عارف انى زهقتكم فى المقارنات بس بجد انا هشترى خلال الاسبوع ده إن شاء الله
تنصجونى بايه انا بس سمعت عن لوجان حاجات مش كويسة بس الصراحة انا شايفها كويسة فرأيكم ايه :)) ؟؟
عرض للطباعة
عارف انى زهقتكم فى المقارنات بس بجد انا هشترى خلال الاسبوع ده إن شاء الله
تنصجونى بايه انا بس سمعت عن لوجان حاجات مش كويسة بس الصراحة انا شايفها كويسة فرأيكم ايه :)) ؟؟
اللوجان سيدان و البونتو هاتشباك
اللوجان 1600 و البونتو 1300
الاتنين كويسين بس انا بفضل اللوجان
انا بس عاوز اسأل مفيش حد اشتكى من لوجان ،،،قطع غيارها اغلى ولا ارخص من البونتو ،،،التوكيل اى واحد اللى احسن ؟؟
ال لوجان فيها مشاكل ولا لا لانى سمعت من اكتر من حد انها مش كويسة بس مش على اى اساس ............
قطع غيارها ارخص
توكيلها أحسن (فرع العبور تحديدا)
فيها مشكلتين:
1- عضة فى المارشدير.. وبتتعمل فى التوكيل (بس دي تقريبا اختفت فى الموديلات الجديدة)
2- سخونة عند دواسة البنزين..ودي التوكيل بيركبلها عزل حراري
أنا شخصيا أفضل اللوجان عن البونتو وعشان كده اشتريتها.
توكيل اللوجان طبعااقتباس:
التوكيل اى واحد اللى احسن ؟؟
مفيش اى اراء اخرى ؟
متابع جدا
أنا محتالر نفس الحيرة
بس أنا عشان اسرة ميال اكتر للوجان و فى نفس الوقت واثق اكتر فى البونتو !
اللى مخوفنى منها صيانتها و قطع غيارها
يا ريت يا حماعة حد يفيد فى الموضوع أنا بقالى شهور ما بين العربيتين دول !!!!
قطع غيار البونتو كلاسيك بهدلة
اللوجان زي الفل و الله
هي قطع غيارها غاليه حبتين
بس موجوده بره التوكيل
بص انا بركب اللوجان كل يوم هي بتاعت واحد صاحبي عربية بسم الله ما شاء الله عليها و فعلا قطع غيار ارخص من البونتو و توكيل محترم جدا و العربية نفسها عربية محترمة توكل على الله و مش هتخيب املك
قطع الغيار : لوجان
التوكيل : لوجان
الوسع : لوجان
قوة الموتور : لوجان
استهلاك البنزين : بونتو
الصناعة المتوفره الان
البونتو : تقفيل ايطالي - اللوجان : تقفيل مغربي
رأي الشخصى : اللوجان تكسب
معلش تصحيح صغير والله أعلم....موتور اللوجان لا أظن انه أقوى من البونتو كلاسيك عشان أنا كذا مرة بشد مع لوجان و أطلع منه بالباليو ال 1000cc!! البونتو كلاسيك نفس الhp بتاع الباليو بس عزم تسارع أقوى و ملحوظ بيطلع عند 2500rpm الباليو 3000rpm فا أكيد البونتو تتفوق داخل البلد و لحد 120كم\س والله أعلم
ازاي بس انا معايا اللوجان طلعتها جبارة وطلعتها اسرع من اللانسر ال 1300 (بتاعتي برضه)
اللوجان يا باشا طلعتها اسرع من:
اللانسر 1300 (سيارتي)
اللانسر 1600 اوتوماتيك (سيارة الوحش احمد كمال)
والميجان 1600 (طبعا في الاول بس عشان وزن العربية)
السينيك 1600 اوتوماتيك (لنفس السبب) (سيارة الوحش احمد كمال)
مش ممكن الباليو تكون بتطلع من كل دول
فعلا مينفعش خصوصا ان وزن اللوجان نسبيا خفيف اخف من الميجان ب 250 كيلو
طب حد يجيب من 0-100 في كام لكل عربيه
اقتباس:
اللانسر 1600 اوتوماتيك (سيارة الوحش احمد كمال)
اعترض انا بجيب من 0-100 في 10 ثواني ولسه قريب كان في واحد بلوجان على الدائري كنت بهدي واعديه واجيبه تاني وكنت بفرق بكتيير جداً
البونتو صربى.. 2011
يا جماعة يا ريت حد يفيدنا أفادة شافية في الموضوع ده
علشان الواحد احتار جدًا
لأن البونتو 2011 صربي
ولكن سمعة البونتو معروفة
وخاماتها وتقفيلها
وفراملها تكسب
لكن الحيرة لا توصف
لوجان اقوى وافضل
طبعا بونتو_دى فيات_يعنى مافيش هزار.مع إحترامى للوجان طبعا_بس فيات_إعتمادية أكتر_وموفرة فى البنزين_ودة المطلوب_لأن البلد _زحمة_والموتور ا1300 هايشبعك جرى_وعزم وتكييف _وكل حاجة.
انا بس عايز اعلق على الناس اللي بتحكم على قرار شراء عربية عشان بتطلع من كذا او كذا... معلش ده مش خكم على عربية... منا ممكن احط فلوسي ف عربية متعدلة تطلع من اي حد على الطريق... هاروح اجيب سيفيك مدمرة ب 25 الف واحط عليها 100 الف... تخيلوا هتطلع ايه... بس في الاخر بعد الجري والبهدلة في العربية استفدنا ايه غير الحوادث والرادارات ووجع القلب
لصاحب الموضوع استخير واقعد في كل عربية فيهم وشوف اللي يريحك اشتريه... انا رأيي البونتو عشان انا جربتها.. اللوجان شكلها من جوة مش عاجبني ابداً
يا جماعة مش موضوع شد اللي بيتجاب على أساسه العربية ! ياريت تقرأ اللي أنا كتبه....(من ناحية قوة الموتور!!!) و ده بالنسبة للوزن طبعا زي ماyoko قال. و أنا لما قلت طلعت من لوجان الكلام ده كان مرتين أو 3...أنا مش قصدي أقلل من العربية بس أنا بحكي تجربة حصلتلي وزي ما قلت ممكن أو أكيد اللوجان تجميعها أقوى بكتير بعد ال100 و ال120....بس بالشكل ده يبقى هي عربية سفر و كده...فسؤال للناس اللي معاهم, هل مناوراتها كويسة على السرعات العالية و فراملها بتجمع كويس ولا لأ؟ و يا ريت توضيح شوية عشان لو الوزن قل جامد...فصعب قوي انها تفرمل كويس. و في الأخر برضو أهم حاجة في أي عربية بالنسبالي هي حمايتها ليا و تحكمي فيها قبل أي حاجة تانية.
بص حضرتك الموضوع سهل وبسيط
تسارع اللوجان من 0-100 في 11.5 ثانية
الباليو والكلاسيك لا أعتقد هيقل عن 12.5 ثانية بأي حال من الأحوال.
العربية فراملها جيدة جدا، فى حد هنا نزل من 160 تقريبا إلى الوقوف بدون انحراف العربية وعمل بيها موضوع لو تحب أجيبهولك.
بالنسبة للمناورات، انا باخد غرز على 120 عادي، بس بخاف في المنحنايات ولما يكون الهوا شديد، لان ارتفاع العربية كبير + عفشتها ناعمة لأنها بالأساس عربية مدينة عائلية مش عربية شد وجري. ومع ذلك ثباتها ممتاز لغاية 150 عشان الباور بتاعها تقيل شوية + فيها جنوط 15 ودي مدية ثبات كويس للعفشة. في ناس هنا جابت بيها 180 بس أنا للأسف موصلتش للسرعة دي ومش ناوي أجربها :)
أسباب تفضيلي اللوجان:
1- صالونها الواسع جدا وكذلك الشنطة 510 لتر.
2- الأمان: فيها إيرباج وإيموبليزر للموتور.
3- كماليتها مناسبة جدا لسعرها، وفيها كماليات مش موجودة فى فئات أعلى زى الأكسنت والريو.
4- توكيلها محترم جدا والعربية منتشرة وقطع غيارها معقولة.
يارب أكون وضحت الصورة.
طيب من الاخر كدة ، البونتو تنفع عيلة؟ و تستحمل سفر ؟
بصراحة التقفيل و المتانة و الامان فى صالح البونتو (و السعر كمان حاجة بسيطة)
الحجم و أسعار الصيانة ازمة
فعلا عندك حق في كل اللي قلته و شكرا على ردك المحترم :)
و موضوع التسارع ده اللي حيجنني لان الأرقام بتقول حاجة و الواقع حاجة تانية...(سؤال هو في منها 1400؟)
أنا معاك في كل المميزات اللي قلتها و أحب أضيف حاجة...البونتو فيا ايموبيلايزر و مفتاح كود...مفتاح كود ده عندي ( لو عملت نسخة على المفتاح...أخرك تفتح تانك البنزين :D المفتاح لا بيفتح باب ولا شنطة ولا كونتاكت) + 2 ايرباج + 4 نجوم في الeuroNCAP + السيتي باور + الشكل الخارجي انسيابي كتير عن اللوجان + تكنولوجيا الموتور نفسها أظن انها أحدث يعني مثلا دواسة البنزين سنسور مش كابل والدبرياج هايدروليك ...بلاش سيرة بقى ريو ولا أكسنت ليه كده! :( :( :D
بص....أنا مركبتش البونتو ورا بس بالنسبة لعربيتي الباليو اللي ورا بيبقى قاعد مرتاح جدا حتتى لو مرجع الكرسي نفسه على الأخر( الكرسي نفسه مش الضهر) و أوسع كتير من عربيات كتير ركبتها زي الصني مثلا و أنا عمري ما تعبت لما قعدت فيها ورا الا في السفر و كدة عشان معنديش مساند رأس ورا بس طبعا الشنطة ورا أخرها شنطة سفر كبيرة و شنطتين صغيرين و تجيب أخرهاو في نس الوقت لو عايز تنقل حاجات كتير الكنبة كلها بتتشال بسهولة جدا و بتبقى الشنطة لحد الكراسي اللي قدام...بس بالنسبة للوسع ورة....كام واحد حيركب ورا و أعمارهم ايه و طولهم ايه تقريبا
مع العلم أنا طولي 185سم
الف شكر يا جميل ، ربنا مل يوقعك فى الحيرة دى :) ، انا بصراحة نفسى جدا أخلص الموضوع ده اول الاسبوع اللى جى عشان انا طولت اوى فيه و بدأ يبوخ
أتا طولى زيك تقريبا
الاسرة صغيرة لسة يعنى ورا هيبقى كرسى بيبى ، بس انا طبعا لازم اعمل حساب اللى جى كم سنة قدام
و بنسافر اسكندرية كتير ، ده اللى كان مخوفنى من اعتمادية العربيةو خصوصا ان التوكيا لا يعتمد عليه
انا لما سألت فى التوكيل قالى 2011 اللى موجود و تقريبا كمان اخر 2010 كان صربى لو كانت الذاكرة ما خانتنيش!
لأن هو كان بيحاول يقتعتى ات الصربى زى الايطالى و محدش اشتكى منه فقالى ان الصربى بقالو مدة نازل
استنتاجى أتا انه نزل من ساعة ما سعر العربية نزل كدة
طيب كويس جدا ربنا يخلي...يعني لسه قدامهم شوية حلوين....بالنسبة لتوكيل اسكندرية فا مفيش توكيل في اسكندرية و حدش يقلي الطارق عشان ده فرن عيش مش توكيل! :d و البونتو حلوة جدا لحد 130 بالتكييف و الحمولة سائق و 3 أفراد و شنط و كده...بس لو بتمشي أسرع من كده مانصحكش... و بالنسبة لقطع الغيار فهي غالية حبتين بس مش معضلة يعني و حتلاقي استيراد و كل حاجة أرخص من التوكيل...بس العربية حلوة جدا و حتريحك نفسيا و التحكم فيها تحفة....أحب اقلك أنا بفضل اركب الباليو عن الأوبترا عشان برتاح نفسيا أكتر....صوت الموتور تحس انها عربية مش دبانة...الأبعاد و التحكم و تحركات العربية مريحة نفسسيا جدا و ربنا يوفقك في اللي فيه خير ليك...و أظن لو على العمر فالرد كلمة واحدة ( دي فيات ) :d
كقطع غيار شارع صلاح الدين في محلين....شيكوكو و النونو و في مصطفى كامل على الترام دار الفيات... ميكانيكية ماتعملتش لسه الحمد لله مع حد بس برده معرفش حد بيفهم في فيات و معظمهم لو لا قدر الله حصل حاجة...بيفتح و يجرب...الصيانات بنزل صلاح الدين بنفسي و أجيب قطع الغيار و بركبها عند ميكانيكي أعرفه و قدام عيني كل حاجة ( و لو اني بعد كده حبقى أركبهم بنفسي!)
لكن!!!!!!!!!!!!!!!!!!!!!!!!! تغيير السيور ( أوماترا جسر السويس ) بسسسسسسسسسسسسسسسسسس....
و حاولي برده تنسي ان في توكيل اسمه الطارق بتاع فيات في اسكندرية....فيات مفيش ليها توكيل في اسكندرية بس أنا متابع مع معرض أوماترا و مركز صيانة أوماترا اللي في اسكندرية على وشك الانتهاء و ال Lifters موجودين يعني فضله شوية بس و مكانه في مرغم الكيلو ال18.
و أي استفسار أنا موجود...
كلام 100100 شكرا كريمالا و الله ينور بس هو جسر السويس ده فين :Ob_mak1[1]: عند السويس يعنى
اما بخصوص الطارق ففى ناس كتير مخوفانى منه على الرغم انه فعلا معروف بانه توكيل فيات . و لو انا اشتريت منين اوماترا و المصريه عرضينها على 67500و 67400 هو انا ممكن افاصل معاهم
أنا معرفش اماكن في القاهرة بصراحة...بس فعلا الطارق ماتفكريش أصلا تروحي هناك.....
حسألك في أوماترا حاضر...أنا أعرف ناس في المبيعات بس اللي أعرفه ان الكاش بيبقى ليه سعر مختلف...غير كده لسه 2 صحابي مستلمين بونتو ايفو مانيوال pck1 من أوماترا 92ألف و من الطارق اسماعيل ( كارفور) 91ألف فا أظن انها برة أوماترا أرخص و برده أكيد الكاش ليه خصم والله أعلم و الفرق بين البونتو الايطالي و الصربي...الصربي كراسيها بتطلع و تنزل و الديركسيون بيطلع و ينزل برده و الصربي المرايات الجانبية أكبر من الايطالي...
خليك فى اللوجان احسن
البونتو قطع غيارها نار
وبصراحه انت بتقارن بين عربيتين مختلفين تماما لان واحده سيدان والتانيه هاتش باك
المفروض المقارنه تكون فى نفس الفئه