استللمت اخيرا الانسر 1600 سبورت ولكن

بعد عناء شهور واختلاف في الاسعار استلمت الانسر السبورت
استلمت العربية عامله 23 كيلو
مع بدايه الدوران صوت المتور بيكون عالي وبعد كده الصوت بيهدي العربيه بنت لذين بتسحب من غير حسد يعني ماشاءالله تجربتي انا اساسا معنديش تجربه الاتوماتيك كل سواقتي السابقة كانت مانيوال بصراحة الراجل قالي حبت حاجات كدا زي رجلك علي الفرامل وبعدين حلول علي D وبعدين شيل رجلك حاجة بسيطة وبعدين عيش انت بقي وعند البارك دوس برده فرامل وحول علي P وهكدذ برده علي الرجوع للخلف R قالي سيبك من L or Ds ارجوا منكم بعض الارشادات انا استلمتها يوم 15 مارس وحتي الان بدون نمر بيقولوا مفيش لكن وراهم هاروح تاني بكرة بالنسبة للزيت او الماء
اعمل ايه ولا اسوي ايه الراجل قالي متشغلش التكيف لغايه 1000 كيلو الاولانايه ولا تعدي سرعة 100 كيلو/ساعة
الكلام ده مظبوط ولا ايه
وكمان حاسس ان في تزيْ لما باجي بدوس علي الفرامل في المنحدرات دي كبالين ولا ايه فرامل
ايه ارشاتكم في 1000 كيلو الاولانبيه
مستني ردودكم بفارغ الصبر

سيدي الفاضل :

الكلام مظبوط ميه المية الف كيلو الاولنية هي تليين للماتور حاول علي قد ماتقدر تريح الماتور من ناحية مفيش طالعات عنترية مرة وحدة ولا تتعدا 100 كم في الساعة ، كمان فعلا يفضل عدم تشغيل التكييف لغاية لما تعمل غير الالف اللي هو تسقط زيت التليين
وتشتغل بالزيت العادي . كمان بلاش ds الان الغيار داه عبارة عن تسقيط للغيار للسحب بمعني كانك بتسقط غيارات عشان تجري ن كمان لازم تفهم ان الاتوماتيك ماينفعش انك تدوس علي البنزين بقوة لان داه هيخلي الغيارات تكون سريعة وممكن يضر بالتروس يعين وحدة وحدة تقفبل معاك وطبعا هتعرف درة الاستحابة من RPM كمان لما تحب تقف لازم تغير علي N اللي تعني انها العربية مش واخدة اي غيار عشان ماتبقاش عامل زي اللي مدي الغيار الاولني للعربية ورجله علي البنزين والفرامل في نفس الوقت
وربنا يباركللك فيها ياسيدي وادعيلنا .

الف مبروك ، وفى الالف كليو متخليش الار بى ام ميعديش 3 والسرعه ما تزديش عن 100 للمحافظة على الموتور
غيار D لكل حاجة وان سايق وده احسن وضع للعربيه وافضل استهلاك
وكلام الراجل مظبوط
لكن موضوع التزيق ده مش عارف الحقيقة
الف مبروك مرة تانية

شكرا ياباشا علي نصايحك الغاليه لكن انا فعلان مكنتش اعرف حبه حاجات زي انا كنت بجيب العربيه علي D وانا واقف في الاشارة وبعدين اسيب رجلي من علي الفرامل والعربيه كانت بتمشي معايا الموضوع ده غلط والي اايه وكمان في حاجة انا استلمت العربيه من غير دواسات ولا من غير طفايه الموضوع ده مظبوط ولا اضحك عليا انا جايبها من الرواس بمضان المصريه

شكرا يامحمد الله يبارك فيك

الف مبروك
ماقولتناش لونها ايه

انا بعشق اللانسر الجديده دي

هيا الشكل القديم ولونها كحلي واكرها نيكل سبورت
كنت عايز نبيتي لكن ملقتهاش لكن الكحلي عجباني برده

يادي تليين العربية إلي كل يوم تسمعوه كأنه نشيد الصباح يا ناس احفظوها بقى.


متزعلوش بس أصلكوا قلتوا الموضوع دة حوالي ٣٠٠٠ مرة و مع ذلك الناس مازالت بتسأل يعني إيه تلين العربية وأعمل إيه واستلم إيه ثبتوا موضوع واحد بالحاجات دي وخلاص

أنا مش طايق حد النهاردة ليه :)


Thanks
Eng.Sherif Shaker

ولا كأني سمعت حاجة منك يا شريف

يعني ايه تليين العربية بقى؟ :p
انا بهزر محدش يضرب :)

ألف مبروك على العربية يا جوني ويب وربنا يطرح لك فيها البركة :)

الله يبارك فيك ياابورقيا وكل سنة وانت طيب

اقتباس:

---

المشاركة الأصلية كتبت بواسطة johnyweb

وكمان حاسس ان في تزيْ لما باجي بدوس علي الفرامل في المنحدرات دي كبالين ولا ايه فرامل

---

الف مبروك العربية الجديدة ربنا يديك خيرها ويكفيك شرها

بخصوص التزييء اللي بتحس فيه في الفرامل مع الفرملة الجامدة ده الـABS يا باشا لأن اللي مش متعود عليه بيعتقد ان فيه حاجه غلط في العربية - هو المفروض في الفرامل الجامدة هتلاقي دواسة الفرامل بتتديك شعور بحركه خفيفة تحت رجلك والمفروض ان لمبة ABS بتنور في التابلوه وقتها


عموما طالما العربية بضمان (مصرية) يبقى لما تشرفنا تعمل صيانة الألف اتاكد من مهندس الاستقبال من المعلومة دي

يا مان إنت زعلت واللا إيه

بلاش كدة أنا نيتي خير والله :)


Thanks
Eng.Sherif Shaker

ألف مبروك يا أخ johnyweb ربنا يباركلك فيها و يعطيك خيرها و يبعد عنك شرها :)

اقتباس:

---

المشاركة الأصلية كتبت بواسطة مصراوي جدا

والمفروض ان لمبة ABS بتنور في التابلوه وقتها

---

عمر ما اللمبة نورت عندى غير لما أجى أدور العربية! حتى فى حالات الأستخدام "العنيف" للفرامل و أنا ماشى عمر ما اللمبة نورت! أعتقد الخاصية دى موجودة فى المرسيدس و البى أم..... و الله أعلم.
ممكن لوسمحت يا مهندس طارق تتأكد لنا من الموضوع ده و لك جزيل الشكر :)

+1111111111111111111111

انا لمضة Abs مش بتنور غير في التدوير هي وحبه لمض زي Srs اعتقد ديه بتاعت الاير باج بصراحة انا مضايق شويه علشان العربيه بقالها اسبوع معايا ومش عارف اخرج بيها علشان مش لاقي نمر في المرور علشان كدا لسة متعرفتش علي العربيه كويس :-)

لو انت حاطت D و سبت رجلك من كلة العربية لازم تمشى و دة عادى فى الأوتوماتيك

كمان متحاولش تفرمل جامد الا فى الظروف القهرية علشان الفرامل تطبع

لمبة ال Srs فعلا دية لمبة الأيرباج

اقتباس:

---

المشاركة الأصلية كتبت بواسطة اسلام المصرى

عمر ما اللمبة نورت عندى غير لما أجى أدور العربية! حتى فى حالات الأستخدام "العنيف" للفرامل و أنا ماشى عمر ما اللمبة نورت! أعتقد الخاصية دى موجودة فى المرسيدس و البى أم..... و الله أعلم.
ممكن لوسمحت يا مهندس طارق تتأكد لنا من الموضوع ده و لك جزيل الشكر :)

---

سوري يا جماعة .. الغلطة عندي أنا سألت مهندس الصيانة وطلع انها مش بتنور غير في بداية التدوير زي باقي اللمبات (البطارية والفرامل وغيرها) ولو نورت خلال التشغيل يبقى للابلاغ عن عطل فيها

الحقيقة انا خلطت بينها وبين لمبة Stability Control اللي في الباجيرو اللي بتنور عند اخد غرزة جامدة أو لفة جامدة زي الفيديو ده ما بيوضح (وهو خاص بنفس النظام انما من شركة بوش)
http://www.youtube.com/watch?v=xLVVUm3nBDA

انا مستني صيانة 1000 علشان اقلبلك يابشمهندس بجد مواضيعك مفيدة واكيد هاستفاد منك