الى خبراء السيارات فى المنتدى اريد رأيكم فى شراء سياره فى حدود 45000-50000 الف. تتحمل يوميا مشوار 100 كيلو متر .لا يهم سيدان او هاتش باك .و تكون قطع غيارها اسعارها معقوله. و موديل حديث نسبيا و بها تكيف جيد.
الى خبراء السيارات فى المنتدى اريد رأيكم فى شراء سياره فى حدود 45000-50000 الف. تتحمل يوميا مشوار 100 كيلو متر .لا يهم سيدان او هاتش باك .و تكون قطع غيارها اسعارها معقوله. و موديل حديث نسبيا و بها تكيف جيد.
بص ياسيدي، قدامك إختيارات كتيييير قوي قوي قوي
حنبدأ أولا بالكوري (وإن كنت ما بحبذوش عشان إنت كده تقريبا حتعمل 3000 كيلوا في الشهر).
المميزات:
قطع غيار مش غالية.
كل الناس بتفهم في صيانتها.
سوقها حلو قوي، يعني إعادة البيع سريعة مش حتقعد تدلل عليها.
تكييف حلو جدا
عائلية وشبابية في نفس الوقت
موفرة في البنزين
العيوب:
تقفيل مش بالكفاءة العالية.
العربية مع الوزن بتهبط جامد.
الأمثلة: لانوس 1، فرنا
ثانيا قدامك الياباني
تتفوق على الكوري في التحمل والعمر
وبرضه موفرة في البنزين وعائلية
ولكن يعيبه قطع الغيار أغلى من الكوري ولكن معمرة عن الكوري
الأمثلة: الانسر كريستالة أو الكرولا عيون
وثالثا قدامك الكبااااااار قوي
زي مثلا الفورد مونديو، الفكيترا، الأسترا، الإكسارا، 405
دول أوروبي وطبعا يضربوا الكوري والياباني في كل حاجة
ثبااااات مهول، تقفيل أعلى بكتير طبعا، وأعلى في كل حاجة.
ولكن يعيب الأوروبي كله
غلو قطع الغيار
مش أي حد يعمل له صيانة
وطبعا إستهلاك بنزين أعلى خصوصا لو حاجة 2000 سي سي
طبعا دي الملامح الرئيسية اللي ممكن تختار فيها
وأنصحك وبشدة إنك لازم تدخل على كل صفة في المنتدى تدور على مميزات وعيوب كل عربية على حدة من خلال تجربة أصحابها
ومهما كانت العربية اللي حتختارها أسأل الله أن يعطيك خيرها وأن يكفيك شرها
والسلام ختام
اشكركم على الرد السريع
فى ناس رشحت لى الجولف و الايبيزا ايه رأيكوا
الجولف هتجيب موديل قديم شوية علشان الميزانية 45-50 بس لولقيت حاجة لقطة بحالة ممتازة توكل على الله وعموما أنا اميل لإنك تشوف خيار تاني بس موديل احدث علشان ماتحسش ان العربية متبهدله وعاوزة مصاريف خارجية او داخلية او ميكانيكية وده شيء نسبي لما تشتري عربية مستعمله لإن لكل عربية ظروفها
ونصيحة .... حاول تقلص الخيارات بالآتي :
هل يفرق معاك اسعار الصيانة وقطع الغيار ؟
هل يفرق معاك تصليحها بعيد او قريب منك (تحتم التصليح في التوكيل او لأ) ؟
هل البنزين يفرق معاك لو استهلاك كتير ؟
اييه الستايل الي بتميل ليه نظرا لاحتياجاتك او زوقك : سيدان / هاتشباك / ستايشن (شنطة طويلة قوي ورا) ؟
هل في ماركات مفضلة عن غيرها ؟
هل يفرق معاك شعبية العربية او ندرتها ؟
وربنا يكتبلك الي فيه الخير
نصيحه, يا ريت تنقل الموضوع لقسم السيارات العام او مقارنه السيارات افضل و يسهل عليك بدل ما تعمل الموضوع فـ 4 اقسام
هتوصل للمعلومه اسهل كتير لان كده المفروض الموضوع محصور فالقسم المطروح فيه و سيتم الرد بناء على ذلك يعنى فالأوروبى هيكون البحث فالسيارات الأوربى فقط و هكذا مما قد يجعلك فحيره و ستحتاج الى مقارنه بين افضل السيارات من الـ 4 اقسام
http://www.nilemotors.net/Nile/18397...000-100-a.html
http://www.nilemotors.net/Nile/18397...000-100-a.html
http://www.nilemotors.net/Nile/18397...000-100-a.htmlhttp://www.nilemotors.net/Nile/186363-a.html
ماتشوف بيجو 307 موديل 2005 ممكن تيجيب حاله كويسه ب 60000 وبصراحه عربيه جامده ومش هتندم انك اشتريتها بالاضافه ان عفشتها روعه وانت بتتحرك كتير يعنى هتريحك ... نصيحه فكر فى الموضوع ده
اللانوس حلوة من ناحية قطع الغيار والميكانيكية واعادة البيع وكدة
وممكن برضة الكريستالة
بص ياباشا
طالما بتعمل 100 كم في اليوم يعني انت عايز عربية موفرة يعني بالكتير تستهلك منك 6 او 7 لتر بنزين يوميا
الموضوع دة مش هتلاقيه في اي عربية في الدنيا غير الفولكس
عليك وعلي البولو ال1000 سي سي موديل 2002
هتلاقيها في حدود 45000 ومكيفة وباور وجميع الكماليات
عربية قطع غيارها معمرة جدا
سريعة
ثابتة
دمها خفيف
الله المستعان
،
،
السلام عليكم
أنصح حضرتك بالجواب النهائي بصراحة عن تجربة فعلية علما بأن استخدامي ممكن يزيد عن 100كم طرق سفر ومشاوير كبيرة ومهلكة لأي عربية،،،،،، اشتري بيجو 405 جميع الكماليات 1600 بصراحة ممتازة، ولو كنت بتجري 160 170 متقلقش بصراحة تستحمل شغل في الجبل بس اشتريها بحالة كويسة، ثبات علي ومرتفعة عن الأرض وده متلاقيهوش في الكوري ولا الياباني، التكييف ممتاز لو مظبوط والصالون كويس ومريح، بالنسبة للصيانة روح لميكانيكي بيجو متخصص وعربيتك هتفضل زيرو مع قطع غيار أصلي، والعربية لازالت مع أخويا وماشتكاش منها أبدا رغم إنه مش بيتابع الصيانات. بصراحة موتورها قوي وكفائته عالية في الأسفار ويستحمل. أنا استخدمت الموري والياباني عمرهم مايدولك نفس كفاءة البيجو. والسعر اللي مع حضرتك يجيبلك حاجة كويسة جدا. وعشان ألخص لحضرتك البيجو 405 تلاقيها بداية من موديل 1987 ولغاية 1994 دي فرنساوي منها 1600 ومنها 2000 وجاري معاه واحدة 89 موتور 2000 وتمام. بعد 1994 ولغاية 2004 مصري تجميع وجيه أباظة واللي مع أخويا 2001 ومواتيرها1600 باور وسنتر وتكييف وممكن تلاحظ إن في بيجو405 بريستيج بتكون 2000سي سي أوتوماتيك ودي فرنساوي. وربنا يوفقك.