الموضوع: افيدوني في الافيو 5 ضرووووووووووووري

مانيوال ولا اتوماتيك
وعامله كام كيلو
واكشف عليها لتكون عامله حادثه
عامتا لو اتوماتيك اتاكد من الحاجات اللى فاتت لو مانيوال طبعا نفض لان التوماتيك احسن منها بكتير والفروق بينهم كالاتى
اولا كفايه الراحه فى السواقه ( وانا من ملاكها من شهر يونيو 2009 وهى كان سعرها زيرو 81000 ) ) وكمان العربيه تقفيل كورى 100% وزد فى اتوماتيك الاتى
جنوط 15 وطبعا فى المانيوال 14 فثبات الاتوماتيك احسن
ايرباج للسائق ومش موجوده فى المانيوال
مرايات كهرباء وبرده مش موجوده فى المانيوال
فوانيس شبوره قدام وورا وبرده مش موجوده فى المانيوال
والفرق فى السعر بينهم حوالى 6000 جنيه يعنى مبلغ لا يذكر قصاد الحاجات دى كلها
دا غير ان المرايه فى الاتوماتيك لون الدهان فى المانيوال كله لونه اسود من البلاستيك الخفيف اللى لو اتخبط ممكن يتكسر بسرعه

لو اتوماتيك اكشف عليها واتوكل على الله وان شاء الله هتنبسط منها جدا لانها بجد عربيه بسم الله ماشاء الله تقيله ومريحه واعتماديه بعكس الافيو السيدان وقطع غيراها مرطرطه لانها نفس قطع غيار الافيو العاديه ماعدا الهيكل الخارجى والكوتش
لاكم لو مانيوال يبقى اقفل الموضوع لان بجد الاتوماتيك احسن وامتع واثبت منها بكتير
وطبعا صلى استخاره وربنا يهديك للصالح

ملحوظه : اتاكد ان مفيش شكل جديد ليها نازل قريب لحسن تتدبس وتجيب قديم وتندم

السلام عليكم

المشاركة الأصلية كتبت بواسطة sherifbmw

سياره فاشله بكل المقاييس موتور دايو و مشكله ف الار بى ام علو صوت المحرك و مساعدين تعبانه

وانبي يا استاذي لو جربتها تقول رايك عن تجربة زي ما الاخ momo82300 بيتكلم عن تجربة

وكمان فية نقطة صغيرة يا جدعان العربية دي تقفيل كوري والتوكيل نفسة قاللي العربية مالهاش علاقة بالافيو العادية

المشاركة الأصلية كتبت بواسطة memo823000

مانيوال ولا اتوماتيك
وعامله كام كيلو
واكشف عليها لتكون عامله حادثه
عامتا لو اتوماتيك اتاكد من الحاجات اللى فاتت لو مانيوال طبعا نفض لان التوماتيك احسن منها بكتير والفروق بينهم كالاتى
اولا كفايه الراحه فى السواقه ( وانا من ملاكها من شهر يونيو 2009 وهى كان سعرها زيرو 81000 ) ) وكمان العربيه تقفيل كورى 100% وزد فى اتوماتيك الاتى
جنوط 15 وطبعا فى المانيوال 14 فثبات الاتوماتيك احسن
ايرباج للسائق ومش موجوده فى المانيوال
مرايات كهرباء وبرده مش موجوده فى المانيوال
فوانيس شبوره قدام وورا وبرده مش موجوده فى المانيوال
والفرق فى السعر بينهم حوالى 6000 جنيه يعنى مبلغ لا يذكر قصاد الحاجات دى كلها
دا غير ان المرايه فى الاتوماتيك لون الدهان فى المانيوال كله لونه اسود من البلاستيك الخفيف اللى لو اتخبط ممكن يتكسر بسرعه

لو اتوماتيك اكشف عليها واتوكل على الله وان شاء الله هتنبسط منها جدا لانها بجد عربيه بسم الله ماشاء الله تقيله ومريحه واعتماديه بعكس الافيو السيدان وقطع غيراها مرطرطه لانها نفس قطع غيار الافيو العاديه ماعدا الهيكل الخارجى والكوتش
لاكم لو مانيوال يبقى اقفل الموضوع لان بجد الاتوماتيك احسن وامتع واثبت منها بكتير
وطبعا صلى استخاره وربنا يهديك للصالح

ملحوظه : اتاكد ان مفيش شكل جديد ليها نازل قريب لحسن تتدبس وتجيب قديم وتندم

السلام عليكم

استاذ مومو شكرا ليك جدا جدا
هيا العربية اوتوماتيك وعامله 30الف كيلو

فابريكة برة عدا باب فقط حالتها العامة ممتازة جدا يبقا فقط الكشف عليها
عشان كدة عايز اروح التوكيل عشان يمكسكه يفصصها ويجبلي قرارها

العربية ذات الشكل الجديد اللي بشبكة امامية جديدة مختلف عن الافيو العادية
بجانب الفتحات الرياضية اللي عالجنب
العربية مش كوبية زي بتاعتك يا باشا العربية 5 باب عادية

ياريت يا رجال تقولولي على مركز معتمد قريب من مدينة نصر او مصر الجديدة عشان اروح ارفعها واكشف عليها كشف عام

المشاركة الأصلية كتبت بواسطة aymanmaly

اخى الكريم
لتعم الافادة لباقى الاعضاء ارجو الافادة عن تجربتك لهذة السيارة علشان ما يبقاش اتهام بدون سند
وشكرا للمداخلة بقسم شيفورلية

+11111111

الحاجات اللى تخلى باللك منها
طبعا العربيه عاملة 30000 كيلو يعنى مش قليل فى الظل الطرق الجميلة فطبعا تخلى بالك اول حاجه من الضمان
ولونى انا مش بعترف بيه يعنى من ساعت مجبت العربية مروحتش غير مرتين صيانة الخمسه والعشرة والعربية عامله 26 الف ونفضت للتوكيل لانه حرامى ومش فاهم حاجه
وطبعا خليه يكشفلك على الموتور وجربه وانت مشغل التكييف وثانيا البوجيهات ومتركبش بتاعت التوكيل عشان صينى ركب ال ngk ال 16 اليابانى الاصليه هتعملها 125 جنيه بس هتفرق معاك فى السحب وفى استهلاك البنزين
هوا غير زيت الفتيس الاتوماتيك ولا لأ وحتى لو غيره مش مشكله روح لاى مركز بيع زيوت فيسكو واشترى 4 لتر فتيس اتوماتيك وكمان فضى زيت الموتور وحط مكانه زيت فيسكو 5000 مع فر جديد اصلى دا يمشيك لحد 15000 كيلو بس انت فضيه عند 10000 الكلام هيختلف معاك
والزيت سعره 220 جنيه بس ماشاء الله حكايه لان زيوت فيسكو انجليزى مصنع فى الامارات
طبعا تكشف على تيل الفرامل ةتجيب تيل اصلى من التوكيل عشان الطنابير ومية الريداتير وتجيب مياه برتقالى امريكى اصليه من منصور وتخليهم يفضو القديمه وتحط الجديده بدلها وهات كمان لتر مياه حمراء بتاعت توتال احتياطى لان فى الغالب هتحتاج كمان بؤين كدا والباقى يفضل فى شنطة العربيه فى حالة لا قدر الله المياه نقصت
فلتر الهواء برده شوف حالته وفلتر البنزين عشان انت عارف بنزينا الجميل
وطبعا اهم حاجه العفشه برده والمساعدين لحسن فى ناس سوقتها غشيمه وتفضل تاكل فى مطبات والعربيه تقيله مش خفيفه فطبعا ممكن يكون فيه حاجه فى المساعدين او البطاحات وشوف الاستبن استعمل ولا لا
وشيك على الكوتش وطبعا تنفخه نيتروجين على 30 ومتقللش عن 30 سواء صيف او شتاء عشان زى مقلتلك العربيه تقيله فهتلاحظ ان الكوتش اللى قدان نايم ويفضل تظبته عند بريدجستون وتظبط الزوايا وتشوف الكاسيت وفرش العربيه الفبريكه
بس بجد لو العربيه حالتها كويسه وانت حافظت عليها تقعد معاك مش اقل من 5 سنين بحاله كويسه
على فكره انا كتبتلك الحاجات اللى انا بعملها وانا عن نفسى بنصحك بيها عشان العربيه تفضل بحاله جيده
اخر حاجه انا اخويه معاه نفس العربيه وعامله 62000 كيلو واحنا شارينها مع بعض ومش بيعمل اى حاجه من اللى انا قايلها فوق ونافخ هوا وصباح الفحت والردم وبرده الحمد لله العربيه مفهاش اى حاجه ولا عمره احتاج التوكيل
عشان كدا بقولك ماشاء الله العربيه دى عمليه وكمان اعتماديه لو عربيه تانيه كانت فسخت
يادوب بيغير زيت وفلتر وشكرا
بس انا عندى مبدا قالهولى سواق تكسى قريبى الله يرحمه صون عربيتك تصونك وهنها تهينك
ولو احتجت اى حاجه انا تحت امرك والسلام ختام
النصيحه الاخيره حاول بقدر المستطاع انك متقرصش على العربيه عشان العربيه تعيش معاك وتحاول تخليها فى الضل دائما لان الشمس مؤزيه جدا
مع ان برده اخويه العربيه فى الشمس والشارع على طول ولا الهوا بس اعمل ايه انا بحب احافظ على الحاجه
والسلام عليكم