السلام عليكم ورحمة الله وبركاته
الكاربيراتير جنني وتقريبا هو انتهى ...... أعمل طقم إصلاح للموجود ولا أجيب استيراد؟؟؟
عرض للطباعة
السلام عليكم ورحمة الله وبركاته
الكاربيراتير جنني وتقريبا هو انتهى ...... أعمل طقم إصلاح للموجود ولا أجيب استيراد؟؟؟
الاكس سبب المشكلة من الصلب و الاكس الي بيتعمل بيكون من النحاس و ده علشان الخراط يعرف يشكله زي ما هو عاوز
و طبعا تظرا لفرق الخامة التصليح مش بيعيش كتير هات واحد استيراد
نصيحه لوجه الله
مفيش حاجه اسمها تصليح كربراتير
كله نصب في نصب
جيب واحد استيراد لو لقيت حاجه نضيفه
يا تتحمل شويه وتجيبه جديد انضف شيء
انما ماعدا ذلك كله ضحك علي الناس
الكلام ده بناء علي تجربه تصليح الكربراتير اكثر من 4 مرات بدون فائده
انا كانت عندي نفس مشكلتك وعملت طقم اصلاح للكربراتير وباظ تاني
وبعدين نزلت جبت واحد استراد ما شاء الله عليه العربيه الصبح وهيه بارده من اول تكه تدور واللسحب ما شاءالله تمام
والبنزين تمام
بس اهم حاجه ربنا يوفقك وتلاقي كربراتير نضيف
شكرا لردودكم يا جماعة
أنا خايف أجيب استيراد يطلع متصلح ، لو الجديد سعره معقول كنت جبته ، سعره عندي في المازدا 1100 جنيه !!!!!!!!!!!!!!!
هاته استيراد و خلي اي صنيعي امين يبص عليه و هو يعرفة متصلح و لا مظبوط
شوف يا اخى . طبعا الموضوع فى الاساس امكانيات . و لو تقدر تصبر كام شهر تلم فلوس جديد يبقى هات جديد . و الاستيراد برضة مش وحش بس عامل زى البطيخة حتى لو معاك ميكانيكى هيكون سليم لما تشترية بس هو استخدم اد اية الله اعلم و هيعيش اد اية برضة الله اعلم و برضة سعرة هيحددلك تعمل اية و تقرر . وكمان خططك المستقبلية يعنى ناوى تغير العربية و لا لأ بعد مدة قريبة
أنا ناوي أبيعها بإذن الله يا إما السنة دي أو السنة الجاية .... ف حرام أجيب جديد ........ في نفس الوقت خايف اجيب الاستيراد لأن زي ما حضرتك قلت إنه زي البطيخة ، حتى لو ميكانيكي أمين بص عليه ، الله أعلم الكاربيراتير ده مشي أد ايه ، وهيعيش أد ايه ، لأن ممكن الحاجة تكون أدام عينك سليمة بس في الحقيقة هي مش سليمة
ايه رأي حضرتك أصبر وأجيب جديد (مع العلم ممكن أبيع العربية في خلال سنة أو سنتين من الآن إن شاء الله) ، ولا أشتري استيراد من ميكانيكي أمين إن شاء الله؟
والله المستعان
نصيحه لله جيب واحد استيراد من محل موثوق فيه وبضاعته نضيفه