استللمت اخيرا الانسر 1600 سبورت ولكن

**johnyweb** · 18-03-2008 06:30 PM

بعد عناء شهور واختلاف في الاسعار استلمت الانسر السبورت
استلمت العربية عامله 23 كيلو
مع بدايه الدوران صوت المتور بيكون عالي وبعد كده الصوت بيهدي العربيه بنت لذين بتسحب من غير حسد يعني ماشاءالله تجربتي انا اساسا معنديش تجربه الاتوماتيك كل سواقتي السابقة كانت مانيوال بصراحة الراجل قالي حبت حاجات كدا زي رجلك علي الفرامل وبعدين حلول علي D وبعدين شيل رجلك حاجة بسيطة وبعدين عيش انت بقي وعند البارك دوس برده فرامل وحول علي P وهكدذ برده علي الرجوع للخلف R قالي سيبك من L or Ds ارجوا منكم بعض الارشادات انا استلمتها يوم 15 مارس وحتي الان بدون نمر بيقولوا مفيش لكن وراهم هاروح تاني بكرة بالنسبة للزيت او الماء
اعمل ايه ولا اسوي ايه الراجل قالي متشغلش التكيف لغايه 1000 كيلو الاولانايه ولا تعدي سرعة 100 كيلو/ساعة
الكلام ده مظبوط ولا ايه
وكمان حاسس ان في تزيْ لما باجي بدوس علي الفرامل في المنحدرات دي كبالين ولا ايه فرامل
ايه ارشاتكم في 1000 كيلو الاولانبيه
مستني ردودكم بفارغ الصبر

**salah_moahmed** · 18-03-2008 07:16 PM

سيدي الفاضل :

الكلام مظبوط ميه المية الف كيلو الاولنية هي تليين للماتور حاول علي قد ماتقدر تريح الماتور من ناحية مفيش طالعات عنترية مرة وحدة ولا تتعدا 100 كم في الساعة ، كمان فعلا يفضل عدم تشغيل التكييف لغاية لما تعمل غير الالف اللي هو تسقط زيت التليين
وتشتغل بالزيت العادي . كمان بلاش ds الان الغيار داه عبارة عن تسقيط للغيار للسحب بمعني كانك بتسقط غيارات عشان تجري ن كمان لازم تفهم ان الاتوماتيك ماينفعش انك تدوس علي البنزين بقوة لان داه هيخلي الغيارات تكون سريعة وممكن يضر بالتروس يعين وحدة وحدة تقفبل معاك وطبعا هتعرف درة الاستحابة من RPM كمان لما تحب تقف لازم تغير علي N اللي تعني انها العربية مش واخدة اي غيار عشان ماتبقاش عامل زي اللي مدي الغيار الاولني للعربية ورجله علي البنزين والفرامل في نفس الوقت
وربنا يباركللك فيها ياسيدي وادعيلنا .

**محمد عز** · 18-03-2008 07:57 PM

الف مبروك ، وفى الالف كليو متخليش الار بى ام ميعديش 3 والسرعه ما تزديش عن 100 للمحافظة على الموتور
غيار D لكل حاجة وان سايق وده احسن وضع للعربيه وافضل استهلاك
وكلام الراجل مظبوط
لكن موضوع التزيق ده مش عارف الحقيقة
الف مبروك مرة تانية

**johnyweb** · 18-03-2008 08:01 PM

شكرا ياباشا علي نصايحك الغاليه لكن انا فعلان مكنتش اعرف حبه حاجات زي انا كنت بجيب العربيه علي D وانا واقف في الاشارة وبعدين اسيب رجلي من علي الفرامل والعربيه كانت بتمشي معايا الموضوع ده غلط والي اايه وكمان في حاجة انا استلمت العربيه من غير دواسات ولا من غير طفايه الموضوع ده مظبوط ولا اضحك عليا انا جايبها من الرواس بمضان المصريه

**johnyweb** · 18-03-2008 08:03 PM

شكرا يامحمد الله يبارك فيك

**loai-omar** · 19-03-2008 03:49 AM

الف مبروك
ماقولتناش لونها ايه

انا بعشق اللانسر الجديده دي

**johnyweb** · 19-03-2008 06:36 PM

هيا الشكل القديم ولونها كحلي واكرها نيكل سبورت
كنت عايز نبيتي لكن ملقتهاش لكن الكحلي عجباني برده

**SAbuhashem** · 19-03-2008 07:01 PM

يادي تليين العربية إلي كل يوم تسمعوه كأنه نشيد الصباح يا ناس احفظوها بقى.

متزعلوش بس أصلكوا قلتوا الموضوع دة حوالي ٣٠٠٠ مرة و مع ذلك الناس مازالت بتسأل يعني إيه تلين العربية وأعمل إيه واستلم إيه ثبتوا موضوع واحد بالحاجات دي وخلاص

أنا مش طايق حد النهاردة ليه :)

Thanks
Eng.Sherif Shaker