الموضوع: سؤال بسيط

المشاركة الأصلية كتبت بواسطة phone

السلام عليكم
هو الطقم الابانوس اللي في تابلوه الفيكترا بي بيتركب عادي ولا بينزل في العربية ولو بيتركب بيتباع فين و سعره كام. وشكرا جزيلا

طقم الابانوس بينزل اوريجنال مع الفيكترا السي دي اكس واعتقد السي دي برده ...علشان تجيبه هتجيبه من تابلوه مفكوك وارد الخارج وهتسمع فيه رقم مش هيعجبك
من حسن حظي اني مره بلف في عمارات بنك الاسكان ببورسعيد بس عند الجماعه اللي فارشين ع الارض سعات بيبقي معاهم لقط ومش عارفين قيمتها ,لقيته وخدته, البياع طلب 30ج اخدته ب15ج بس الكونسول العلوي فقط من غير الحته بتاعه الكبايات والطفايه ,مش مشكله نص العمي ولا العمي كله
وانا بدور علي الجزء اللي ناقص عرفت انه كان بينزل عند بتوع الكماليات علي اساس انه اكسسوار ليها طقم كامل ابانوس صناعه تركيا بس قليل شويه دلوقتي
لو لقيته علشان يركب بتفك وش الكونسول الامامي وبيركب الجديد مكانه بمشابك صاج .عموما لو لقيته انا ممكن اشرحلك بيركب ازاي بالتفصيل ويارب اكون افدتك ..

الكونسول الوسطاني (قطعتين) +ال4 هوايات +قاعده الفتيس الهيدروماتيك = 350ج وانت وشطارتك هو غالي طبعا هتسال التاجر ليه ؟هيقولك علشان حضرتك بتدور علي رفاهيه ,رفه بفلوسك بقي ..

لا يوافق عادي جدا مهو احيانا بيبيع لوحه العدادات فقط او فبره قاعده الفتيس الاوتو ... يعني لو 150ج تبقي معقوله ..هات اي منظف سجاد بس يكون شركه معروفه ونظف بيه فرش الابواب هيديك نتيجه حلوه بس ماتستخدموش في السقف. وتحت امرك ياباشا...