ما هى اقصى سرعة قدت عليها وماذا كان نوع السيارة وما هو احساسك وانت على مثل هذه السرعة؟؟؟
ثلاثة اسئلة ننتظر اجابتكم عليها...
عرض للطباعة
ما هى اقصى سرعة قدت عليها وماذا كان نوع السيارة وما هو احساسك وانت على مثل هذه السرعة؟؟؟
ثلاثة اسئلة ننتظر اجابتكم عليها...
اقصى سرعة كانت 180كم/س وكانت بسيارتى الحالية ( تويوتا كورولا 93) على الطريق الدولى الساحلى و الحقيقة السيارة كانت ثابتة الى حد ما ولكن انا كنت خائف لانى لست من محبى القيادة المسرعة وللعلم فقد كان هذا يوم خطوبتى منذ حوالى سنتان ونصف.
اقسى سرعه كانت 175 كم بسياره نيسان صنى مو 99 وكانت فى طريق 6 اكتوبر وانا رايح الشغل كنت باجرى ورا سياره هيونداى كوبيه الجديده وفجاه لقيت السرعه 175 كم وكنت مشغل التكييف المهم ربنا ستر والسياره كانت ثابته تماما ولكن الخوف من فرده كاوتش تضرب او اى حاجه تحصل من العربيات اللى حولك لانها كانت الساعه 11 صباحا والطريق مش فاضى
200 كم بهيونداى فرنا 1600 أتوماتيك على كبرى السلام الساعة 4.5 قبل الفطار فى رمضان
ثم 205 كم ببروتون واجا أتوماتيك برده على منزل كبرى السلام بس من ناحية الغرب الساعة 6 يوم عيدالأضحى الصبح
والتكييف شغال و العربية فيها 5 أفراد! :roll:
:lol: 8) :lol:
السلام عليكم ورحمه الله
هناك نصيحه انصحها لوجه الله اتقوا الله فى انفسكم وبلاش تهور فان الطرق لدينا ليست مؤهله لهذه السرعات
انا عارف ان الطرق بعض الاوقات تغرى بالجرى بسرعه ولكن يجب النظر لما بعد ذلك
تذكروا من ينتظركم فى المنزل اما ابناء او زوجه او ام او اب.
ماذا تجنون من متعه الجرى بالسياره بسرعه.
اخوكم سعيد
كانت 160 على طريق القاهرة اسكندرية الصحراوى من حوالى 5 سنين بسياراتى الحالية كيا برايد
طبعا كان الثبات قليل عشان العربية خفيفة وكنت خايف شوية
وأؤيد نصيحة أخى سعيد
220 بسيارة رينو ميجان 2005 على طريق وادى النطرون الساعة 10 صباحا و العربية كان فيها 3 أفراد و الشنطة فيها 3 شنط و التكييف شغال بس و كان ممكن تجيب كمان أكتر من كدة بس الصراحة الطريق بدأ يزحم و أنا بصراحة أكتر بدأت أخاف .
على فكرة السيارة كانت ثابتة جدا و مش حاسين بالسرعة دى
160 بهيونداي اكسيل علي طريق السويس كان معايا اربعة اشخاص غيري اعتقد دة كان السبب ان العربية مطارتش مني :)
طبعاً من غير تكيف ومكنتش سامع صوت الماتور علشان كنت قافل الازاز و مشغل الmp3 بس اعيقد ان الماتور كان بيعيط 1300cc :shock:
192 في الطريق الدولي الساحلي بسيارتي الحالية كيار ريو 2006 وكان معايا 3 افراد غيري ومشغل الكييف علي لسرعة التانية واتصورت رادار ولولا المعارف ماكنتش خدت الرخصة ابدا
وقبلها من 5 سنين جبت 230 بسيراة تويوتا سيلكا بتاعت واحد صاحبي جايبها من الخليج وكانت في وصلة العلمين الساعة 7 صباحا
ويومها ماكنتش متخيل ان ممكن اوصل للسرعة دي بس ثبات العربية دي خرافي بس احنا اللي كنا خايفين من الطريق لانه مش حلو ابدا بس كان فاض جدا
ملحوظة-اخر مرة اتسحبت رخصتي في طريق اسكندرية من اسبوعين 167 كم ولما رحت اجيبها لقيت عليها وقف وثلاث شهور وغرامة 500
وعرفت يومها من تعديلات قانون المرور الجديد ان اكتر من 140 بتاخد وقف ثلاث شهور حد ادني وسنة حد اقصي و504 جنية غرامة حد ادني و 1500 حد اقصي
وانا مش من مؤيدي السرعة تماما خاصة في الطرق بتاعتنا الجميلة
خدوا بالكم بقي
أقصى سرعه كانت 200 كم بسياره هيونداي كوبيه وكان الثبات ممتاز
ولكن أنا جبت لكم معيا كليب صغير صورته بنفسي من كام يوم عشان أثبت للناس إن الماتريكس ثابته ومابتعومش زي ما بيقولوا
وكنت سايق في حدود الساعه 6 صباحا وأتفرجوا بنفسكمmatrix stable.avi - 11.81MB
235 بعربيه نيسان بلو بيرد 2200 سي سي و كان الكلام دا و انا في الامارات علي طريق ابو ظبي دبي مش عاوز اقولكم ان اساسا هناك السرعه 120 كم/س و طرق اماره دبي بتديك 40 كيلو سماح يعني لحد 160 كم/س ما تتصورش تخيلو بقي الطريق دا عامل ازاي و كان احساسي كاني مثلا ماشي هنا علي 140 ولا حاجه و حاولت اقفل الامبير بتاعها (240 كم) بس ما امكنش كنت خلاص داخل علي كاميرات حكم هناك علي الطريق اماكن الرادرات ثابته و تصورك من غير لجان و من غير حاجه و انا من كتر السفر علي الطريق دا حفظت اماكنهم .
و مره جبت 208 كم/س بعربيه هوندا سيفيك 2006 1800 سي سي و دي ما نزلتش هنا ابدا و العربيه دي بحق من احلي العربيات المتوسطه اللي ركبتها بحياتي كانت ممتعه فعلا و مش حاسس بيها باي هزه و ثابته جدا جدا جدا و انا بقول الرقم 218 بالتحديد علشان الامبير ديجيتال لكن لفات الموتو امبير عادي!!!!
انما في مصر هنا ما جبتش اكتر من 160 كيلو بالسوزوكي سويفت بتاعي علي طريق مصر اسكندريه الصحراوي
210 بعربية ستروين CX 2500 جاز على طريق الاوتوروود بباريس فرنسا والطريق حرير وزى المرايا وممكن الواحد يشوف وشه فيه
لا حول ولا قوة الا بالله...
انا مرة واحدة قلت اجرب شديت بالعربية اللانسر لحد 140 وقلت كفاية كده ..
والاخوة اللى ساقوا على 180 و 200 و 230 نفسى أعرف ليه؟؟
على 140 كنت على طريق مصر اسكندرية ولو كان طلعت لى قطة قدامى كان ممكن اتقلب لا قدر الله امال لو كاوتش فرقع وللا مطب وللا فرملة مفاجأه هيحصل ايه؟؟
لا بجد والله ياريت ناخد بالنا بالذات الشباب بدل ما حد يندم وقت لا ينفع الندم
عن نفسى يا دكتور احمد لان اليوم دة كان يوم خطوبتى وكان معايا كام عربية ورايا وواحدة منهم عطلت ووقفت لحد ما صلحناها وفوجئت انى معدش ادامى غير حوالى ثلث ساعة وانا كان ادامى حوالى 45 دقيقة قيادة على 90 وانا من النوع الى مش بحب اتاخر على مواعيد فما بالك ميعاد زى دة وعموما انا شاكر نصائحكم وانا عن نفسى مش من هوا الجرى ابدا واقصى سرعة بالنسبالى 100 او 120 على الساحلى وواسأل الله ان يجنبنا الشر ويسترها معنا اجمعين.
انا بقى اقصى سرعه كانت حوالي 190 بعربيه اوبل فيكتر موديل 2000 وكانت ع طريق الاسماعليه الصحراوي وكنت راجع من الاسماعليه رايح طنطا وقررت اخدها صحراوي زراعي ووصلت طنطا بعد ساعه ونص بس من طلوعي من الاسماعليه وشعوري كان متعه في الأول وبعد كده قلب لقلق وتوتر لأني كنت مستعجل وكنت مضطر امشي كده بس بهد ماوصلت وحمدت الله ع السلامه موش هعملها تاني ابدا
وفي مره برده بس كنت في السعوديه مع صديق سعودي وعربيته كانت كابرس من الموديل اللي كان بيسموه صابونه وهو اللي سايق وطبعا الطرق في السعوديه موش هقؤلكم المهم انا بتكلم معاه وببص ع أمبير السرعه صعقت لأنه تقريبا شبه مقفل الأمبير يعني حوالي 270 انا صممت يا يهدي يا ينزلني :lol:
انا كانت اقصى حاجة 170 كم بتويوتا ياريس و كنا 6 افراد كبار و 2 صغيرين, و التكييف على السرعة التالتة فى طريق مارينا بالليل طبعا, كنت بحاول الحق عربية لكزس جيب :D , و ابن خالتى جاب بيها 185كم (عربية موتورها شديد, بس ثبات وحش)
و المرة التانية ميجان 2005 نفس السرعة على الدائرى بس للاسف كان لازم ادخل دخلة المعادى, فمكملتش
انا عارف ان فى ناس كتير ضد السرعة, بس الواحد بيجس بمتعة, اكيد مش بمشى 24 ساعة بسرعة بس برده كل شوية الواحد لازم يعمل دماغ :D
أنا لا أؤيد الجرى بالسرعات العالية دى و أرى أن لغاية 140 كم كويس بس المرتين اللى جبت فيهم 200كم كان على كوبرى السلام اللى فوق قناة السويس وده بقى يابانى يعنى طريق حرير ده غير إن إنحدار الكوبرى جامد
ملحوظة:
أقصى سرعة قانونية على الكوبرى هى 80 كم و كاميرات الكوبرى تعمل 24 ساعة!
كانت أقصى سرعه 160 كم على طريق العلمين الساعه 6 مساء بعربيتي الحاليه كيا بيكانتو وفضلت على السرعه ده لمسافة 60 كم والطريق كله 120 كم . بس حوالي نصف تنك البنزين خلص في نصف الطريق وكانت حوسه ( هاقلوكوا على الحكايه ده بعدين ) . العربيه كان فيها 3 أشخاص غيري . بس المشكله أن الطريق ده كحل بليل وأنا كنت قلقان جدا لحاجه تتطلع في نصف الطريق ولا طوبه .
بس الواحد بيلجأ للسرعات العاليه ده أما لهو مستعجل أو الطريق فاضي ومافهوش أحد ولو مشي على 100 أو 120 هايحس بالملل
هو طبعا السرعات العاليه ده خطر جدا جدا وخاصة على الطرق المصريه بتعتنا
وشكرا
م/محمد علاء
220 كم - جولف 2 GTI 1800.CC - وادى النطرون - العربية كانت ثابتة جدا (انا كنت مركب عفشة Koni وجنوط 15)
170 ب لانوس أوتوماتيك علي طريق الزعفرانة-الغردقة أيام الجامعة و الشقاوة...
مع العلم اني دفعت في العربية دي نص ثمنها تصليح من الحوادث لغاية ما اتربيت في الاخر..
و مع العلم برضه ان فى سنة 97 كان سواق الأميرة ديانا ماشي علي120 MPH يعني حوالي 190 كم بمرسيدس شبح S 280 بها كل وسائل الأمان و قمة في الثبات....العربية عومت منه و لبست في الحيطة...تلاتة ماتوا و الرابع الدكاترة زرعوا في وجهه 150 قطعة تيتانيوم علشان يرجع "شبه" الأول, و استعانوا في ذلك بصور شخصية قديمة له...
ده غير العربيات اللي بنشوفها كل يوم عاملة زي الجرنال المكرمش علي جوانب طرقنا الصحراوية....
أنا رايي الموضوع مش مستاهل....مهما كانت الأسباب.....
كما قال الشاعر " فى التأنى السلامة وفى العجلة الندامة " ولكن احيانا الظروف بتحكم.
برجاء محدش يحاول يجرب اللى حيشوفه فى الفلم دة هنا فى مصر ... الكلام دة مش للطرق بتاعتنا، و لا للعربيات بتاعتنا :)
[youtube]http://www.youtube.com/watch?v=3t9t9Miu6iQ[/youtube]
بسم الله ما شاء الله
العربيات دى بتبقا مزودة بمحدد سرعة ولو اتشال الجهاز دة ممكن تعدى ال 300 كم بسهولة ولاحظ كمان ان العربية دى ديزل ولو بنزين هيبقا تسارعها اسرع من كدة كمان
اللى معقدنى فى الفلم دة كله حاجتين:
1- الكاميرا اللى بيصور بيها ثابتة فى ايده كأنه بيصور و هو راكن! و دة طبعاً مش عشان بس ثبات العربية دة عشان الطرق برة ناعمة زى الحرير
2- لاحظ قراءة عداد الـ rpm عند سرعة 260 كم/ساعة حتلاقيها أقل من 4000!!!!
هوة ده الديزل يا باشا :)اقتباس:
2- لاحظ قراءة عداد الـ rpm عند سرعة 260 كم/ساعة حتلاقيها أقل من 4000!!!!
ايوة فعلا وحضرتك لاحظ برضة انه راكب الفئة السابعة يعنى لما دة يحس بالمطبات امال احنا نعمل ايه وبالنسبة للـ rpm العربية 3000 سى سى 235 حصان يعنى عدم اللا مؤاخذة الراجل راكب مجمع اصطبلات...
ملحوظة : انا شفت العربية دى فى المنصورة بس 4000 سى سى بنزين كان نفسى اوقف صاحبها واجربها بس خفت يفتكرنى حرامى ههههههههههه .
أييييييييييييييييييه ألي أنا شوفته ده وصل ل260 في حوالى 1.20 دقيقة حرااااااااااااااااااااام التعقيد ده ده الواحد يولع في عربيته انا جبت بعربيتى 160 كنت فاكر أني كسرت الدنيا
انا بصراحه أتنقط خلاص
خلي بالكم ان العربيه 3000 سي سي ديزل
أمال الــ 4000 سي سي البنزين هتروح فين بعد كده ولا والعربيه جابت السرعه النهائية وممكن تكمل كمان لأنها مش كانت بتعافر في الـ 260 ... لأ
ده جبتها وهي اكنها مكمله كمان ..... :lol:
أنا جبت 135 بعربية فيات 128 على الدائرى الساعة 11:30 باليل
طبعا كان الطريق مليان
بس انا كنت مضطر
لأنى انا كنت ماشى ورا واحد صاحبى
هو اللى عارف المنزل اللى هننزل منه
و فجأة لقيته على مرمى البصر
و كنت مضطر الحقه
بس احنا ان شاء الله هنجيب عربية فورد اسكورت 1600
عشان اجرب موضوع 160 و 180 اللى بتقولوا عليه ده
معلش طولت عليكو :D
اقتباس:
ممكن تكمل كمان لأنها مش كانت بتعافر في الـ 260 ... لأ
ده جبتها وهي اكنها مكمله كمان
اللى حينقطك بجدبأة لو قريت التعليق بتاع الراجل اللى مصور الفيلم فى موقع youtube كان كاتب انه كان حاسس ان العربية "بتعافر" عشان توصل من 240 الى 260!!!! مسكيييييين ... قلبى اتقطع عشانه :shock:
على فكرة يا كريم الاسكورت ال1600 صعب تلاقي قطع الغيار بتاعتها مش زي ال1300 يعني ،بس فالغالب هتلاقي قطع الغتار الاستيراد للـ1300 اسهل.
(عدل بواسطتي -كريم منير-28-4-2007-الساعة 2:20 صباحا)
استاذ نادر اعتقد انك شاركت مشاركة غلط مش في مكانها
لو كدة قولنا واحنا ننقل هالك الي اي مكان
[youtube]http://youtube.com/watch?v=tqvkNDx6JwM[/youtube]
مش عارف انا حاسس انه كان رافع فرده كاوتش من علي الارض و عمال يزود و خلاص و مصور الامبير و لما حب يجيب الطريق في الاخر راح موقف التصوير و وصل علي الطريق علشان سرعته و هو داخل الملف او اول ما جاب الكام من علي الامبير علي الطريق مباشره ماكنتش منظر عربيه ماشيه اكتر من 160 بس
انا جبت 250 و ده كان بسياره لومينا و هى منتشره قوى فى الخليج و بتستخدمها الشرطه دلوقتى فى السعوديه , و جبت 220 بسياره نيسان صنى موديل 98 و كانت موديل السنه , و بـألألانترا 210 و ده من كام يوم و كنت مسافر اقضى شهر العسل :wink: , و بالأكسنت 180 , و بموتوسكل ريسينج 200 و على فكره ده مش تجربه للعربيه لأن انا على طول بجرى فى السفر و ربنا يستر بس بجد الواحد قلبه بقى ضعيف و السن الظاهر بيبقى عليه عامل كبير قوى قوى و ربنا يستر
a7'ookom
Sherif
انا على ادى جبت بالفيرنا ال1500 180 وكان الطريق وحش والعربيه كانت طايرة بمعنى الكلمه
وربنا ستررررررر :arrow:
اقتباس:
المشاركة الأصلية كتبت بواسطة hazem_khidr
الفيديو ده متصور من موتوسيكل مش عربيه
يا شريف حرام عليك نفسك دة انت لسة عريس جديد 200 ايه بس يا راجل انت مبتبقاش خايف؟؟؟
170 دايو لانوس على محور 26 يوليو الساعة 2 صباحا كنت بشد مع واحد باكسنت... السيارة كانت راسية الى حد ما لحد ما عديت على واحد من الفواصل الشهيرة و حسيت ان الاربع عجلات بقوا فى الهوا :shock: :shock: :shock:
بعدها هديت ل 80 و مشيت زى الكلب :lol:
MMamdouh
انت كنت مركب جنوط ولا بجنوط العربية؟؟؟؟اقتباس:
المشاركة الأصلية كتبت بواسطة MMamdouh
انا كنت بشد مرة مع واحد راكب جوليت على الدولى ولاحظت انه جاب 160 ودخل فى 170 بسهولة جدا والعربية كانت واضح انها متزنة!!!