استفسـار عن حادثة خطيرة للجين 2 ؟؟؟
بعضكم عارف إنى كنت واخد جين2 لأخويا موديل 2007 جميع الكماليات أتو سبورت باك و لأنه أخويا الكبير تقريبا ما بيخرجش بيها إلا نادرا و لحد دلوقتى يدوب عامل بيها 15 ألف كم المهم من حوالى شهر أو أكثر بشوية لمبة الإير باج نورت و الكلكس ما بقاش شغال و لا المالتى فنكشن راح للتوكيل فى العجوزة قالوله فيه حاجة إسمها سليب رينج باظت و دى تمنها 1200 جنيه و ما فيش منها و إدولوا كارت بيها و حجزوهالوا و قالولوا ممكن تمشى بالعربية عادى و كويس بقى الكلكس ده إزعاج و مالوش لزمة المهم
رجع بالعربية و ركنها لحد ما التوكيل إتصلوا بيه الإسبوع اللى فات و قالوله جت و تعالى نركبهالك فى فرع الصحرواى و كان راح للمهندس آمر قبلها و بعد مفاوضات معاه قاله هاخفضلك فى تمنها 50% !!
المهم راح السبت اللى فات و ركن فى الصف برة مستنى دوره و بعدين جيه يدور العربية و يدوب حت الغيار على D و راحت العربية موتورها عامل صوت عالى جدا و راحت معلمة إشارة مثبت السرعة و إنتلقت من 0 إلى 100 كم فى 12 ثانية زى الكتاب ما بيقول و لا تستجيب لفرامل و لا يحزنون لغاية ما لبست فى عربية نص نقل و أخويا قاعد مزهول جواها و يدوس فرامل ما فيش فرامل حتى شد فرامل اليد ما فيش و كانت النتيجة إن العربية إتدمرت تماما من الأمام لحد نص الكبوت و المفجأة طبعا الإير باجز ما فتحتش بس طبعا ما هيا مديا ألارم علشان السليب رنج البايظة المهم العربية ما وقفتش إلا لما بطلها من مفتاح الكونتاكت و لما دخلت التوكيل المعاينة المبدئية ب حوالى 16 ألف جنيه قطع غيار و 5 آلاف جنيه مصنعية مع إن السبب واضح إنه من السليب رينج دى المسئولة عن تشغيل مثبت السرعة و المالتى فنكشن و الكلكس و الإير باجز و السادة المحترمين فى عز العرب بيقولوا لأ مش مشكلتنا و العربية بره الضمان و المهندس آمر بك قال ممكن نخفض 15 % !!! :khd:
قولولى نعمل إيه و ناخد حقنا إزاى و اللى واضح إنه ناتج عن عيب صناعة كان ممكن يؤدى لحدوث وفاة لو ده حصل على الطريق السريع لا قدر الله ملحوظة إبن اختى كان مع أخويا و كان فى الكنبة الخلفية و حدثت له كدمات و إصابات شديدة فى الوجه نتيجة إرتطامه بالكرسى الأمامى من الخلف و هوا عمره 7 سنوات نتصرف إزاى يا أخوانا و اللى يعرف كونتاكت كويس مع خدمة العملاء فى ماليزيا يا ريت يكتب الميل بتاعهم و له كل الشكر
-------------------
تم بحث المشكله مع التوكيل وكان الرد
http://www.nilemotors.net/Nile/184781-2.html
مشرف القسم ب8