بيجو 206cc , اوبل استرا 2007 , ستروين C4 , بيجو 307
ايهما الافضل ؟ محتاج مشاركاتكم و ارائكم و نصائحكم علشان اعرف اختار
هما في حدود من 75,000 الي 85,000 بتختلف الاوبل و البيجو مانيوال و الستروين و ال307 تبترونيك
كان في دماغي المازدا3 لكن مع دخول ال206cc و الاسترا طلعتها من دماغي
عايز اعرف الثبات و الامان و السرعة القصوي و الشكل و الاكثر تميز و شبابية
بجد محتاج رأيكم علشان انهي التردد اللي انا فيه ده
و شكرا مقدما علي مشاركاتكم
انا استبعد الاوبل عشان مشاكله كتير
و كمان استبعدت السيتروين عشان مش منتشره خالص
فالاختيار هيبقي بين الاتنين البيجو
و اخترت ال 307 عشان فئه اكبر و اعلي
بس اسأل علي اسعار قطع الغيار و توافرها فين الاول
أهلاااا ازيك عامل ايه
المقارنة فى فئات زى بعض
الأسترا و 307 نفس الفئة و عدد الكراسى ،،، و 1600 سس
أما 206 cc حاجة تانية و فئة تانية خالص
فى رأى شوف انهى توكيل أحسن فى الصيانة و التعامل و اتجه عليه
يعنى لو توكيل أوبل احسن يبقى ماشى
لو توكيل بيجو احسن يبقى ماشى
و متبصش لبند السعر لأنه كله غالى
بص لبند نظام التوكيل و انهى احسن فى الصيانة
و لتوفير الوقت
طلع c4 من المقارنة خالص لسببن
1- سوقها بالنسبة للباقى وحش
2- توكيلها كفاءة قليلة و صيانة عالية
مميزاتها
1- سحبها جميل جدااااا
و ده مش يكفى عيوبها
اخيرا شوفت حد بورسعيدي في المنتدي ده ,,,,,منور ياباشااقتباس:
المشاركة الأصلية كتبت بواسطة eng_ahmed_90
رأيي الأوبل انسبهم لسبب
البيجو قطع غيارها نار ومش موجوده وملهاش سوق هنا في مصر
والسيتروين سوقها نايم في مصر
الأوبل سوقها كويس وقطع غيارها مناسبه نسبيا والعربيه ثبات وشكل وكل حاجه بس عيبها توكيلها هيقرفك شويه بس هي أنسبهم
وربنا يجيب اللى في الخير في النهايه
ولعلمك انت مختار مويل 2007 يعني عربيه الماني ×الماني مفيش مسمار مصري
انا رايح النهاردة ان شاء الله اتفرج علي واحدة استرا و اشوف ايه الكلام
اول امبارح رحت شفت البيجو ال 206 و ال c4 بجد الاثنين احلي من بعض
ال 206 حاجة شبابي و تميز جدا جدا بس فعلا ضيقة جدا جدا جدا من ورا جدا كمان
ال c4 تميز و امكانيات للصبح عداد دجيتال و كفاية الدركسيون باللي فيه :) و غير منتشرة يعني ده لوحده تميز
و هقولكم علي رأيي بالليل ان شاء الله في الاسترا لما اشوفها اذا مكانتش اتباعت :(
و مشكووووووووووووور علي ردودكم و اهتمامكم
المنتدي منور باصحابه يا باشا انت منين بقه من بورسعيد ؟اقتباس:
اخيرا شوفت حد بورسعيدي في المنتدي ده ,,,,,منور ياباشا
اسمحلي اختلف معاك شويه في النقطه دي البيجو موجوده بدرجه توافر معقوله مش زي السيراتو مثلا و قطع غيارها موجوده هي غاليه اه بس موجوده و الكلام طبعا في القاهره لكن عندنا في بروسعيد مفيش طبعا الا في كام حته 307 شفتهم بالصدفه و اكيد يعني ليها قطع غيار في بورسعيداقتباس:
البيجو قطع غيارها نار ومش موجوده وملهاش سوق هنا في مصر
متفق معاك تماما في النقطه دياقتباس:
والسيتروين سوقها نايم في مصر
انا الصراحه مبحش الاوبل دي خالص تجاربه سيئه عندي في العيله و التوكيل مقرق شويتين تلاتهاقتباس:
الأوبل سوقها كويس وقطع غيارها مناسبه نسبيا والعربيه ثبات وشكل وكل حاجه بس عيبها توكيلها هيقرفك شويه بس هي أنسبهم
ربنا يباركلك فيهااقتباس:
ولعلمك انت مختار مويل 2007 يعني عربيه الماني ×الماني مفيش مسمار مصري
ازيكو يا شباب
هو موضوع التوكيل ده يحير الواحد بس من خلال التجربة فى مصر لقيت ان التوكيل بيعتمد على محورين
1- قرف يعنى انت و نصيبك
2- لو التوكيل أخد نسبة 51 % رضاء عملاء يبقى ده توكيل كويس جدااا
3- توكيل تويوتا اللى واخد أحسن توكيل على مستوى الشرق الأوسط فى الصيانة فين ناس مش عاجبها قوى
يعنى دلوقتى فيه توكيل سئ للغاية و ده ابعد عنه خالص ،،، الناس متفقه عليه و فيه توكيل معقول و ده ممكن نتحمله
و دخل معيار
1- سعر إعادة البيع و سرعة البيع
اقتباس:
المشاركة الأصلية كتبت بواسطة eng_ahmed_90
رجالة امبارح شوفت الاسترا بصراحة كعربية تحفة و شيك جدا جدا و استايل جامد الصراحة فمحتار بطريقة عجيبة عايز انهي الموضوع و اشتري بقي علشان زهقت
العربية الاسترا اللي شفتها حالتها كانت وحشة جدا لكن كعربية عاوز اشوف واحدة تانية لو هنستقر عليها معاكم هنا
دلوقتي علشان تبقي خياراتنا واضحة للجميع ال 206 cc عجباني موت استايل و شبابي لكن ورا ضيقة موت
ال C4 استايل برضه و حركات و مالتي تحفة و امكانيات لكن الصيانات في ستروين بيقولوا بتوصل ل 2500 جنيه الصيانة العادية بتاعتها
الاوبل الاسترا استايل برضه و جامدة جامد من جوه
و البيجو ال 307 بصراحة عايز اسقطها علشان مش مميزة و منتشرة و الاسترا افرس منها في نفس الفئة
ياريت اللي ليه صاحبه هنا في المنتدي و ليه خبرة في اي نوع من الانواع ديه يخليه يشارك علشان مروحش و اشتري ماتريكس تاني
لا ماتركس مين صلي عالنبي
بص مبدأيا اهم حاجه الحاله في كل دول ,,,,والكلام ده معروف وأكيد ناس كتير نصحتك بيه
بس انت شكلك عايز شبابي ,,,,,مرحتش شفت الأسترا gtc برده ,,,,,الأزاز البانوراما تحفه وعربيه خطيره
انا ساكن في حي مبارك اللي قدام الاستثماراقتباس:
انا من بورفؤاد ساكن عند نقابه المعلمين ان شاء الله ياهندسه وحضرتك ؟؟ وياريت تعرفنا عليك اكتر
خليك فى الاسترا او ال 307 يا باشا
وطبعا الاهم الحاله
وشكرا جدا على ثقة حضرتك فى رأيى
اقتباس:
المشاركة الأصلية كتبت بواسطة thug
هههههههههههههههههههه عليه الصلاة و السلام
هتجنني ال GTC :O_stupid[1]: بس انا علي قدي :11:
متشكر جدا علي استجابة حضرتك لطلبي :satelite:اقتباس:
المشاركة الأصلية كتبت بواسطة momopersona
يعني رأيك اتنازل عن تميز الكابروليه و اختار الاسترا !!!؟ :F_eyeb1[1]:
الأسترا الموديل ده جميل والله من رأيي
لو تلاحظ مفيش شكاوي منه في منتدي أوبل ......اللى فيه شويه شكاوي بسيطه الفيكترا سي
وأصحاب الأسترا في الموديل ده كمان أكتر من الفيكترا
وشوف وطمنا
كنت عايز يا باشا اسأل اذا كان قطع غيار 206 cc نفس العادية ولا لا و ايه اسعار قطع الغيار و ألاءيها فين؟؟؟؟