الموضوع: حرقت جامد ومكنتش لسه مكمل الالف ....... هل كده فى مشكله ؟

المشاركة الأصلية كتبت بواسطة M.almaghraby

سوري بقا يا اسلام اعتذرلك عن جهلي بالنقطة دي

الموضوع مش محتاج اسف ولا حاجة... كلنا هنا عشان نتعلم

منور القسم يا بشمهندس محمد والله

دا نورك يا باشا

بس ليه مش صح ؟

الموضوع ببساطة فى عملية تطبيع الشنابر على الشميز... الضغط اللى فى غرفة الحريق فى شوط القدرة هو اللى بيضغط على الشمبر فى مواجهة الشميز و دة الشوط اللى بتطبع فيه الشنابر... لو فضلت متحرقش على العربية الشمبر حيطبع على احمال قليلة نسبيا و لما تحرق على العربية بعد كدة حيبقى فيه نسبة تفويت من الشمبر و دة بيقلل اداء العربية... و من هنا بتيجى ظاهرة ان فيه عربيات بتبقى فايقة و بتجرى حلو و عربيات تانية تجميعها مش قد كدة بالرغم من ان الاتنين جداد او ماشيين نفس الكيلومترات و بيتعملهم صيانة بانتظام

و بعدين مش 5 ار بي ام كتير علي عربية 1300 لسه معملتش الف كيلو " لو فضل عليها كتير اصدي "

مش كتير ولا حاجة... انت اخرك الred zone بتاع عداد الRPM و دة له علاقة بتصميم المكنة مش السعة اللترية

و هل معني كدا ان التليين فالعربيات الجديدة اصلا مش موجود ولا ايه " انا الي قريته فمواضيع كتيرة عكس كدا "

التليين اللى الناس بتتكلم علية دة لما تعمل عمرة و تبقى خارط كرنك و شمايز و الكلام دة لان دة بيتم فى ورش امكانيتها اقل من امكانيات المصانع الكبيرة اللى بتصنع المواتير دى بالتالى لازم الحرص فى التليين

الكلام دة مش مطلوب فى المحركات الجديدة لان المكونات بتاعت الموتور معملة بدقة كبيرة جدا و مش محتاجة كل الحرص دة... دة برضة مش معناه انك تفرتك المكنة و هى لسة جديدة لكن الموضوع ضغط تدريجى فى اول 100 الى 150 كيلو و بعد كدة خلاص

MMamdouh