المكنه

**Ahmed Galal** · 28-09-2010 05:33 AM

المشاركة الأصلية كتبت بواسطة seadaelbeda

طيب دى فيها ضرر على العربيه او حمل زايد على المكنه

ما فيش اى مشلكل لان العربية متصممة اساسا ان ينزل بيها باور بس عايز منك طلب لما تنزل و تسال تعمللنا هنا موضوع مفصل عن الاسعار و التركيب ان شاء الله عشان الكل يستفاد