الموضوع: معجزة ميتسوبيشي ... عربية صديق ليا

خلينا نشوف ايه اللى كان المفروض يتغير فى الفترة دى غير الزيت

فلتر البنزين فى المقابلة اللى فاتت الناس اجمعت ان طالما انت مبتجيش ناحية الربع الاخير من التانك مش محتاج تغيره ابدا , حتى الناس اللى مبتعملش كدا العربيه ماشية معاهم تمام ولا الفلتر اتسد ولا حاجة

التيل اكيد طبعا اتهرى والفرامل بقت ضعيفه وبياكل فى الطنبوره

فلتر الهواء بالتنظيف يمشى عليه عادى بس اكيد هتلاقى فيه حتت مقطوعة وكدا غلط ممكن يدخل منه وبر او اى حاجه صغيرة جوا وتعمله مشاكل كبيرة

البوجيهات هى اللغز الوحيد بالنسبة لى ازاى كل ده ولسه شغالة !!!

ربنا يباركله فيها بس نبه عليه ان دلوقتى لازم يغير السيور علشان العملية متقلبش معاه بدراما

اللانسر بتثبت كل يوم قد ايه هى عربية حمارة شغل متفصلة للمصريين :)

طيب انا عندي لانسر 2006 1600 ماشيه 130.000 ولغايه دلوقتي مغيرتش غير زيوت وفلاتر وكاوتش :)

المشاركة الأصلية كتبت بواسطة ralliart

طيب التيل!!؟؟
انا بكمل 30 الف والتيل بيصفر على طول ولازم يتغير ازاي بتحافظو عليه كده؟
وغير السيور علشان تبقى في المضمون

انا تيل الفابريكة عندى غيرته على 40 ألف وكان لسه فيه يقعد 10 كمان مستريح

هههههههههه انا اصلا قلتله عاوزك تراسل ميتسوبيشي يمكن يبعتولك واحدة هدية عشان ترحم الي معاك
هيه الفكره ان العربيه دي بتشوف الويل وطبعا العداد في الفترة دي بيظهر يعني ايه الويل
ونسيت اقولكم ان العداد دة غيرت 7 مرات زيت وبيمشوا علي ال10 الالاف موبيل 1 اكتر من 11 الف دي اقل واجب ...

انا عاوز اقول حاجه اللي اتعلمتوا من الموضوع دة ومن كلام الاخوة انه دليل فعلي لعربيه محترمة وحمالة آسية
بس برضه مستغرب العربيه دي بتمشي كده ازاي ههههههههههه والله في المواسم بس بتشوف بنزين 90 ولا 92 علي الماشي يعني ميكملش صفيحه انما غير كده 80 سك علي ابوه
دة انا مبعملهاش في عربيتي الكرباتير وبخلط كمان

انا كنت عاوز اسال سؤال لو البلية خشنة عندي اعرفها ازاي لاني شاكك في كده ياريت لو حد يقدر يقولي لاني بسمع صوت خشن في اللفات القليله للموتور يعني بتختفي بعد 2000 او لما توصلها تقريبا