عرض للطباعة
والنبي عشان خاطري لو سمحتوا .... أي واحد طالع بعربيته يبقى يبص على الشارع من مرايته عشان الواحد مش ناقص خانقة ... النهاردة مرتين الاقي عربيتين طالعين وانا ماشي جنبهم بالضبط ولا باصين في مرايه عشان يشوفوا مين اللي جاي ورهم ولا حاجة و1000 طظ في الناس والله العظيم في المرتين العربية بتاعتي خلاص كانت حتتخبط لولا ستر ربنا .
ما خلاص الشعب بقي ماشي بنظرية الـ Booz Base
واكتر حاجة اكرها اكون ماشي في حارتي وواحد يجي فجاة قدامي .. طيب براحتك .. بس اديني اشارة طب شاور لي حتي ؟؟ مش يخطف الحارة خطف
مراية مرة واحدة ..
أنت طموح قوي
و على فكرة برضه هو لو بص في المراية و شافك جاي هايطلع برضه ..
ناس كتير بتسوق من غير ما تعرف المرايا اللى فالجنب دى بيتعمل بيها ايه, تلاقى اللى قافلها واللى شايلها اصلا
بجد مش عارف المفروض الواحد يبص على ايه ولا ايه ؟؟ اللى بيعدى الشارع ولا العربيه اللى طالعه من اليمين ولا من الموتوسيكلات اللى فجأه تلاقيها جبنك من غير اى مقدمات و لا و لا ولا
انا بقى اكتر حاجه بتغيظني يكون واحد جنبك لازق فيك ويدي اشاره ويقوم رامي عليك وكتير بيكون الطريق واقف وانت مش عارف تروح فين ويقولك بكل برود ما مديك اشاره
يا حلاوة مديني اشاره وانا واقف جنبه يقوم ناطط فوق مني وعادي جدا
خد من دا كتير في شوارع المحروسه
امبارح نازل وسط البلد و في العادة بركن في جراج عبد المنعم رياض ماشي عادي لقيت عربيه النترا واقفه قدام الجراج وقفت وراه مستني دوري عادي جدااااا و سندت دماغي علي الكرسي لحد ما يدخل لقيت طاااااااااااااخ
الباشا بقي اللي راكب العربيه السايس عمال يقوله ارجع يا باشا فالباشا رجع من غير مايبص في مرايته و لبس فيا و ربنا ستر نازل لقوله هي المرايات دي فايدتها ايه يقولي ما هو السايس اللي بيقولي ارجع يعني الباشا بغي دماغه و عينه و سلم نفسة للسايس
عادي كبررررررررر خلاص مبقتش فارقه احنا بنأذن في مالطة
شكرا علي النصيحة يا غالي
هههههههههههههه والله هو ده اللى بيحصل فعلا هى بقت بلطجة الظاهراقتباس:
المشاركة الأصلية كتبت بواسطة tyler_durden
ميبصش فلمراية دي مصيبة
انما الكارثة اللي بتحصل انه بيبقي باصص فعلا ومعتمد انه هيرمي عليك
ونت هتنزل تبوس جنط عربيته وتقوله اتفضل يا باشا
افففففففففففففففففففففففف ففففففففففففففف
حاة تخنق... خصوصا لما هو اللي فالاخر يبصلك من فوق لتحت لما تفوقه بالكلاكس
منذ زمن قريب كانت العربيات ما بتنزلش بمرايات يمين .. هههه .. كماليات !!
اقتباس:
المشاركة الأصلية كتبت بواسطة د.محمود صلاح
شممممممممة رييييييييييييييييييحة سخرييييييييية :khd:
السواقه في مصر عاملة زي عربيات الملاهي
ده جزء اساسي قي الشخصيه المصريه
طيب واللى مش عنده مرايا اصلا و عامل نفسه بيبص فالمرايا, ده يتقال عليه ايه ؟؟؟
مش لما يبقي فاتحها اصلا يبقي يبص فيها
دا نص التاكسي مبيستعملوش المرايا اصلا
بتفكرني ليه حرام عليك دانا ما بصدق انسى اللي بيحصل في الشارع لما بارجع البيت
المرايات هى عينك التالتة
مثل ومبدأ انا مطبقه على نفسى
اول حاجة بعملها اول ما اركب العربية ( اضبط المرايات واربط حزام الامان )
وربنا يسترها
والله لسه حاصل الموقف ده معايا امبارح وكتت حشيل الراجل بباب العربية لولا ستر ربنا الحمد لله