السلام عليكم
فى موضوع بفكر فيه بقالى فتره كبيره....
وخصوصا بعد ما دخلت فى مناقشات كتير مع ناس شغاله من زمان وعارفين السوق...
الموضوع خاص بالبحث عن وظيفه... البعض بيقول لو قدامك وظيفه جايالك واسطه وخدتها مش هتترقى فيها لانك مكنتش تستحقها ومش هتعلى فى مجالك...
والرأى التانى بيقول اغلب الشغل كدا ومحدش لاقى شغل وممكن تدور ومتلاقيش والكلام دا..
يعنى من الاخر لو قدامك الاختيارين دول
1- تقبل شغل الواسطه مهما كان نتايجه وممكن ميبقاش فى مجالك
2- ترفضه وتدور لنفسك على شغل يناسبك وتطور نفسك من خلاله مع الاخذ فى الاعتبار انك ممكن تدور لمده توصل سنين....
انا حبيت اخد رأيكم فى الموضوع لانى بجد ومن غير مجامله بحب اعرف اراء ونصائح الناس هنا لانى بثق فى كلامكم جدا.