بص يا مومو الجدل ما بينا هنا فى الموضوع ده معدش له لازمة كل واحد هنا عارف نفسه وعارف قدره عند الناس فى القسم سواء بحب الناس او كرهها , الناس هنا انا سالتهم سؤال يا جماعة انا شايف كذا انتوا رايكم ايه رد عليا ناس اقدم واحسن واكثر خبرة منى وقالوا ده راينا برضه , قلنا يبقى ننفذ اللى شايفينه صح حضرتك عندك اعتراض على راينا ده حقك , عندك وجهة نظر تانية برضه حقك بس اعرضها او نفذها فى مواضيعك او مشاركاتك بعيد عن موضوعنا الحالى لان واضح ان الناس اللى هنا كلهم لهم رأى وحضرتك ليك راى تانى فهندخل فى جدل عقيم هيخرجنا عن سياق الموضوع , فوفر وقتك لمواضيعك ودراستك وحضر نفسك لخط الدفاع البروتونى الحديدىاقتباس:
اللى انت بتقوله ده موجود من اول يوم فى المنتدى ومستعد اجيب لك المواضيع دى كلها من يوم ما القسم اتعمل يعنى انت مش جيت تشيل الغمامة اللى احنا حطينها على عنين الناس عشان نضللهم
طبعا انا ماقولتش غمامه وعنين ناس ولا تضليل خالص
انا بقول يتم تثبيت مواضيع لعيوب السياره زى مميزاتها بالظبط
عشان محدش يفتكر ان كلها مميزات ويصدم ببعض عيوب الصناعه والتقفيل
واضح ان مواضيع حب بروتون ومميزاتها مضايقاك اوى لدرجة انك مش شايف اول موضوع متثبت فى اول موضوع عن برسونا وجين 2 وهو كان عن استفتاء عن مدى اعتمادية السيارة وكان حوار مفتوح لكل الناس المحترمة ساعتها وكل مشاكل العربية اتطرحت واتناقشت بس باسلوب الناس المحترم وموضوع تانى استاذ توت كتب عنه بتاع مميزات وعيوب السيارة ولو مش عارف توصله ابعت لك اللينك يمكن ساعتها تعرف الناس المحترمة كانت بتختلف ازاى وتتعلم منها .
انا معنديش غير عربية واحدة ولو هغير ان شاء الله هتكون بروتون برضه وعلى فكرة عربيات بروتون بقوتها وجمالها هى اللى جمعتنا هنا والسبب اننا اتعرفنا على بعض فهى مش حتة حديد هنرميها ونمشى
مهما كان حبك لبروتون ده مش مبرر لانك تكره حد
مش عارف شكلك بتقرا حاجات مش موجودة
انت شككتنى فى نفسى عمال ادور على حد قلت كرهته مش لاقى ,حد يدور كده يا معانا يا اخوانا
ثم انى مش مش باحب بروتون
انا مش حابب توكيلها فقط وكلامى واضح جدا
وياريت مايحصلش زى لما قولت موقف ماعجبنيش لشخص قلبتو الموضوع انى باقول ده شخص مش كويس
كلامى واضح جدا انا باحب بروتون جدا رغم عيوبها اللى قابلتنى لانى مازلت مقتنع انها بسعرها وعيوبها ومميزاتها خطيره بردو وافضل كتيييير من منافسينها
لكنى كنت باتمنى ان يكون توكيلها كويس
وبردو موضوع ايمن انا ماقولتش انه وحش انا قولت انه عمل معايا انا موقف وحش
ياريت ماتخلطوش الامور
حد جاب سيرة ايمن يا مومو انا مش عارف هو كل موضوع لازم الاقى كلامك كله يتحول على ايمن حتى لما عملت موضوع وحطيت اسمى فى عنوانه كتبت كل الحوار على ايمن ولما الناس هاجمتك رجعت وقلت انا مش موضوعى عن ايمن بجد سبحان الله مش عارف ايمن عمل فيك بالظبط معملوش مع حد تانى؟!!!!!
حب الناس للعربية مش عيب واظن كلنا عندنا حاجات تانية برضه بنتعصب ليها مش بنحبها بس يعنى لو بتشجع كورة اكيد مش هتقبل كلمة على فريقك او انه يخسر او حتى ان حد ينقده ولو ده حصل برضه هتشجعه ومش هتسيبه ابدا وانا بروتون بالنسبة لى زى فريقى المفضل اللى بفرح جدا لنجاحه وضغطى بيعلى لما يتغلب وباية حال اللى جمعك هنا باصدقاءك هى بروتون مش المنتدى
لا على فكره انا اهلاوى جدا ومواظب على الستاد لكن اللى بيكلمنى باقوله الاهلى زى الزفت فعلا بس يارب يرجع
التعصب الزياده عيب مش ميزه
لا اله الا الله انا قلت انى متعصب لبروتون ؟؟؟؟؟!!!!!!!!!!
حد قال ان التعصب حلو انا قلت انا بحب بروتون وفيه ناس بتحب حاجات تانية لدرجة التعصب
ردودك المرة دى يا مومو مش متظبطة زى كل مرة ركز فى ردودك معايا انا بالذات
عادى ان احب حاجه اوى واتمانلها النجاح لكن لازم ابئا عارف عيوبها ومميزاتها ومادافعش وخلاص عنها
الحمد لله كلنا عارفين عيوبها ومزاياها المشكلة اللى مش شايف غير عيوبها
بروتون فيها مميزات وفيها عيوب
ولازم كله يقتنع بكده
الحمد لله واظن كلنا مقتنعين بكده مش مستنينك برضه تعرفنا المعلومة الجديدة دى , الكمال لله وحده
وعيوبها مش لازم تحصل معايا شخصيا بس ممكن تحصل مع اكثر من واحد تانيين فيبئا احتمال حدوثها عندى او عند غيرى موجود
وبكده نحذر ان ممكن يحصل مشاكل زى ................
لا ده مش من حق حضرتك ولا من حقى ان حد يعين نفسه وصى على العربية والناس ويقرر اذا كان ده عيب عام ولا خاص او يعمل عينة احصائية من اتنين تلاته ويقول دى مشكلة عامة وكمان يدى نفسه الحق انه يحذر من حاجة اصلا محصلتش له ويحذر الناس منها .
اى حد ممكن يتكلم عن اى حاجة بشكل عام زى ماهو عايز بس الكلام بشكل خاص فى ما يخص نفسه ومشاكله بس وميعممش مشاكله
برضه الناس ضحكت عليك وخبت المشاكل عنك بجد يا محمد الموضوع ده كفاية عليه اوى كده غير يا محمد , انت كاره العربية براحتك انما عيب انك لتالت او رابع مرة تتهم الناس الاتهامات دى لغاية ما الناس قرفت من المنتدى واتهاماتك اللى عمال توزعها عمال على بطال كده
يردو بتقولنى كلام ماقولتوش يا استاذ احمد
ولا حد دحك عليا ولا حاجه بس لازم ابراز العيوب قبل المميزات
وبروتون جميله جدا بس التوكيل تعامله
بالنسبه لى افيد قسم فى المنتدى قسم شيفروليه
عشان حذرونى من شراء الافيو وعرفونى مشاكلها بالكامل قبل شراءها والحمد لله ربنا سطر
ومازلت اعاتب على اعضاء قسم بروتون عدم ذكر مشاكل مثل الطنابير وعلب الدريكسيون (التى تم الاعتراف بها من قبل التوكيل) قبل شرائى للسياره
اظن من كلامك واضح يعنى ايه عدم ذكر مشاكل ؟ يعنى بنخبى , يعنى بنكذب , يعنى بنضلل زى ما انت قلتها كذا مرة قبل كده فى مواضيع سابقه اظن دى مش اول ولا اخر مرة هتقولها مادام قواعد المنتدى سامحة بكلمة زى دى تتقال عادى كده وبكذا شكل من غير ما تعاقب صاحبها يبقى هتفضل تتقال وحقك تستغل قواعد المنتدى براحتك ومن حقنا كلنا اللى يتهمنا اتهام زى ده نرد عليه باسوا الردود وبرضه باستخدام قواعد المنتدى
طب نسال بعض كام سؤال
مين اللى بيكذب وبيضلل؟
يعنى ايه !!
يعنى انا باضلل او باكذب
حد قالك انت بتكذب وبتضلل ؟ هاها انا بسال سؤال عام مش عارف انت خدته على نفسك ليه هاها
نشوف بردو
- اللى بيعمل لنفسه 2 اكونت ويدخل يعمل بيهم مواضيع ويرد بيهم على نفسه عشان يثبت رايه ويؤيد كلامه وياخد عشان كده وقف ويوهم الناس انه اتوقف عشان خلاف مع زميل تانى؟
لا طبعا ده ماحصلش
اللى حصل ان ليا صديق اسمه حسام كان عايز يخش عالمنتدى لكن مابيعرفش يعمل تسجيل
فخلانى عملتله اكاونت يدخل بيه من الكمبيوتر بتاعه
واديتهولو وهو كان بيدحل مواضيعى وعاجبه كلامى فى بعض الاحيان
ودخل مره من عندى من البيت ودخلت اكثر من مره من عنده فى البيت
فالموضوع اتفهم غلط وتم التوضيح للاداره بعد فترة الوقف
وهو دلوائتى عامل اكاونت تانى لنفسه و ماحطش فى باله لانه كده كده بيدخل يتفرج بس
وطبعا انا ماوهمتش الناس انى اتوقفت بسبب خلاف مع شخص
دى كانت مره تانيه اتوقفت بسبب مخالفة قاعدة الشخصنه وقولت كده
ايه ده هو طلعت انت اجابة السؤال رقم واحد هاهاها . مش عيب تعمل كده يا مومو حد يدخل ويرد على نفسه برضه من نفس الاكونت . لالالا ذكائك خانك المرة دى
ولا اللى بيستشهد بكلام ناس فى كلامه عشان يثبت ان مشاكله ظاهره عامه وبعد كده الناس دى تدخل تعاتبه وتكذبه انها لا قالت كده ولا صرحت بكده ؟
العتاب كان على انى ماستأذنتوش مش على انى بألف خالص
سبحان الله يعنى برضه طلعت انت اجابة السؤال التانى لالا صدقنى دى صدفة , بس اللى كنت بسال عليه اللى اتكلم على لسانه كلمنى شخصيا وقال لى حاجة تانية اكيد مش انت يا مومو
ولا اللى بيحكى للناس عن خبراته اللى محصلتش بالسيارات وهو لسه موصلش السن القانونى اللى يطلع فيه رخصة اصلا ؟
وانت ايه اللى عرف حضرتك حصلت ولا لا ؟؟
ولا انا باسوق من سن كام ؟
ولا انا سنى كام اساسا ؟
و اصورلك الرخصه ولا اعمل ايه يعنى ؟؟
لا لا لا مش معقول برضه تكون انت , اصل اللى بتكلم عليه واحد كان عاوز يروح ايفنت معانا ومكنش عارف يجى عشان معهوش رخصة وكان عاوز حد يوصله وعلى العموم مبروك على الرخصة
ولا اللى لما بيركب عربية واحد جاره ولا قريبه يضيفها للاكونت بتاعه لغاية ما بقى عنده 5 عربيات عشان يوهم الناس بخبراته النادرة ؟
اجيلك بيهم ولا ايه بردو ؟؟
الحمد لله على كل شىء الاربع عربيات موجود منهم تحت البيت 3 دلوائتى والرابعه لسه متباعه لابن عمى وتعتبر موجوده معانا بردو
برضه اخدت الكلام على نفسك ؟بس برضه ربنا يبارك لك فيهم يا مومو بس هتيجى سايقهم كلهم مرة واحدة مش صعبة عليك دى, على العموم ممكن تجيلى بجين 2 حبيبتى اللى عندك اللى كنت كاتب انك تملكها فى تعريفك عن نفسك فى موضوع بروتونى اصيل بس اوعى تكون بعتها, بس غريبة مش لاقيلك ولا موضوع عن اى عربية تانية معاك ولا لك تواجد فى اى قسم تانى غيرنا الا فى المقارنات ياريت خبراتك النادرة دى توزعها على الاقسام التانية برضه.
ولا اللى غير حاجات فى عربيته بره التوكيل وخرجوه بره الضمان وبفضل ناس معينة رجعت تانى ؟
امتى ده ؟؟ وايه دليلك على الكلام ؟؟
طيب انت عاوز دليل ليه هو الكلام عليك؟!! , بس اللى بتكلم عليه ممكن الناس تروح تسال فى التوكيل وهم يقولوا له على اسمه
اسئلة كده مش عارف جت فى دماغى ليه دلوقتى بس حبيت اسالها للناس وليك يمكن فعلا نعرف مين الكذاب والمضلل فعلا ونخرجه من بينا للابد
كده انا كذاب ولا ايه ؟؟
ياريت لما حضرتك تقول معلومات تكون متأكد منها بنفسك افضل او يكون على الاقل ليها دليل
وياريت كفايه تعصب ونتكلم بحياديه بغض النظر عن العاطفه والحب للعربيه وكده
طيب كده باه انت غلطت
انا متعصب , طيب استاذ توت متعصب واستاذ خالد حمدى متعصب , واستاذ مصطفى صديق متعصب , وهيثم ومحب ومحمد عبد العال و ميدو سليمان واحمد ابراهيم ورفيق وكل الناس اللى ايدت رايى هنا متعصبين ؟ سؤال ياريت ترد عليه
وطبعا المنتدى مش حكر على حد وياريت ماتعممش وجهة نظرك علينا كلنا
الحمد لله انا الموضوع ده اللى شرحت فيه وجهة نظرى اللى انت زعلان منها وافقنى عليها اقدم واتقل ناس هنا فى المنتدى وفيه ناس غيرهم كتير والحمد لله كانت وجهة نظرى هى وجهة نظرهم واظن ده مكتوب فى الموضوع من خلال مشاركاتهم لا انا ادعيت عليهم انهم قالوا كلام محصلش ولا هيجوا بعد كده يكدبونى , فانا لا بعمم ولا بفرض وجهة نظرى على حد اظن قلت لك قبل كده احنا مش لسه مبلغناش سن الرشد , فلا حد هيفرض رايه على حد ولا هيضلل حد
يا محمد انت لوحدك بوجهة نظرك واسلوبك , محدش مننا معاك
واللى عايز يحبنى يحبنى واللى مش عايز براحته مش هاغصبه
اهم حاجه انى قلبى ابيض ومازلت باعاتب مش باكره حد نهائى
وكفايه لحد كده مخالفه لقواعد المنتدى وتجريح فى بعض ونخلينا نفيد الناس احسن
طبعا انا باحاول اقفل الموضوع لان اى كلام بينى وبين حضرتك مش فى صالحى لان غلط اساسا انى اكذب حد اكبر منى
لكن لما بيبئا الكلام بيمسنى شخصيا لازم ارد
الموضوع مفتوح ولو الادارة شايفه ان فيه تجريح او مخالفة تبقى تعاقب المخطىء وحضرتك تكذبنى او متكذبنيش ده حقك برضه لانى معنديش حاجة اخبيها ولا اخجل منها
وبردو مش باكره حد بسبب العربيه او التوكيل لكن زعلان من ناس بس
u r alone
ملحوظة جميع ردودى بهذا اللون فى داخل هذا الموضوع