السلام عليكم
هو الطقم الابانوس اللي في تابلوه الفيكترا بي بيتركب عادي ولا بينزل في العربية ولو بيتركب بيتباع فين و سعره كام. وشكرا جزيلا
عرض للطباعة
السلام عليكم
هو الطقم الابانوس اللي في تابلوه الفيكترا بي بيتركب عادي ولا بينزل في العربية ولو بيتركب بيتباع فين و سعره كام. وشكرا جزيلا
طقم الابانوس بينزل اوريجنال مع الفيكترا السي دي اكس واعتقد السي دي برده ...علشان تجيبه هتجيبه من تابلوه مفكوك وارد الخارج وهتسمع فيه رقم مش هيعجبك :eee:
من حسن حظي اني مره بلف في عمارات بنك الاسكان ببورسعيد بس عند الجماعه اللي فارشين ع الارض سعات بيبقي معاهم لقط ومش عارفين قيمتها ,لقيته وخدته, البياع طلب 30ج اخدته ب15ج:Oc_sun1[1]: بس الكونسول العلوي فقط من غير الحته بتاعه الكبايات والطفايه ,مش مشكله نص العمي ولا العمي كله
وانا بدور علي الجزء اللي ناقص عرفت انه كان بينزل عند بتوع الكماليات علي اساس انه اكسسوار ليها طقم كامل ابانوس صناعه تركيا بس قليل شويه دلوقتي:H_angry[1]:
لو لقيته علشان يركب بتفك وش الكونسول الامامي وبيركب الجديد مكانه بمشابك صاج .عموما لو لقيته انا ممكن اشرحلك بيركب ازاي بالتفصيل ويارب اكون افدتك ..
الف شكر لرد حضرتك كلك ذوق بس انا عربية صاحبي عادية و فيها و صاحب والدي عاوز يشتري زيو بس للامانة شكلة تحفة و سعر كام مثلا عشان ابلغه و هو يشوف اسف لتعبك
الكونسول الوسطاني (قطعتين) +ال4 هوايات +قاعده الفتيس الهيدروماتيك = 350ج وانت وشطارتك هو غالي طبعا هتسال التاجر ليه ؟هيقولك علشان حضرتك بتدور علي رفاهيه ,رفه بفلوسك بقي ..
عندك حق بس ميوفقش يبيع الكونسول الوسطاني بس اللي هو فيه زراير التكيف ب الكاسيت و الطفاية و كده و حضرتك تفتكر بكام مثلا و ايه اكتر منظف يقدر ينظف بيه فرش الابواب و عاجز عن شكر حضرتك
لا يوافق عادي جدا مهو احيانا بيبيع لوحه العدادات فقط او فبره قاعده الفتيس الاوتو ... يعني لو 150ج تبقي معقوله ..هات اي منظف سجاد بس يكون شركه معروفه ونظف بيه فرش الابواب هيديك نتيجه حلوه بس ماتستخدموش في السقف. وتحت امرك ياباشا...
الف شكر يااستاذ فادي
شفت الطقم ده بيتباع عند واحد بتاع أكسسوار فى التوفيقيه هوة عاليمين وأنت داخل من شارع رمسيس بس مش فاكر أسمه للأمانه وكنت بسأل على طقم الفكترا أيه قاللى ب120 جنيه
فيه منه صينى و تركى
و الله ينور يا فادى