[frame="9 10"]
المشكلة مش كبيرة ولا حاجة
ومش كل العربيات الفيات جايبة كارونة
بس للاسف لو حصل و باظت تصلحها غلس جدا جدا
كمان تصنعها و تجمعها مشكلة
وخامة السبيكة للتاج و البنيول سر زى سر تركيبة سبيكة الموتور
[/frame]
عرض للطباعة
زادكم الله من فضله
بارك الله فيك
أنا كنت بفكر أغير الكارونة لتويوتا بس كنت فاكرها بتاعة الكورولا
وأعرف واحد كان معاه شاهين 2002 وغير الكارونة لتويوتا والمفروض انها ماعملتش مشاكل
بس أنا كنت مقلق
[frame="9 10"]
لو الواحد مش حابب موضوع الميكانيكا او على الاقل مهتم انة يفهم هوة راكب اية
او على الاقل الميكانيكى بيعمل اية فى عربيتة و صح ولا غلط و اشتغلات و فلوس على الفاضى ولا لا
ممكن الموضوع يعدى عادى
بس علشان يحس لازم يكون متابع معدلات العربية قبل التعديل و بعد التعديل
كمان فية حاجات بديهية
زى تغيير طول عمود الكردان
و وصلات الفرامل و غيرها كتير
ممكن منها يفهم ان التعديل دة غلط اكتر من فوايدة
كمان كلمة ((ماعملتش مشاكل )) اية المقصود بيها؟؟؟؟؟؟؟؟؟
العربية حتمشى
و الصوت حيروح
وممكن الصنيعى يقنعة انة بالتعديل دة انقذة
وعندة حق
لان صاحب العربية مش فاهم العيوب زى المميزات
وممكن متكونش فارقة معاة العيوب لو العربية تاكس مثلا
او عايز العربية تمشى وخلاص
علشان كدة انا كتبت الموضوع
لان موضوع التعديلات فى الكارونة اصبح ظاهرة
وللاسف قلة الى فاهمة العيوب و المميزات
فاتمنى من الله انى اكون وفقت فى تبسيط و اظهار عيوب تعديل الكارونة و الديفارانس
[/frame]
موضوع متميز
مانا بقول لحضرتك إنى كنت شاكك فى الحوار ده
لأن إزاى عربية شاهين تركبلها كارونة تويوتا لو كان كدا أحسن كانت الشركة ريحت نفسها وريحت العملاء وركبتها من الأساس دا غير الفرق فى حاجات تانية زى قوة الماتور والأبعاد