دي مدونة لصديق شخصي بعتهالي النهاردة
حقيقي المرض النفسي من اخطر الامراض والسكوت عليه في منتهى الخطورة
ولو قدر المريض يعرف مرضه ويتعايش معاه اعتقد ده وصوله ل 50 % من علاجه
ده عنوان المدونة
مذكرات مريض نفسي مصري
عرض للطباعة
دي مدونة لصديق شخصي بعتهالي النهاردة
حقيقي المرض النفسي من اخطر الامراض والسكوت عليه في منتهى الخطورة
ولو قدر المريض يعرف مرضه ويتعايش معاه اعتقد ده وصوله ل 50 % من علاجه
ده عنوان المدونة
مذكرات مريض نفسي مصري
شكرا يا كريم باشا على المدونة
سوف اتصفحها
لانى بصراحه احس ان كلنا "بلاش علشان ماحدش يزعل "
احس انى مريض او على وشك المرض
ربنا يستر علينا
--
اشكرك برضه لانك وريتنى شئ جديد
الا و هو العين الخضرا
انا اعرف العين الحمرا
بس الخضرا دى جديده
كدة انت شجعتنى ابدأ العلاج ياكريم...بس انا حاسس لو بدأت العلاج ممكن يزيد المرض النفسي العندى...وللاسف عيشتنا فى البلد هى المسببة لنا معظم الامراض النفسية والعصبية...بس فعلا لو عملت احصائية ممكن تلاقى 85% من الشعب المصرى عنده مرض نفسي و عصبى...ربنا يرحمنا برحمته
شكرا على المدونة ياكريم...انتظر مدونتى الشخصية ورحلتى مع العلاج...حصريا على نايل موتورز
هو موضوع مهم بس تقبله صعب جدا
وقصدى بتقبله هو تقبل المريض ذاته لمرضه واما بالنسبه للمحيطين اعتقد ان بقى فيه بعض الوعى للمشاكل النفسية.
ساعات الواحد بيتحط فى ظروف صعبة جدا ودا بيخليه ممكن اجرسيف شويه من غير مياخد باله او يقول حاجات مش فاهم معناها وكلنا بنشوف الحاجات دى بس المشكله اننا مبنصدقش اننا محتاجين مساعده نفسية حصل لاخويا نتيجة ظروف معينه انه كان على طول متضايق وبيكسر فى زجاج البيت وحاسس ان كلنا مضطهدينه وواقفين ضده وبمجرد زوال السبب راحت الاعراض دى وبقى شخص عسل خالص كان بيحب بنت معينه وكلنا رافضينها ولما عرف اننا كان عندنا حق فى الرفض انتهت المشكلة.
والله يا فندم مش صعب ولا حاجة...انا اول واحد بعترف انى محتاج علاج نفسي...انا مشكلتى انى مش بعرف اخرج عصبيتى او حزنى فى تكسير او زعيق...انا للاسف من النوع البيكتم غضبه بداخله...ودة خلانى اتعب جدا لدرجة انه انتقل من مجرد حالة نفسية...لالام فى الجسم وارق وقلق...وبرضه كانت نتيجة مرورى بظروف معينة..وهى الخلتنى كدة واثرت على جسمى جدا...انا شايف ان لو حلها انى اروح لطبيب نفسي ثقة كان هيقلل من الاعراض العضوية المريت بيها
المشكلة فعلا ان الناس في مصر بتلوم الواحد على حاجات مالوش ذنب فيها
يعني العاقر تلاقي حماتها بتلسن عليها و عايزة تطلق ابنها منها
طيب مش ممكن بنتك تكون زيها؟
الرجالة اللي عندها مشاكل في الخصوبة او في القدرة ..... عيب جدا و تلاقيه رايح للدكتور في الخباثة و لو حد ساله يبقى مكسوف يقول و يقول انا بمب مفياش حاجة
المريض النفسي كذلك
طيب ليه؟ يعني هو لو واحد مثلا جاله اسهال و لا رجله اتكسرت و راح لطبيب جهاز هضمي او عظام حد هيقول له بم؟
اشمعنى دي بقى؟
سؤال مش لاقي له اجابة .....
احلى كلام عجبنى هو :
من الآن فصاعداً ...... سأصارح الجميع بمرضي
سأشارك الجميع معاناتي
سأبوح بسري
من الآن فصاعداً
فخور بأني مريض نفسي
فخور بأني أتعالج
فخور بأني سأشفى
و ليغضب من يغضب
و ليرحل من يرحل
و لينكر من ينكر
فصحتي و سلامتي النفسية فوق الجميع
السلام عليكم ورحمة الله وبركاته
اولا بجد خطوه جميله وموضوع شيق ان حد يثيره من المنطلق ده وفعلا في ناس كتيره بتنكسف تحكي حتي وتطلع اللي جواها وده من خلال تخصصي اقدر اقول انه نص علاج او طريقه الإرشاد في الأول هي التحدث وخروج الإنفعالات وفعلا النظره العامه للطب النفسي بينظر له كحياء..تعالوا نتفق قاعده عامه علشان الكل ياخدها في حسبانه " لا يخلو الفرد من الإ‘ضطراب النفسي" بمعني كلنا بنمر بازمات نفسيه وحداد والم ووجع نفسي وارهاق منزايد ومخاوف وانفعالات كله ده اضطراب صح؟ طيب وبنحتاج لأقرب الناس وتحكيله وان كان صديق او اخ او شريك حياتك ده نص العلاج انك تخرج اللي جواك ..طيب في ناس مبتقدرش لازم ليهم حل والقدره على اقناعهم بخروج الإنغعالات من جوا الإنسان وده ليه طرق كتيره واهمها طرق العلاج النفسي اما سيكو سيربي او سيكو اناليسيس او جروب جماعي بنعتمد فيه على خروج المشاعر والتحدث عنها وانا بعتبر دي وسائل علاجيه اجسن بكتير من العلاج الدوائي....طيب في حاجه مهمه انا ملاحظها ليه بتقوله مرض نفسي دي مش امراض المرض لما يفقد الإنسان السيطره على نفسه ده عرض يعني عادي جدا اني اتعرض لموقف شديد علي نفسي ابكي انا نفس بشريه بس ميوصلش لأكتئاب وفقدان القدره على الحياه زعلانه ده عرض لكن افقد قدرتي على التعامل مع الناس واثار فسيولجيه جسميه بدايه دخول بشكل مرضي خط احمر . ليه لما ضرسنا بيوجعنا بنروح نعمل حشو او تنظيف لكن منوصلش لعلاج عصب ...ده اللي اقصده ان زيارتك لطبيبه نفسي او معالج نفسي علشان يساعدك كارشاد نفسي ولو لقي ان في مشكله او فعلا المشكله دخلت في نطاق المرض النفسي بيتدخل وبيحدد طريقه العلاج حسب تشخيصه ويبدا فيها وايه يعني لما اشتكي ايه يعني لما اقول انا تعبان ومحتاج اللي يسمعني وايه يعني لما اقول انا رايح اخد جلسات استرخاء حاسه ان بقيت نرفز من الضغوط او عايزه استعيد نشاطي او اي ان كان السبب هل ده معاناه ان انا مريض نفسي وان كان ليا الفخر ان بدات علشان اتوازن واعرف طريقي واقف كان انا بتعالج من اي مرض عضوي وسوف يحاسبني الله ان اهملت فيه ...كفاكم الله شر كل زي شر وعفاكم يارب :_Alshmokh23[1]:
حضرتك معترف باضطرابك النفسى دا كويس وحضرتك شخص واعى وايجابى المشكله ان حضرتك واحد من كام مليون هو زى ما الاستاذ احمد كمال بيقول الواحد بيقول على نفسه بمب و 100100 ومبيصدقش انه مضطرب انا مثلا باخد علاج فيرس سى من ضمن العلاج كبسولات ريبافارين والمشكله فى الريبافارين انه بيخلى الشخص دايما متنرفذ وعصبى لقيتنى كل شويه صوتى بيعلى وبقيت مقتنع جدا بآرائى اللى انا واثق انها مش لازم تبقى صح على طول الخط احنا بشر المهم انا مكنتش عارف انا ليه كده فبقرأ النشرة اللى مع الكبسولات دى لانها طويلة جدا وبالانجليزى مكنتش قرأتها فى الاول لكن لما قرأتها اكتشفت حاجات للاسف الدكاتره مقلوليش عليها وهى ان الشخص بيبقى Aggressive فبدأت بعد معرفت انى انا المضطرب نفسيا اهدى نفسى شوية واقول ممكن اكون انا اللى غلطان لكن قبل ماقرأ النشرة مكنتش هصدق فالمشكله ان المضطرب نفسيا مبيصدقش انه مضطرب.