الشغل بالواسطه.. هتقبله لو كدا.. ولا هتدوربنفسك على شغل يناسبك

**zakiali** · 26-09-2010 08:57 PM

اللي يلاقي دلع وميدلعش في الزمن ده يبقي عاوز ضرب ال....

**ainshouka** · 27-09-2010 12:05 AM

هي بتبقي مشكلة واحدة بس بتفضل تؤرق في الموضوع دا وهو إنك مش بتحس إنك أخدت حاجة عن استحقاق

أنا لما دخلت الكلية مروحتش اللي في القاهرة وروحت طنطا عشان أكون بعيد عن دكتورة قريبتي
والحمد لله جبت مجموع عالي بدون أي تدخل منها
بيبقي إحساس النجاح اللي بمجهودك له طعم جميل

وبيخليك عندك ثقة بالنفس إنك تقدر تعمل اللي إنت عاوزه في أحلك الظروف

لكن بعد الدراسة كانت فترة الشغل فيها تخبط لغاية مااشتغلت عن طريق الواسطة لقلة الشغل

بس بينتابني إحساس عدم استحقاقي للمكان دا بالرغم بإني بحاول دايما أعمل اللي علي

لكن بيبقي نفس الإحساس هو المسيطر علي

**omar-saad** · 27-09-2010 12:42 AM

والله حضرتك اصلا مافيش شغل
فلو بالواسطة طبعا هاقبل
طالما ان مجال الشغل دا بيرضى ربنا وكله حلال فى حلال
لان مافيش طريق ولا سكة غير كدة
حتى بعد التقدير والكورسات والحبشتكنات
علشان تلاقى مكان كويس وشغلانة محترمة لابد من الواسطة
وياريت الواحد يلاقى حاجة من غيرها علشان يبقى فى بركة فى الشغل

**mr_vampire** · 27-09-2010 01:46 AM

حب ماتعمل حتي تعمل ماتحب.
ودلوقتي حب ماتعمل ( حتي لو مش في مجالك ) بدل ماتعد فالبيت تندب حظك.

**n_i_t_e** · 27-09-2010 10:13 AM

رأيى مش هيضيف جديد...
بس مشاركتى بغرض تأكيد الفكرة لأن زي أغلب اللى شاركوا مريت بالتجربة شخصيا.
التفكير المثالى مش هينفع...اللى شغال دلوقتى نظام اللى يلحق.
لما تلاقى فرصة قدامك بالواسطة روح متترددش..لأن ده النظام و الPlay rules دلوقت...ممكن الشغلة دي تكون رايحها واسطة بالأسم لكن فعليا تستحق مكان أفضل خده واحد غيرك بالواسطة برضه!
و بعد لما تروحها كده تكون أمنت نفسك بمصدر دخل و بعدين تبدأ تعيد الدراسة عالوضع الجديد. تشوف جدوي انك تعمل زي ما قلت حاجة على جنب خاصة بيك..أو تدور حتى على شغل وضعه أحسن انت شايف انه مكانك الصحيح تقدم فيه.
بص الموضوع ده عامل زي تيار النهر...بيبقى صعب تختار مجالك أو شركتك أو الطريق اللى عليز تروحه...انت بتمشى مع التيار و خلاص...جاتلك شغلة يمين ..بتدخل يمين...جاتلك شمال بتدخل شمال...ممكن تلاقى نفسك بتاخد خبرة فى مجال مخطرش على بالك بس الظروف بتحكم ..لكن مش بأيدك تاخد الاتجاه اللى انت عايزه عكس التيار و لا ينفع تقف مكانك تقول لازم اسلك الطريق من أول و من غير واسطة و الا هتلاقى الدنيا سبقتك و عطلت نفسك عالفاضى.

**maka** · 27-09-2010 10:45 AM

هقبل طبعا بالواسطة هو حد لاقى شغل فى البلد دى وانا اعرف ناس مهندسين قعدين على القهوة علشان معهمش واسطة

و انا اشتغلت بالواسطة لكن و الحمد لله فى صميم دراستى

**ziours** · 27-09-2010 12:17 PM

االواسطة طبعا تكسب اسال مجرب و لاتسال طبيب انا ياما حفيت عشان ادور على وظيفة والرد كالاتي لمعلش مافيش اماكن دلوقتي او سيب رقم تليفونك و احنا نتصل بيك يعني من الاخر توزيعة بالذوق لكن لو في واسطه اتفضل وتشرب ايه
من الاخر نطلع بايه (الكوسة هي الحل)

**ahmed4000** · 27-09-2010 01:54 PM

هو مين اللى بيحدد يا جماعة ان ده حقك وانك تستاهل المكان فبالتالى لما تستخدم الواسطة مبتخدش حق حد؟

مين اللى يحدد الموضوع ده؟ كل واحد بيحدد لنفسه وبالتالى بيحلل الواسطة

**elassar2010** · 27-09-2010 02:23 PM

المشاركة الأصلية كتبت بواسطة ahmed4000

هو مين اللى بيحدد يا جماعة ان ده حقك وانك تستاهل المكان فبالتالى لما تستخدم الواسطة مبتخدش حق حد؟

مين اللى يحدد الموضوع ده؟ كل واحد بيحدد لنفسه وبالتالى بيحلل الواسطة

الواسطة حلال الواسطة حرام دة امر واقع فى جمهورية مصر العربية
معاك واسطة هتشتغل
ماعكش واسطة مش هتشنغل(او هتشتغل شغلانة اى كلام وباى فلوس ) او تفتح مشروع خاص لو بتفهم فيهم ومعاك فلوس

وبعدين القوانين بتقول الى معاة واسطة يشتغل(ابناء العاملين)لو دخلت اى بنك حكومى او شركة قطاع اعمال(كهرباء اومياة )هتلاقى كل موظف او موظفة ابنها جنبها فى المكتب

**ahmed4000** · 27-09-2010 03:19 PM

المشاركة الأصلية كتبت بواسطة elassar2010

الواسطة حلال الواسطة حرام دة امر واقع فى جمهورية مصر العربية
معاك واسطة هتشتغل
ماعكش واسطة مش هتشنغل(او هتشتغل شغلانة اى كلام وباى فلوس )

ده واقع للشخص اللى مش مؤهل او متخرج وفاكر ان شهادة الجامعة والاى سى دى ال وكورس التنمية البشرية هما دول اللى حيخلوه برفكت

لكن اعمل استفتاء بسيط جوا المنتدى هنا للناس اللى شغالة فى اماكن محترمة (مبتكلمش على الحكومة هى الحكومة مكان محترم عايز اشتغل فيه؟) وشوف اد ايه حيطلع بواسطة واد ايه بمجهوده

الموضوع: الشغل بالواسطه.. هتقبله لو كدا.. ولا هتدوربنفسك على شغل يناسبك

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

ازاى تختار الموتوسيكل الى يناسبك ( كستم - ريسينج - تريلا)

ذل الشغل

محتار او محتاره فى نوع موديل موبايل يناسبك...لازم تدخل الموضوع ده

الكلمات الدلالية لهذا الموضوع

المفضلات

المفضلات

ضوابط المشاركة