الموضوع: بسم الله ........ اتفضلوا معانا

المشاركة الأصلية كتبت بواسطة friendship7897

يا حاج أحمد - الموضوع في أوله يفتح النفس وآخر مشاركة ليك عكس تفتح النفس بصراحة - ليه الوصف التفصيلي دا ؟
الله يسامحك
المهم نرجع للموضوع من أوله أحسن ، هو ما عندوش ديلفري ؟ ، ولو عنده ممكن الطلعة اللي جاية تجيب لنا رقم تليفونه لو سمحت ، ومع الرقم صوباعين ممبار سبايسي ، ولو معندوش ديلفري هل عنده قسم خاص للمحجبات ، ولا كله بيقعد في الشارع .
علشان لو فيه قسم عائلات هروح أنا وجوزي والعيال .
لكن لو كله بيقعد في الشارع هروح أنا وصحباتي في الشغل ، لأن ممكن كل الناس تشوفني وأنا قاعدة هناك ( عادي يعني هتفضح بس ) إلا جوزي - ممكن يطلقني .
وفين صور مقابلتكم الأخيرة 31 مايو ؟!

هههههههههه
احمد سكرين ده اصله حبيبي وانا متعمد ... افتح نفسه ...
يا فندم القعدة كلها عبارة عن كراسي وترابيزات في الشارع ... واسر وعائلات وساعات فنانين وممثلين ومطربين كمان
لو نفسك تجربي ... روحي يوم مع اسرتك طبعا بعد الساعة 12 ليلا
وبلاش تطلبي مشكل لأن اكيد فيه حاجات مش ح تعجبك
اطلبي مثلا كبدة وطحال وممبار
ممكن كمان طاجن العكاوي مالوش حل
والكوارع والفتة بتاعتها طبعا للمحترفين
لكن طالما مالكيش في البلاوي اللي احنا بناكلها ف الصور دي
يبقى بلاش لسان ولحمة راس وفشة
بحة اللي ف الناصرية اللي انا واصف طريقة في الموضوع ده
وفيه كمان حبايب السيدة ده جنب مستشفى الاطفال في السيدة زينب بردو
...
حكاية الديلفري دي صعبة شوية
انا عن نفسي اخاف اسأله عندك ديليفري ولا لأ ... ممكن ساعتها يقيمو عليا الحد وتلاقيني بأتباع ضمن القائمة
والله لو روحتي ح تبقى تجربة ظريفة وطبعا ممكن تاخدي تيك اواي من هناك لو مش عاوزة تاكل في الشارع
بس ديلفري دي ح يعتبروها شتيمة وممكن يبقى فيه اصابات
هههههههههههههههه