اه من حيرة المدارس
كل ماسأل حد عن المدرسة اللى فيها ولاده ياإما ممتاذة ياإما زفت
معظم الردود كانت إسمع كلامى كل المدارس فى مصر زفت وهدى دروس هتدى دروس
نفسى فى راى تحليلى
عرض للطباعة
اه من حيرة المدارس
كل ماسأل حد عن المدرسة اللى فيها ولاده ياإما ممتاذة ياإما زفت
معظم الردود كانت إسمع كلامى كل المدارس فى مصر زفت وهدى دروس هتدى دروس
نفسى فى راى تحليلى
انا عندي نفس المشكلة. يا ريت لو لقيت اي مصدر سواء كان ويب سايت أو جروب على الفيس بوك تقول لي.
انا سمعت عن مدرسة في التجمع الخامس اسمها الحياة. تعليم راقي جدا بالاضافة الى تربية اسلامية على أعلى مستوى. في وقت الصلاة الدراسة بتتوقف وكله بيصلي في جماعة. ايام الحج بيعملوا لهم مجسم للكعبة ويشرحوا لهم الحج بالتفصيل.
نظام التعليم أمريكي على حسب ما سمعت. المدرسين أمريكين مسلمين. يا ريت لو حد يعرف عنها معلومات أكتر يقول لأني برضه سمعت انها الwaiting list طويييلق قوي
جامدة قووووى - بس المصاريف هتلقيها نار وياريتها هتقف على المصاريف وبس
انا رحت المصرية اللى برضه فى التجمع فيه ناس بتشكر فيها
ناشونال ب 8 و 2 باص
إنترناشونال ب 12 و 2 باص
بص يا هشام
بلا ناشونال بلا انتناشونال
انا ولاد اختي في مدارس انترناشونال بيدفعلهم 12 الف فى سنة و الله العظيم مستواهم في اهم مادة اللى هي الرياضة زفففففففففتتتتتتتتتتتتتت
بعض انا بعد كدة اشرحلهم و اعمل امتحانات و يقولك اصل الانترناشونال دة المفروض الطالب يبقي خلاص فهم فى المدرسة و ميعملش غير واجبات قليلة لما يروح و انهم مش بيحبو يعملو نظام الحفظ دة
بلا نيييييييييييلة
الواد يفهم فى المدرسة و يرجع ناسي كل حاجة و الكتب بتاعه مش موضح لا امثلة و لا طريقة حل ولا اى حاجة و بعدين حتي لو الانترناشونال دة المفروض انه صح و بره بيدرسو كدة لكن لما المصريين اللى اتعودو على طريقة الحفظ و الصم بيدرسوا يبقي اكيد فاشل فشل ذريييييييييييييييييع
سواء دخلت ناشونال انترناشونال او حتي مدارس عربي لاااااااااااااااااااااااا ازم هتبذل مجهود مع ابنك هنقعد معاه و تشرح و تحفظ و تعمل امتحانات مع نفسك لانه هو دة تعليمنا فى مصر و المدارس الانترناشونال دى مجرد استثمار مربح
رأيي ابعد عن الانترناشونال فلووووووووس في الارض و
لا لا بالراحة عليا يا onna
الأول هم فى مدرسة ايه وفى سنة كام و هم دخلينها من الأول خالص من كى جى يعنى؟
أنا رأيي تنوكل على الله واستقرب مدرسة نضيفة للبيت وسيبك من التقاليع الناشونال والانترناشونال
أي نظام تدريس في الدنيا يدخل مصر يبقى مصري على طول، كان ابن خالتي بيدرس IG وكانت أول مرة اسمع عن النظام ده، المهم طلب مني اساعدده في الرياضيات -لامؤاخذة- الـ Maths والفيزيا، المهم رحت وقريت معاه وعجبني النظام والكتب وطريقة التدريس.
المهم أخوه الأصغر منه بـ 3 سنوات (فقط 3 سنوات) لما جيت اذاكر معاه بنفس الطريقة، قاللي "لخص، بص الملزمة دي فيها البهريز، والمذكرة دي فيها أسئلة الامتحان والمستر قالنا نحفظ المثال اللي في صفحة كذا عشان بييجي زيه" !!!!!!
فقط 3 سنوات النظام اتقلب مصري 100% !!
أنا متفق معكِ لازم الواحد يبذل مجهود مع أولاده سواء ناشونال ولا انترناشونال ولا لوكال (يعني حكومي:) )، وزي ما قلت أنا في موضوع تاني إني هاجيب معمل صغير في البيت للتجارب وتليسكوب وميكروسكوب عشان اتلافى العيوب اللي كانت على أيامي.
وربنا يسترها على أولادنا ومستقبل العلم في بلدنا !
انا برة مصر حاليا وراجع أول ابريل ان شاء الله. هازورها واجيب لحضراتكم كل التفاصيل
و الله يا جماعة فيه تجربة التعليم المتميز في اسكندرية حتي الان ممتازة زي مدارس زهران اللي في سموحة
مدارس بتاخد مميزات التعليم الخاص في الاهتمام و نوعية المدرسين الاكفاء و كثافة الفصول اللي ما بتتعداش 26 طفل في الكلاس و في نفس الوقت تتبع وزارة التربية و التعليم مباشرة
انا اللي شجعني ابن اختي بصراحة الولد مستواه بسم الله ما شاء الله و دايما الاول علي المدرسة و هو حاليا في grade 3 يعني سنة تالتة و ما فيش مدرسين خصوصين لكن اختي بتبذل مجهود معاه خرافي ربنا يعينها عليه و علي اخوه
الولد بمستواه بينافس ابن اخوي اللي في سنة رابعة و مدرسة دولية في السعودية و معلوماته اغزر بكتيير
لكن لازم الاب يهتم بالدين خارجيا لانه تحت بند الوحدة الوطنية يتم اغفال الناحية الدينية يعني انا جايب محفظة قرآن لمازن ابني في البيت و بسم الله ما شاء الله قرب يختم جزء عم
محمد فهمي
انا اللي اعرفه ان مدرسة حياة غالية اوي ال كي دي ب 25000 جنيه.. يعني دبح.. بس عن مستوى الدراسة بيها فسمعت انها جامدة اوي.
طيب ليه ما سألتش عن منارة الفاروق كله بيشكر فيها و ما أظنش ان مصاريفها غالية اوي.. ده غير انهم بيعلموا الولاد السلوكيات من منظور اسلامي.
بما إن رقية إن شاء الله قربت أوي على موضوع المدرسة ده
عندي كام سؤال كدة ياريت تساعدوني في إجابتهم
أولاً فين منارة الفاروق دي؟
ثانياً تنصحوني بمدرسة معينة في المهندسين بس تكون ادارة حازمة وبتهتم بالدين ومستوى الانجليزي فيها كويس؟
ثالثاُ والأهم
أنا جالي استبحس خلاص من مدارس أكتوبر خلاص
كل ما أسأل حد عن مدرسة "س" يقوللي كلام شكل
ناس تقوللك كويسة وناس مش بطالة وناس زفففففففففت
والمصروفات نفس الشئ
تاخد من كل واحد رقم شكل لمصروفاتها
نفسي أعرف اللي باقابلهم وبيفتوا ويقولوا على مدرسة كويسة أو مش كويسة بيبنوا كلامهم على ايه؟
كل ما أسأل يقولوا مفيش بس هي مش كويسة كإنها أسرار
حاسس إن كله كلام قهاوي
تعرفوا فعلاً مدرسة كويسة في أكتوبر؟؟
المدارس الكويسة في نطاق مدينة نصر والتجمع ( أسعار السنة دي للكي جي والسنة الجاية منعرفش هتغلى قد إيه في ظل هذا الغلاء الرهيب ) :
تعليم أجنبي دون اهتمام بالدين : طلائع المستقبل . المصاريف 5500 شاملة الباص
تعليم متميز واهتمام عادي بالدين (مش دولية ) : الرواد أمام بيتزا هت 2 مصطفى النحاس 5000
تعليم متميز (دولية ) واهتمام يعني أعلى من العادي شوية بالدين ، يعني احتفال بالمناسبات الدينية ومناسك للحج ...الخ القاهرة الدولية للغات أو Cis وهي جنب الرواد ومصاريفها 5000 بالباص . ودي اللي فيها بنتي أميرة
تعليم متميز نسبياً واهتمام متميز بالدين : منارة القاهرة للغات بين عباس العقاد ومكرم عبيد أول تقاطع شمال من عباس العقاد .. 4000 ، 800 باص .. وقائمة انتظار طويلة شوية .
تعليم متميز واهتمام عالي بالدين : منارة الفاروق الإسلامية للغات ( التجمع الأول بجوار أكاديمية مبارك للأمن ) عند الربوة للي حضر المقابلات .. 6500 بالباص ، وقائمة انتظار طويلة برضة .
غير كدة مستويات أعلى دون تميز حقيقي زي زوسر برنسز والبريطانية ومصر 2000 ، أو مستويات شبه الحكومية القديمة بالضبط زي العلا ، أو مستوى زفت زي الألسن وغيرها كتييير .
اللي عايز دين أكثر تعليم متميز فعليه بمدرسة الغد المشرق الأزهرية 5000 غير الباص ، والرحيق المختوم 4000 بدون الباص .
وده اللي أعرفه بناء على لف ودوران كتيييير وقت التقديم لأميرة .
وينبغي التقديم والتربيط والتظبيط مع بداية شهر مايو وإلا لن تجد مكاناً لأولادك ..
لأبو رقية : المدرسة الوحيدة في أكتوبر اللي أعرف إن مستواها كويس هي نيو مانور هاوس ومصاريفها 7000 جنيه بالباص .. واهتمامها بالدين عادي يعني .
ومن أفضل المدارس سمعة في مصر الجديدة مدارس العروبة قديمة ومحترمة .
ومن أفضل المدارس مستوى في التعليم عموماً المدرسة الألمانية في باب اللوق ، ومدرسة السفارة الفرنسية بوسط البلد ، ولكن الاهتمام بالدين منعدم إضافة إلى تشكيلة عجيبة من الطلاب الأجانب .
تقبلوا جميعاً خالص مودتي
انا كنت فى عروبة المعادى, و بعد كده دخلت Igcse فى العروبة برده
الناس كانت محترمة جدا, و المدرسين على اعلى مستوى صراحة و التلاميذ كذلك
و كان فيه اهتمام جيد بالدين و تشجيع عليه
لكن فى السنين الاخيرة بدأ الحال يتبدل, المدرسين مستواهم نص نص, و الطلبة بقى مستواهم اوحش (اخلاقيا) و الواحد بقى مش عارف اخواته يكملوا فين
العائلة بتاعتنا فى العروبة من سنة 1987, يعنى من المؤسسين, و من اشهر العائلات فى مدرسة المعادى, علشان كده مش عارفين نغير, او نروح مكان و نبدأ من اول السلم تانى
لكن نصيحة, حاول تشوف مستوى الناس اللى فى المدرسة, هل لهم نفس او فكر مشابه لك, اتجاهاتهم ايه, و ده بيبان من حاجات كتير, علشان اولادك هيقضوا معظم اليوم هناك, فتبقى مطمئن للحاجت اللى بيسمعوها من زمايلهم او بيشوفوها او كده
على سبيل المثال, اهلى كانوا هيقدموا لى سواء فى كلية النصر فى المعادى او الليسيه الفرنسية, لكن اللى عرفوه من ناس فى المدارس دى عن الطلبة بتعمل ايه, و اولياء امورهم شكلهم ايه, استبعدوا الفكرة.(على سبيل المثال كان فى طلبة بتفتخر و بتكلم عادى ان اهلهم بيشربوا خمر, ووو الى اخره....)
تسلم ايدك يا دكتور على ردك الوافي
وانا في انتظار أي حد من الاخوة يدلني على حاجة كويسة في المهندسين لانها تعتبر نسبياً أقرب مكان لأكتوبر فبالباص مش هاتقعد ساعتين في الطريق يعني
لان كدة نيو مانور هاوس دي ميزانيتها عالية شوية عليا بالاضافة إني محتاج حاجة أعلى من العادي في الاهتمام بموضوع الدين
لا شكر على واجب .. أخجلتم تواضعي والله العظيم
تقبلوا جميعاً خالص مودتي وتقديري
لأبو رقية .. أنا مش عايز أخوفك ولا حاجة ، بس سواقين ميكروباصات المدارس في كثير منهم متهورين ، وأنا أنصحك أن تبحث في نطاق أكتوبر بدلاً من المهندسين وقرف المحور ، وعدم انتظام مواعيد الباصات ، وده غير تهور السائقين على المحور .
وربنا يوفقك
السلام عليكم
أنا علا قالت لي ان في موضوع عن حيرة المدارس قلت أشارك بما عندي من معلومات
أولا لأبي رقية
في مدرسة جديدة جنب دندي مول اسمها Brilliance International تبدو انها كويسة وفيها تجويد وتحفيظ قرآن
وفي مدرسة أزهرية أظن ا.سمها الهدىمعرفش فين في 6 أكتوبر
أما ولاد عمي في مدرسة اسمها royal International language shool
بيشكر فيها جدا بس منهج الوزارة بس اللي بيدرس في الدين
وفي بايونير ودريم ايديل وده كل اللي أعرفه ناشونال في 6 أكتوبر
في واحده انترناشونال تحفة اسمها الرؤية الجديدة بأربعين ألف kg لأنها بتدرس الأنترناشونال باكالورية
أما النهارده واحدة برضه محتارة في المدرارس قالتلي على مدرسة اسمها الرسالة في مدينة العبور الحي التاني
قالت لي تحفة في كل حاجة دينيا متميزة جدا وأكاديميا ولغويا وبيدرسو English ,French من بيبي كلاس وبيرجعو يتكلمو انجليزي او فرنساوي في البيت وبيدو بناء شخصية منهج رؤية بصراحة وهي بتحكيلي خليتني عاوزة أروح أشوف ايه ده. غير كده بتقول الكلام ده كله من أوليء أمور قابلتهم هناك ومبسوطييين جدا وقالتلي كمان ان فيها حاجة مفيش ولا مدرسة بتعملها لما سألتها عن ثمن الأبليكيشن
قالت لي لأ انتي تروحي تعملي انترفيو الأول ولما البنت تقبل وتعرفي النظام والمنهج وقررتي تدخلي ساعتها تملي أبليكشن وتدفعي تمنه أنا احترمت الموضوع ده جدا في المدرسة.
أما منارة الفاروق مالهاش زي ممتزة بمعنى الكلمة وفيها نظام وبيحثو على التفكير والابداع بجد مش كلام زي مدارس تانية. يوم مقابلة بنتي هناك انبهرت بالاهتمام بالفصول والتعليم والولاد من كي جي بيرسمو فكرهم في حل مشاكل المجاعة في افريقيا
الحقيقة مدرسة بديعة بس الي يعرف يدخلها لأن الأقبال مش طبيعي بس يستاهلو ومش حرامية ولا هدفهم المكسب وبس.
Modern Education برضع سمعتها ممتازة تعليميا لكن دينيا لأ ودي شطبو بدري خلاص.
Maadi Narmer برضه تحفة تعليميا لكن دينيا لأ
أنا عن نفسي أميل للي في جانب ديني بس على شرط ان يكون المستوى الأكاديمي لائق جدا.
في بقى Bashaer British بدأت تاخد سمعة جامدة أوي والاسلامية الوحيدة british ب13 500
ولاستخارة في الآخر هي الفيصل والدعاء طبعا
ياريت لما اللي حيرانين يرسو على مدرسة يقولولي ايه الأخبار
انا فيه ناس رشحولى المصرية للغات فى التجمع الأول
ابنى حاليا فى مدرسة إسمها Roots
حد عنده فكرة عنهم؟
السلام عليكم
معلش الموضوع قديم شوية بس أنا عندى أستفسار
مفيش حد من الناس اللى قالو رأيهم أو كانوا بيسألو عنده تحديث ؟؟؟
يعنى حد راح مدارس من اللى قولتوها وكان رأيه أيه ومصاريفهم أيه ؟
أنا بصراحة الموضوع ده عاملى قلق شوية....وخصوصاً أنى عاوز مدرسة لبنتى تكون متميزة دينياً و أكاديمياً برضه.....وبرضه تكون مصاريفها معقولة.
فى أنتظار أرائكم وتجاربكم.
منارة الفاروق 7300 جم مصاريف العام السابق و لم يتم تحديد مصاريف العام المقبل حتى يوم السبت 28 فبراير + 1800 تقريباًُ الباص....برضه السعر مش محدد + حوالى 1000 الكتب و الزى
منارة الأيمان ( مدينة نصر ) 7500 مصاريف العام المقبل + 1800 باص
أى حد عنده معلومات تانى يا ريت يضيفها لو سمحتم.
سواء دفعت او لم تدفع فى مدرسة لغات او عربى او امريكى
طالما انت فى المحروسة فالنظام كله واحد + الدروس الخصوصية
ولا فرق فى المكان او نظام المدرسة لان المدرسين كلهم من نفس البلد وعلى نفس النظام
أنا إبنى يا احمد فى مدرسة الرواد
دى مصاريفها حوالى 6000 الف بالباص و الزى
و مكانها مصطفى النحاس خلف العمارات إللى أمام التوحيد و النور إللى بعد مدرسة المنهل
3 من أصحابي مدخلين ولادهم مدارس نور.. هي تربويا و دينيا كويسة جدا، انما تعليميا، نفس النظام العقيم بتاع إعموا العيال هوم ورك لحد ما يبان لهم اصحاب :dontudear:
فيه مدرسة تانية سمعت انها كويسة اوي اسمها تاجان Tajan و زي ما سمعت هي بترمز للتاجان (تاج العلم و تاج الإيمان). ممكن أجيب لكوا تفاصيل أكتر عنها لو حبيتوا.
بص اى مدرسة قريبة من البيت وهات طقم مدرسين فى البيت وتابعهم انت احسن
فى مدينة نصر.....القاهره الدوليه.....
الرواد...
منارة القاهره(ودى انا درست فيها والصراحه كانوا مدرسينهم محترمين جدا بس هيا دخولها صعب شويه)..
دول اللى اعرف ناس درسوا فيهم وشكروا فى مستواهم
بص يا باشا في مدرسة المصرية و دي في منها كذا فرع
في فجسر السويس"ناشينوال" و في فالعاشر من رمضان اميركان دبلوم و لغات عادي و في فمصر الجديد"انتر ناشينوال "
المدرسة دي بجد قمة في الانظباط و من احسن المدارس الي شفتها و كمان تربية دينية كويسة
ساعة الصلاة كلة بيصلي جماعة
يا شباب جزاكم الله خيراً جميعاً على التحديث
بس ياريت لو حد عنده خبرات مع مدارس في 6 أكتوبر يفيدنا أفاده الله
بالنسبة للي - لأني معرفش بديل - في الغالب تم الاتفاق على التقديم في مدرسة جيل 2000 في الحي الثاني في 6 أكتوبر ورا بنزينة كالتكس اللي قدام الحصري
نعرف حد مودي ولاده هناك وقال إنه مش بطالة، يعني مش متميزة أوي وفي نفس الوقت مش سيئة.
وطبعاً الاختيار الفيصل فيه مصاريف المدرسة اللي في الحالة دي هاتكون 5000 بالإضافة إلى 2000 باص المدرسة
التقديم دلوقتي شغال وهايستمر حتى أوائل مايو
[quote]منارة الفاروق 7300 جم مصاريف العام السابق و لم يتم تحديد مصاريف العام المقبل حتى يوم السبت 28 فبراير + 1800 تقريباًُ الباص....برضه السعر مش محدد + حوالى 1000 الكتب و الزى
منارة الأيمان ( مدينة نصر ) 7500 مصاريف العام المقبل + 1800 باص
أى حد عنده معلومات تانى يا ريت يضيفها لو سمحتم.
[/انا ابني في مناره الايمان مدينه نصر
المدرسه محترمه جدا وتربيه اسلاميه وبيعملا الماسك زي الحج كانو عملينه وفي وقت الصلاه بيصلو جماعه ومهتمين بالغات والرياضه والفن يعني زي ما صاحب المدلرسه قالنا في اللقاء الاول معاه انه حب انه يجمع بين الاتنين الدين والتعليم الحديث غير الاهتمام من المدرسين يعني لما ابني تعب وقعد 3 ايام ميروح الاخصائيه الاجتماعيه اتصلت تسئل عليه وتاني يوم مدرسه الفصل اتصلت برده تسال عليه ومدرسه انا تقيمي للمدرسه فوق الممتاز
المصاريف السنه اللي فاتت كانت 6000+1500 الباص Kg1
معرفش السنه دي كام
سؤالين يا استاذ اسامة لو سمحت
1- مكان المدرسة فين
2- مختلطة ولا لا
3- اقل سن ممكن يقبلوا ( ممكن ياخدوا 3سنين و 5 اشهر )
4- عندهم waiting list ولا لا و ايه انسب وقت اقدم لابني فيه للعام القادم ( يعني استنى للصيف ولا ابتدي من دلوقتي )
احم احم
بعد اذن الساده الاعضاء المهتمين و المشاركين بالموضوع
انا مش متخيل الاسعار دي للدراسه فتره الحضانه و الابتدائي!!!
هو مش كان في مقوله قديمه في مصر بمجانيه التعليم؟
الاسعار فعلا صادمه بالنسبالي و محتار افكر اللي معندوش القدره الماديه لكده بيعمل ايه بقي؟
[QUOTE]سؤالين يا استاذ اسامة لو سمحت
1- مكان المدرسة فين
2- مختلطة ولا لا
3- اقل سن ممكن يقبلوا ( ممكن ياخدوا 3سنين و 5 اشهر )
4- عندهم waiting list ولا لا و ايه انسب وقت اقدم لابني فيه للعام القادم ( يعني استنى للصيف ولا ابتدي من دلوقتي )[/QUبص يا باشا انا فاكر انهم كانو بيقولو اربع سنين بس هما بيحسبو السن في اول اكتوبر
المدرسه فيها بنات بس مش مشتركه دول ليهم مدخل ودول ليهم مدخل
مكانها حنب الضاريب في الحي العاشر (كبار الممولين) يعني وانتا جاي من السابع وبتوصل لسوق السيارات بعديه الحي العاشر بتلف وترجع بتدخل اول يمين بوتلاقي يفط ليها وبجد المدرسه هايله وفوق الممتازه
انا السنه اللي فاتت قعدت الف تقريبا اسبوع جبت من اول طريق مصر اسماعيليه لحد مدينه نصر التجمع الول والخامس وكله والحمد لله استقريت علي دي المدلاسه لسه جديده ومهتمين قوي كانت نازله السنه اللي فاتت من الوزاره المصاريف 7500 وعشان المدرسه جديده صاحب المدرسه خلاها سته
متشكر ليك يا استاذ اسامة
انا كلمتهم على فكرة
قالتلي لا 3سنين و 5 اشهر هيدخل بيبي كلاس
وال kG بقى ب 7500 علة فكرة و البيبي كلاس ب 5500
الاسعار دي غير الباس و اللبس